Hədə-qorxu gəlib 2000 manat pul tələb etdi — MƏHKƏMƏ İŞİ

Hədə-qorxu gəlib 2000 manat pul tələb etdi
12:15
14.09.2018
813
Ölkə
A
Yasamal Rayon Məhkəməsində hədə-qorxu ilə pul tələb edən şəxsin məhkəməsi başlayıb.

“Ölkə.Az”ın məlumatına görə, cinayət məcəlləsinin 182.1-ci maddəsi ilə təqsirləndirilən Hüseynov İlkin Arif oğlunun məhkəmə prosesinə hakim Azər Tağıyev sədrlik edir. 

Bu ilin may ayında Bakı Şəhər Baş Polis İdarəsinin əməkdaşları vətəndaşdan hədə-qorxu ilə pul alan şəxsi yaxalayıb.
“Ölkə.Az”ın məlumatına görə, 1992-ci il təvəllüdlü Elçin Qafarov adlı şəxs polisə şikayət edərək bildirib ki, tanışı 1994-cü il təvəllüdlü İlkin Hüseynov ondan hədə-qorxu yolu ilə 2000 manat pul tələb edir.

Şikayətçinin ərizəsi alınıb və əməliyyat qurulub. E. Qafarov Nərimanov rayonu, Təbriz küçəsində İlkinə 1000 manat verən yerdə polis əməkdaşları tərəfindən yaxalanıb. 

İstintaq şöbəsinə təhvil verilən İlkin Hüseynov barəsində cinayət məcəlləsinin 182-ci (hədə-qorxu yolu ilə pul tələb etmə) maddəsi ilə cinayət işi başlanıb.

ŞƏRH YAZ
0

Nizamülmülk qazdığı quyuya özü düşdü — Bilinməyən TARİXİ FAKT

Nizamülmülk qazdığı quyuya özü düşdü
12:05
Bu gün
82
Ölkə
A
Şərq tarixində müdrik, uzaqgörən vəzir deyəndə iki şəxs ağıla gəlirsə, biri Nizamülmülkdür. Məşhur Səlcuqi sultanları Alparslan va Məlikşahın vəziri olmuş bu şəxs dövlətin iqtisadi qüdrətinin artmasında, qoşunun möhkəmlənməsində, ölkənin mədəni həyatında çox mühüm rol oynayıb.

“Ölkə.Az” bu gün oxucularına Nizamülmülk barədə bilinməyən bir tarixi faktı çatdıracaq. Bu fakt barədə  tarixçi-alim Əkbər Nəcəf məlumat verib.

Səlcuqlu dövrü tarixçisi Sədrəddin ibn əl-Hüseyni "Əxbar əd-dövlət əs-səlcuqiyyə" əsərində Səlcuqlu dövlətinin ilk vəziri Amidülmülk əl-Kündurinin öldürülmə səhnəsini çox təsirli şəkildə təsvir edir.

Vəzirin öldürülmə əmrini verən yeni vəzir Nizamülmülk olub. Künduri əvvəlcə ev həbsinə alınıb. Öldürüləcəyini bildiyi an, ailəsi ilə vidalaşıb öz otağına keçib. Sonra Zəmzəm suyunda yuyulmuş kəfəninə bürünüb və cəlladı gözləməyə başlayıb. Cəllad otağına gəldiyində ona belə deyib:

"Nizamülmülk çox pis bir iş gördü, Türklərə vəzir və divan sahiblərini öldürməyi öyrətdi. Kim quyu qazarsa özü də o quyuya düşəcəkdir".

Bu hadisədən 20 il sonra Nizamülmülk özü də o quyuya düşdü...

Ölkə.Az

 

ŞƏRH YAZ
0

İmtahan vermiş abituriyentlərin diqqətinə!

İmtahan vermiş abituriyentlərin diqqətinə!
11:53
Bu gün
219
Ölkə
A
Dövlət İmtahan Mərkəzi (DİM) I və IV ixtisas qrupları üzrə müsabiqədə iştirak etmək hüququ qazanan abituriyentlərə müraciət edib.

Mərkəzdən "Ölkə.Az"a verilən məlumata görə, ali təhsil müəssisələrinə qəbul olmaq üçün ixtisas seçimi edəcək həmin abituriyentlər üçün “İxtisas seçimi zamanı nələrə diqqət yetirməli?” adlı kitabçalar nəşr olunub. 

“Abituriyent” jurnalının xüsusi buraxılışı olan kitabçada I və IV ixtisas qrupunda müsabiqədə iştirak etmək hüququ qazanmış abituriyentlərin imtahan ballarının paylanması, ali təhsil müəssisələrinə ixtisas qrupu üzrə qəbul planı, dövlət sifarişi üzrə yerlərin sayı, müsabiqə şərtləri və digər zəruri məlumatlar təqdim olunub. 

II və III ixtisas qrupunda müsabiqədə iştirak etmək hüququ qazanmış abituriyentlər üçün bu kitabçalar imtahanın nəticələri elan edildikdən sonra çap ediləcək. 

Abituriyentlər ixtisas seçimini iyulun 24-dən avqustun 6-dək olan müddətdə həyata keçirməlidirlər. İxtisasların siyahısı “Abituriyent” jurnalının 4 saylı buraxılışında verilib. Jurnalda, həmçinin ali təhsil müəssisələrinə tələbə qəbulu müsabiqəsində iştirak etmək üçün ixtisas seçimi elanı, “Abituriyentin elektron ixtisas seçimi ərizəsi”nin doldurulma qaydası, ali təhsil müəssisələrinə qəbul aparılan ixtisasların kodları, dövlət sifarişi ilə tələbə qəbulunun proqnozu verilib. 

Abituriyentlərin nəzərinə çatdırırıq ki, 2018-ci ilin tələbə qəbulu müsabiqəsində ali təhsil müəssisələrinin ixtisasları üzrə formalaşmış keçid balları da “Abituriyent” jurnalının 2019-cu il 2-ci nömrəsində və “2018-ci ilin tələbə qəbulu müsabiqəsində ali təhsil müəssisələrinin ixtisasları üzrə formalaşmış KEÇİD BALLARI” xüsusi buraxılışında dərc edilib. 

Qeyd edək ki, ayrı-ayrı ixtisaslar üzrə minimal keçid balları müvafiq ixtisası öz ərizəsində göstərən abituriyentlərin sayı, ixtisas üzrə plan yerləri və abituriyentlərin imtahan nəticələri əsasında formalaşır. 

ŞƏRH YAZ
0
BAĞLA