Həcc ziyarəti üçün Azərbaycana ayrılan kvota artırıldı

Həcc ziyarəti üçün Azərbaycana ayrılan kvota artırıldı
13:57
13.02.2018
1578
Ölkə
A
Bu il Həcc ziyarəti üçün Azərbaycana ayrılan kvota 1200-ə qaldırılıb.

"Ölkə.Az" xəbər veirr ki, bu barədə “Report”a açıqlamasında Qafqaz Müsəlmanları İdarəsinin (QMİ) məsul nümayəndəsi, Azərbaycanın Həcc missiyasının üzvü Həmdulla Babayev məlumat verib.

O, kvotanın artırılmasına səbəb kimi QMİ-yə çoxsaylı müraciətlərin daxil olmasını göstərib.

QMİ rəsmisinin sözlərinə görə, əgər müraciət edənlərin sayı çox olsa, kvota sayı 2000-ə qədər artırıla bilər: “Həcc ziyarəti üçün qiymət 4150 dollar müəyyən edilib. Fevral ayının 10-dan artıq sənəd qəbulu başlanılıb. Sənəd qəbulu iyulun 15-dək davam edəcək. Üç gün ərzində 9 nəfər sənəd verib. Onların heç biri təkrar gedənlər deyil”.

H.Babayev əlavə edib ki, bu il Azərbaycandan təkrar Həcc ziyarətinə gedəcək zəvvarlar ötən il olduğu kimi əlavə 535 dollar ödəyəcək”

Ziyarət səfəri avqustun 14-dən 17-dək həyata keçiriləcək: “Qurban bayramının avqustun 22-də olması nəzərdə tutulub. Geri dönüş isə sentyabrın 1-dən gündə iki reys olmaqla sentyabrın 4-nə qədər baş tutacaq”.

Qeyd edək ki, 2017-ci il üçün Həcc ziyarəti üçün 600 nəfərlik kvota ayrılmış, müraciətlərin çoxluğu nəzərə alınaraq kvota 900-ə qaldırılmışdı. Ötən il Azərbaycandan gedənlərin ziyarəti üçün qiymət 3850 dollar idi.

ŞƏRH YAZ
0

Temperatur 5-7 dərəcə enəcək, yağış yağacaq — XƏBƏRDARLIQ

Temperatur 5-7 dərəcə enəcək, yağış yağacaq
09:00
Bu gün
1991
Ölkə
A
Bakıda və Abşeron yarımadasında dekabrın 14-dən 15-nə keçən gecə bəzi yerlərdə yağışın arabir intensivləşəcəyi gözlənilir.

Bu barədə "Ölkə.Az"a Ekologiya və Təbii Sərvətlər Nazirliyinin Milli Hidrometeorologiya Departamentindən məlumat verilib.

Dekabrın 16-sı günün ikinci yarısından başlayaraq 17-si gündüzədək isə şimal-qərb küləyinin güclənməsi nəticəsində havanın temperaturunun aşağı enəcəyi, maksimal temperaturun 4-6 dərəcə isti təşkil edəcəyi, bəzi yerlərdə yağıntılı olacağı gözlənilir.

Rayonlarda dekabrın 17-si günün ikinci yarısından 19-dək hava şəraitinin qeyri-sabit keçəcəyi, arabir yağış, dağlıq və dağətəyi rayonlarda qar yağacağı gözlənilir. 

Bəzi yerlərdə intensiv və güclü olacağı ehtimalı var. Qərb küləyi ayrı-ayrı yerlərdə arabir güclənəcək. 

Havanın temperaturu ötən günlərlə müqayisədə 5-7 dərəcə aşağı enəcək. Çaylarda sululuğun artacağı ehtimalı var.

Ölkə.Az

ŞƏRH YAZ
0

Azərbaycan və Rusiya gömrük xidmətləri arasında işçi görüş keçirilib

Azərbaycan və Rusiya gömrük xidmətləri arasında işçi görüş keçirilib
20:59
14.12.2018
10585
Ölkə
A
Rusiya Federasiyasının Dərbənd şəhərində Azərbaycan və Rusiya gömrük xidmətlərinin nümayəndə heyətləri arasında işçi görüş keçirilib.

DGK-nın Mətbuat və ictimaiyyətlə əlaqələr idarəsindən "Ölkə.Az"a verilən məlumata görə, Azərbaycan nümayəndə heyətinə Dövlət Gömrük Komitəsinin Şimal Ərazi Baş Gömrük İdarəsinin rəisi Pərviz Rəhimov, Rusiya nümayəndə heyətinə Federal Gömrük Xidmətinin Dağıstan Gömrük İdarəsi rəisinin səlahiyyətlərini icra edən Hacıramazan İslamov rəhbərlik edib.

Görüşdə iki ölkənin dövlət sərhədindən keçən nəqliyyat vasitələrinin və şəxslərin sərhədkeçmə prosesinin tənzimlənməsinə, qarşılıqlı əlaqələrə dair məsələlər müzakirə olunub.

Bundan başqa, görüşdə sərhəddən keçən şəxslər, nəqliyyat vasitələri, mallar və yüklərə dair qarşılıqlı məlumat mübadiləsinin həyata keçirilməsinin vəziyyəti ilə bağlı fikir mübadiləsi aparılıb. Eyni zamanda mövsümə uyğun olaraq kənd təsərrüfatı məhsullarını daşıyan nəqliyyat vasitələrinin sürətli keçidinin təmin edilməsi və digər məsələlər müzakirə edilib.

Sonda tərəflər arasında işçi görüşün protokolu imzalanıb.

Ölkə.Az

 

ŞƏRH YAZ
0
BAĞLA