Hələb abadlaşdırılır
Suriyada İŞİD terrorçularının əlindən xilas edilən torpaqlarda abadlıq işləri aparılır.
“Ölkə.Az” xəbər verir ki, bu səbəbdən torpaqlarından qaçan suriyalı qaçqınlar yurdlarına qayıdırlar. Bu barədə Rusiyanın Müdafiə Nazirliyi məlumat yayıb. Verilən məlumata görə, Suriyanın Hələb şəhərinə hər gün azı 35 sakin qayıdır.
“Hər gün azı 35 qaçqın Hələb şəhərinə qayıdır. Onların yaşayış məskənləri bərpa edilir. İnsanların məskunlaşdığı yerlərə ərzaq yardımı tədarük edilir”, - deyə məlumatda bildirilib.
Qeyd edək ki, Suriyanın Hələb, Homs, Deyr əz-Zor şəhərlərində insanların yaşayışı üçün yenidənqurma işləri aparılır. Burada 500-ə yaxın evin tikintisinə başlanılıb.
Ziya Səccad
Ölkə.Az
