Hələbdə terror aktında ölənlərin sayı 130-a çatdı

"Ölkə.Az" xəbər verir ki, avtobusların partladılması nəticəsində həlak olanların sayı 130-a çatıb. Bu barədə BMT-nin Suriya üzrə xüsusi nümayəndəsi Staffan de Mistura məlumat verib. Məlumata əsasən, terror aktı nəticəsində 130 nəfər həlak olub. Onlardan 67-i azyaşlı uşaqlardır. 200 nəfər isə yaralanıb.

Misturanın çıxışından sitat : "Son məlumaatlara əsasən partlayış nəticəsində 130 nəfərdən çox insan həlak olub. Onlardan 67-i uşaqlardır. Çox güman ki, yaralıların da sayı 200 nəfəri ötüb. Bu hamı üçün şok xəbər idi".

Qeyd edək ki, 16 aprel tarixində minalanmış avtomobil ilə hərəkət edən kamikadze təxliyə edilən rayonların sakinlərini daşıyan avtobusların yanında özünü partladıb. Avtobusdakı miqrantlar Fua ə Kefyrayya rayonlarının sakinləri olub.

Hikmət
Ölkə.Az