Həkimlərdən döş vəzi xərçəngi ilə bağlı

"Ölkə.Az" xəbər verir ki, tərkibində asparaqin amin turşusunun miqdarı az olan qidalar döş vəzi xərçəngi riskini kifayət qədər azaldır. Amerikalı alimlərin yeni tədqiqatının nəticələri "Nature" jurnalında dərc edilib.

Alimlər siçan döş vəzi xərçəngindən istifadə etməklə, tədqiqat aparıblar. Xərçəng modeli hormonal terapiyaya məruz qalıb. Aydın olub ki, asparaqin sintetaz fermentlərinin hüceyrədə aktivliyi ilkin mərhələdə olan xərçəng hüceyrələrinin digər toxuma və orqanlara yayılmasına və metastaz yaranmasına səbəb olur. Bundan başqa müəyyən edilib ki, fermentin azlığı və pəhriz ikinci xərçəng ocağının yaranma riskini azaldır.

Qeyd edilir ki, asparaqin ən çox süd məhsulları, mal, quş əti, yumurta, balıq, dəniz məhsulları, kartof, qoz, paxla və buğdanın tərkibində olur.

Hikmət Həsənov
Ölkə.Az