Həkimdən skoliozdan əziyyət çəkənlərə müraciət — “Özbaşına korset almayın”

Həkimdən skoliozdan əziyyət çəkənlərə müraciət
01:13
06.10.2018
3973
Maraqlı
A
Müasir dövrdə insanlar daha az hərəkət edir, oturaq həyat tərzinə üstünlük verirlər. Bu da onurğa xəstəliklərinin yaranmasına və geniş yayılmasına səbəb olur. Skolioz, yəni onurğa sütununun yana doğru əyilməsi də belə xəstəliklərdən biridir.

"Ölkə.Az" xəbər verir ki, bu barədə Azərbaycan Tibb Universitetinin (ATU) Tədris Cərrahiyyə Klinikasının həkim-neyrocərrahı, tibb üzrə fəlsəfə doktoru Cəmil İskəndərov məlumat verib.

Skolioz və kifoz problemləri və onların müalicəsi haqqında danışan həkim deyib: “Kifoz adlanan bir deformasiya da var ki, bu zaman onurğa arxaya doğru əyilir. Onurğa deformasiyalarının müalicəsi cərrahiyyənin ən mürəkkəb əməliyyatlarından biri hesab olunur. Buna baxmayaraq, son dövrlərdə Azərbaycanda, o cümlədən klinikamızda bu cür əməliyyatlar geniş şəkildə onurğa cərrahiyyəsində ciddi təcrübəyə malik cərrahlar tərəfindən icra edilir. Yəni, yeni fəaliyyətə başlayan cərrahın bu cür əməliyyatlar etməsi çox çətindir, hətta demək olar ki, qeyri-mümkündür. Bunun üçün uzun illər keçilən təcrübə şərtdir”.

Həkim ATU-nun klinikasında belə əməliyyatların neyromonitorun nəzarəti altında icra olunduğunu deyib: “Neyromonitor onurğa əyriliyini düzəldərkən sinirlərin zədələnməsinin müəyyən dərəcədə qarşısını almaqda bizə kömək edir. Skolioz əhali arasında çox geniş yayılmış xəstəliklərdən biridir. İnsanlar onun əməliyyatından çəkinir və riskli olduğunu düşünürlər. Məhz neyromonitorun tətbiqi nəticəsində biz bu riskləri minimuma endirmiş oluruq”.

C.İskəndərov onurğa problemləri ilə bağlı hər gün yalnız ona 30-40 nəfərin müraciət etdiyini qeyd edib: “Xəstələrin əksəriyyəti belə əməliyyatların insanı şikəst etməsi ehtimalı ilə maraqlanır. Lakin müasir dövrdə bu növ cərrahi müdaxilələr zamanı mikrocərrahi alətlərdən, mikroskopdan geniş istifadə olunur, daxili rentgenoskopiya tətbiq edilir. Bizdə demək olar ki, əməliyyat zamanı və ya sonra problemlə qarşılaşma hallarına rast gəlinmir. Yarana biləcək təhlükənin qarşısını almaq üçün mümkün olan bütün vasitələrdən istifadə edirik. Nəticədə xəstələrimizdə nevroloji ağırlaşmalar olmur”.

Neyrocərrah yetərli sayda skolioz əməliyyatlarının icra olunduğunu və uğurla nəticələndiyini vurğulayıb. Həkim bu əməliyyatın onurğanın formalaşması prosesinin tam bitmədiyi dövrdə, yəni 14-17 yaş aralığında icra olunacağı təqdirdə problemin aradan qalxma ehtimalının daha yüksək olduğunu qeyd edib: “Bəzən kiçik yaş qruplarına aid xəstələrin davamlı korset müalicəsi almalarına baxmayaraq, əyrilik artır. Onda uşağın müəyyən yaşa çatmasını gözləmədən əməliyyat icra olunur. İdeopatik, yəni səbəbsiz skolioz hallarında çalışırıq ki, xəstəni 14 yaşına qədər korsetlə müalicə edək. Müsbət nəticə əldə etmədikdə isə cərrahi müdaxiləyə ehtiyac yaranır. Skoliozdan əziyyət çəkənlərin aptekdən özbaşına korset alması tövsiyə edilmir. Çünki skoliozun dərəcəsindən, bədən quruluşundan, xəstənin çəkisindən asılı olaraq müalicə korsetləri xüsusi hazırlanır. Düzgün seçilməyən korsetin taxılması skoliozun daha da dərinləşməsinə səbəb ola bilər”, - deyə, neyrocərrah qeyd edib.

Ölkə.Az

ŞƏRH YAZ
0

“Xan” restoranında ofisiant qabyuyanı zorlamaq istədi — 4 il azadlığından oldu

“Xan” restoranında ofisiant qabyuyanı zorlamaq istədi
20:45
Bu gün
648
Maraqlı
A
Bu gün Bakı Ağır Cinayətlər Məhkəməsində qadına qarşı təcavüzə cəhddə təqsirləndirilən Şamil Nağıyevin cinayət işi üzrə məhkəmə prosesi başa çatıb.

"Ölkə.Az"ın Trend-ə istinadən məlumatına görə, hakim Faiq Qəniyevin sədrliyi ilə keçirilən prosesdə təqsirləndirilən şəxsə hökm oxunub.

Məhkəmənin hökmü ilə Ş.Nağıyev dörd il azadlıqdan məhrum edilib.

İttihama görə, Bakıda “Xan” restoranında ofisiant kimi işləyən Ş.Nağıyev həmin obyektdə qabyuyan qadını zorlamağa cəhd edib.

Şikayət əsasında saxlanılan Ş.Nağıyev həbs edilib.

Ölkə.Az

ŞƏRH YAZ
0

15 illik təcrübənin nəticəsi — Bu qidalar gözünüzü kor olmaqdan qoruyur

15 illik təcrübənin nəticəsi
12:52
Bu gün
2926
Maraqlı
A
Uestmid institutunun bir qrup alimi 15 il davam edən tədqiqatın nəticələrini açıqlayıblar.

 “Ölkə.Az” xəbər verir ki, gündəlik olaraq tərkibində nitrat olan tərəvəz qəbulu kor olma riskini aşağı salır.

15 il davam edən təcrübədə Avstraliyanın yaşı 49-dan çox olan 2 min sakini iştirak edib. Məlum olub ki, gündəlik tərkibində 100-142 milliqram nitrat olan tərəvəzləri qəbul edən insanlarda makulodistrofiya riski 35% azalıb. Bu sıraya çuğundur, ispanaq və yaşıl salat daxildir.

Makulodistrofiya gözün sarı ləkəsinin dağılmasıdır. Bu zaman hüceyrələri qidalandıran damarlar məhv edir. Məhz bu xəstəlik yaşlı adamlarda kor olma riskini artırır.

Bir müddət əvvəl isə alimlər müəyyən etmişdilər ki, həftədə bir dəfə sitrus meyvəsi qəbul etmək gözü degenerasiyadan qoruyur.

Hikmət Həsənov
Ölkə.Az

ŞƏRH YAZ
0
BAĞLA