“Həmas” Fələstin sakinlərini üsyan etməyə çağırıb

“Həmas” Fələstin sakinlərini üsyan etməyə çağırıb
01:25
08.12.2017
2338
Dünya
A
“İsrail ABŞ prezidenti Donald Trampın yeni qərarından bəhrələnə və sevincli günlərini yaşaya bilər. Lakin bu sevinc müvəqqətidir. Onlar bunun hesabını verəcəklər”.

“Ölkə.Az” xəbər verir ki, bu barədə Fələstinin "Həmas" hərəkatının lideri İsmayıl Haniyə bildirib. O, yeni üsyanın başlanmasına çağırış edib.

“Biz bütün azad Fələstin sakinlərini cümə günü – “qəzəb günü” küçələrə çıxmağa və yeni üsyanın başlandığını elan etməyə çağırırıq”, - deyə İsmayıl Haniyə bildirib.

Qeyd edək ki, ABŞ Prezidenti Donald Tramp Amerikanın Qüds şəhərini İsrailin paytaxtı kimi tanıdığını elan edib. Onun sözlərinə görə, Qüdsü (Yerusəlim) İsrailin paytaxtı kimi tanımağın vaxtı gəlib çatıb.

“Qərara gəldim ki, Qüdsün İsrailin paytaxtı kimi tanınmasının vaxtı gəlib çatıb. Amerika bu addıma qarşı deyil və Qüdsü İsrailin paytaxtı kimi tanıyacaq”, deyə D.Tramp vurğulayıb.

Onun bu qərarını bir çox ölkələr hiddətlə qarşılayıblar. D.Trampın bu qərarından sonra həm Avropa ölkələrindən, həm Yaxın Şərq, həm də Ərəb dövlətlərindən ona etirazlar gəlib. İlk etiraz isə Fransa prezidentindən səsləndirilib. Daha sonra Türkiyə və İran Trampın bu qərarına pisləyib. İordaniya da ABŞ prezidenti Donald Trampı beynəlxalq qətnamələri pozmaqda günahlandırıb. Verilən açıqlamada bildirilib ki, Trampın bu qərarı siyasi səhvdir. Misir hökuməti də Trampınyeni bəyanatını xoş qarşılamayıb. Bildirilib ki, onun bu addımı həm Amerika, həm də region üçün yaxşı nəticələnməyəcək.

Ziya Səccad
Ölkə.Az

ŞƏRH YAZ
0

Filippində uşaqlar piton ilandan oyuncaq kimi istifadə edirlər — VİDEO

Filippində uşaqlar piton ilandan oyuncaq kimi istifadə edirlər
14:31
Bu gün
231
Dünya
A
Filippində körpə uşaqların piton ilanı ilə oyuncaq kimi oynadıqları məlum olub.

 “Ölkə.Az” xəbər verir ki, ilanın belinə minən uşaqların videosu sosial şəbəklərdə böyük marağa səbəb olub.

Uşaqlar ilandan qorxmaq əvəzinə, ondan oyuncaq kimi istifadə edirlər. Ağır-ağır hərəkət edən ilanın üstündə oturub nəhəng piton ilanını qatar kimi istifadə edən uşaqların video görüntüsünü oxuculara təqdim edirik.


Hikmət Həsənov
Ölkə.Az

ŞƏRH YAZ
0

NATO-nun keçmiş komandiri: “Heç bir general Rusiya ilə müharibə istəmir”

NATO-nun keçmiş komandiri: “Heç bir general Rusiya ilə müharibə istəmir”
13:50
Bu gün
384
Dünya
A
NATO-da heç kəs Rusiya Federasiyası ilə savaş istəmir.

“Ölkə.Az” xəbər verir ki, bunu NATO-nun Avropa qoşunlarının keçmiş komandanı Filip Bridlav bildirib.

“Səhər yuxudan ayılan heç bir general Rusiya ilə müharibə etmək arzusunda ola bilməz”, - deyə amerikalı general qeyd edib.

“Onet” nəşrinə müsahibəsində Bridlav bildirib ki, Rusiya ordusu səhvlərindən tez nəticə çıxarır. Amma NATO hərbçiləri bir sıra məsələlərdə rus hərbçilərdən üstündürlər.

Amerikalı hərbçi əlavə edib ki, Rusiya Xəzər dənizi akvatoriyasından Suriyaya çatan raketlərin lazım olsa, Avropa paytaxtlarına qədər uça biləcəyinə eyham edib.

Qeyd edək ki, Bridlav 39 illik hərbi xidmətdən sonra 2016-cı ildə istefaya gedib. Onu amerikalı general Kertis Skaparotti əvəz edib.

Hikmət Həsənov
Ölkə.Az

ŞƏRH YAZ
0
BAĞLA