"Heç Ağdamı unutmuşam ki, xatırlayım da?" — Mənsum İbrahimovdan TƏSİRLİ SÖZLƏR

12:37
23.07.2019
3942
Mədəniyyət
A
“Hər il Ağdamın işğal günü , o hissləri, o ağrı-acını yenidən yaşayırıq. Çünki Ağdam kimi cənnət guşəmizin, bir mədəniyyət mərkəzinin işğalı bizim üçün sözün əsl mənasında böyük faciədir”.

Bu sözləri xalq artisti Mənsum İbrahimov “Ölkə.Az”a Ağdam haqqında danışarkən bildirib:

“Bildiyimiz kimi, Ağdam böyük ziyalılar, sənətkarlar yetişdirmiş bölgədir. Qeyri-rəsmi olaraq hər zaman Qarabağın mədəniyyət mərkəzi rolunu oynayıb. O vaxtlar “Xarı bülbül” festivalları, böyük tədbirlər Ağdamda keçirilirdi. Bu bölgə hər zaman öz ziyalıları ilə tanınıb. Bu gün Ağdamın böyük bir hissəsi düşmən tapdağı altındadır. Biz öz sənətimizdə də bunu hiss edirik. Daha o səslər o axınla Bakıya gəlmir. İnşallah, ümid edirik ki, tezliklə bu problem öz həllini tapacaq. Mən istəmirəm ki, bu problemi öz övladlarımıza miras qoyaq".

Xalq artisti münaqişənin tezliklə həllini tapacağına ümid etdiyini dilə gətirib:

"İnanıram ki, tezliklə Ali baş komandanımızın rəhbərliyi ilə Ağdamımızı, Şuşamızı, Qarabağımızı geri qaytaracağıq. İnşAllah “Muğam” müsabiqələrini Ağdamda təşkil edəcəyik. Hiss edirəm ki, o gün yaxındadır".

Əməkdaşımızın “Heç olubmu, birdən-birə Ağdamı xatırlayıb, ağlamısız, kövrəlmisiz?”- sualına xalq artisti belə cavab verib:

"Heç Ağdamı unutmuşam ki, xatırlayım da?  Mən bu səsi o torpaqda qazanmışam. Bu səsi mənə bəxş edən torpağı unuda bilərəmmi? Ağdam hamı üçün ağrılı yerdir. Ancaq o torpaqda doğulan, boya başa çatan insan üçün bu qat-qat ağırdır. Mən hərbi xidmətə qədər orada yaşamışam. Ona görə, mənim üçün bu, daha ağrılı problemdir. O hər zaman mənim ürəyimdədir, qəlbimdədir”.

Qeyd edək ki,  Ağdam rayonu 23 iyul 1993-ci ildə ermənilər tərəfindən işğal olunub. 

Vüsalə Balayeva
Ölkə.Az

ŞƏRH YAZ
0

Xalq artistlərinin yaddaşında qalan HEYDƏR ƏLİYEV — Onu necə xatırlayırlar?

Xalq artistlərinin yaddaşında qalan HEYDƏR ƏLİYEV
17:43
12.12.2019
7139
Mədəniyyət
A
Azərbaycan xalqının Ümummilli Lideri Heydər Əliyevin vəfatından 16 il keçir. Müasir Azərbaycanın tarixində 12 dekabr - kədərli bir tarixdir. 2003-cü ilin məhz bu günündə uzun sürən xəstəlikdən sonra Heydər Əliyev vəfat etdi. Heydər Əliyev yalnız Azərbaycan Respublikasının Prezidenti deyil, ən çətin dövrlərdən birində vətəninin xilasına gəlmiş, ölkəni dirçəliş və tərəqqiyə, çiçəklənməyə aparan Azərbaycan xalqının ümummilli lideridir. Heydər Əliyevin təkcə Azərbaycanın siyasi, iqtisadi həyatında deyil, həmçinin incəsənət tarixində də misilsiz töhfələri olub. Bəs, dünya miqyaslı siyasətçi, böyük insan incəsənət nümayəndələrinin yaddaşında necə qalıb?

“Ölkə.Az” olaraq, ilk Xalq artisti Mənsum İbrahimovun fikirlərini öyrənməyə çalışdıq. Sənətçi əməkdaşımızla söhbətində Ulu Öndəri Azərbaycan xalqının xilaskarı adlandırıb.

Image result for mənsum ibrahimov

“Ulu öndər Heydər Əliyev bizim xilaskarımızdır. Azərbaycanın hazırkı inkişafında Ulu öndərin müstəsna rolu var. Çünki, bu dövlətin təməlini Heydər Əliyev qoyub. Mən çox xoşbəxtəm ki, mənə də onunla bir neçə dəfə görüşmək nəsib olub. Hətta bir dəfə onunla bir yerdə xarici səfərdə də olmuşam. O, sənət insanlarının heç birini diqqətdən kənarda qoymurdu. Hər dəfə dövlət tədbirləri olanda Ulu Öndər mütləq konsertdən sonra səhnə arxasına gəlib, bütün incəsənət insanları ilə görüşərdi. Hər birimizi diqqətlə dinləyib, dəyərli məsləhətlərini bizdən əsirgəməzdi. Ona görə, mən çox xoşbəxtəm ki, Ulu Öndərlə təmasda olmuşam. İlk dəfə o, məni 1998-ci ilə əməkdar artist adına layiq görüb. Biz xoşbəxt xalqıq ki, bizim Ulu Öndər kimi liderimiz var. Onun ruhu bu gün də bizim başımızın üzərindədir. Bu gün də onun davamçısı Prezidentimiz İlham Əliyev onun yolunu davam etdirir. 

Allah onun ruhunu şad etsin, o, hər zaman bizimlədir”,- deyə xalq artisti vurğulayıb. 

Xalq artisti Mübariz Tağıyev isə onun incəsənət üçün etdiyi misilsiz xidmətlərindən söz açıb.

Image result for Mübariz Tağıyev

“Heydər Əliyevin sənət aləmində etdiyi köməkliklər, xidmətlər misilsizdir.  O, bu günə kimi sənət adamları üçün əvəzolunmaz, dəyərli işlər görüb. Ulu Öndərin qoyduğu həmin o yol bu gün də Prezidentimiz İlham Əliyev tərəfindən qürurla davam etdirilir. Heydər Əliyevin sənət adamlarına olan dərin hörməti, qayğısı böyük olub. Sənət adamları ilə, Niyazi, Rəşid Behbudova olan hörmətini, qayğısını mən canlı şahidi olmuşam. 

Bütün tədbirlərdə xüsusilə səhnə arxasına gəlirdi, bizimlə görüşürdü. İnandırım sizi, bir də görürdün 40-50 insan durub, heç kəsi diqqətindən kənarda qoymurdu. Bir-bir hamı ilə görüşürdü. O, böyük, dahi insan idi. Ruhu şad olsun. Mənə elə gəlir ki, hər bir sənət adamı, hər bir azərbaycanlı onun etdiklərinə, bizə miras qoyub getdiyi misilsiz zəhmətlərinə görə, ömrü boyu ona borclu olacaq. Müstəqil Azərbaycanın yaranması birbaşa onun adı ilə bağlıdır. 

Belə bir söz var “Sənət hər bir millətin güzgüsüdür”. Bizə olan hörməti, dəyəri bizim ömrümüzün sonuna qədər bizimlə gedəcək. Allah ona qəni-qəni rəhmət etsin. Nə qədər Azərbaycan var, biz varıq, onun xatirəsi əbədi olaraq yaşayacaq”,- deyə ifaçı qeyd edib.

Xalq artisti Sadıq Zərbəliyev isə hələ, 1991-ci illərdə Naxçıvanda tez-tez Ulu Öndərlə görüşdüyünü bildirib.

Image result for Sadıq Zərbəliyev

“Mən 1991-1993 cü illərdə dəfələrlə Naxçıvanda rəhmətlik Heydər Əliyevin yanında olmuşam. Onunla dəfələrlə görüşmüşəm. Hər dəfə də mən onunla görüşəndə kövrəlirdim, gözlərim dolurdu.

Yadımdadı, bir dəfə onunla görüşəndə dedim ki, “Yoldaş Əliyev Allah mənim ömrümdən kəssin, sizə versin” diqqətlə mənə baxdı, “Qoy, hər kəsənin ömrü özünə qalsın” deyə cavab verdi.

 O zamanlar mən heç düşünməzdim ki, Heydər Əliyev yenidən prezident seçiləcək. 

Onun sənət insanlarına xüsusi diqqəti vardı, məni əməkdar artist olmadan birdəfəlik Xalq artisti adına layiq gördü. Türkiyədə Atatürk xalqının himayədarı oldu, Azərbaycanda da Heydər Əliyev, bizim hamımızın lideri, öndərimizdir. O, ölməyib, bizim qəlbimizdə, ürəyimizdə daima yaşayacaq. Heydər Əliyev əbədi olaraq Azərbaycanla yaşayacaq”.

Vüsalə Balayeva
Ölkə.Az

ŞƏRH YAZ
0

Xalq artisti xəstəxanaya yerləşdirilib

Xalq artisti xəstəxanaya yerləşdirilib
14:13
12.12.2019
5914
Mədəniyyət
A
Xalq artisti Ceyran Haşımova ürəyində yaranan narahatlıq səbəbindən xəstəxanaya yerləşdirilib.

"Ölkə.Az" kulis.az-a istinadən xəbər verir ki, hazırda həkim nəzarətində olduğunu bildirən Ceyran Haşımova vəziyyətinin stabil olduğunu deyib.

ŞƏRH YAZ
0
BAĞLA