“Həmin müddətdə ora heç kim girməməlidir” — Deputat pambıq sahəsindəki zəhərlənmə barədə

“Həmin müddətdə ora heç kim girməməlidir”
23:28
19.06.2018
1970
Ölkə
A
"İmişlidə pambıq sahəsində baş verən zəhərlənmə ilə əlaqədar rayon xəstəxanasına rəsmi olaraq 111 nəfər müraciət edib”.

"Ölkə.Az" xəbər verir ki, bunu hazırda İmişli rayonunda olan Milli Məclisin deputatı Çingiz Qənizadə Modern.az saytına açıqlamasında bildirib:

"Rəsmi müraciət edənlərin 74 nəfərindən qan və sidik nümunələri götürülərək müayinə olunmaq üçün Bakıya göndərilib. Fəhlələrin böyük əksəriyyətinə ilkin tibbi yardım göstərilib və evə buraxılıblar. Hazırda İmişli rayon Mərkəzi Xəstəxanasında 7 nəfər reanimasiyadadır. Mən onların hər biri ilə görüşdüm. Tam məsuliyyətlə deyirəm ki, səhhətləri yaxşıdır. Yəqin bir neçə saatdan sonra həmin şəxslər də evə buraxılacaq. Pambıq sahəsində zəhərlənənlərin sayı ilə bağlı səsləndirilən müəyyən fikirlər həqiqətə uyğun deyil”. 

Deputat bildirib ki, hazırda Baş prokurorun birinci müavini Rüstəm Usubov da İmişlidədir və prokurorluqda məsələ ilə əlaqədar iş gedir:

"Həmçinin Qida Təhlükəsizliyi Agentliyinin sədri Qoşqar Təhməzli öz komandası ilə burdadır. Əkin sahələrindən nümunələr götürülür. Yəqin ki, yaxın bir neçə günə zəhərlənmənin səbəbi müəyyən olunacaq. İlkin ehtimala görə, istifadə olunan kimyəvi dərmanların keyfiyyəti və ya onun tələblərinə əməl edilməməsi bu hadisəyə səbəb olub. Yəni dərmanlar sahəyə vurulduqdan sonra 24 saat ərzində ora heç kim girə bilməz. Ola bilər ki, bu müddət buraxılıb və zəhərlənmə əlamətləri hiss olunub. Buna baxmayaraq hazırda hər şey qənaətbəxşdir”.

Ölkə.Az

ŞƏRH YAZ
0

Şəhid polkovnikin övladı atasının ad günündə Amerikada çempion oldu — FOTOLAR

Şəhid polkovnikin övladı atasının ad günündə Amerikada çempion oldu
13:23
Bu gün
7996
Ölkə
A
Amerikada azyaşlılar arasında keçirilən güləş üzrə birincilikdə Nəimi Elşad oğlu Quliyev finalda qələbə qazanıb.

-FOTOLAR
Bu barədə məlumatı “Ölkə.Az”a diaspor üzrə araşdırmaçı jurnalist Elnur Eltürk verib.

“Nəiminin 7 yaşı var. Amerikada güləş üzrə keçirilən birincilikdə qələbə qazanıb. Həm də qələbəsini atasının ad gününə hədiyyə edib.  Nəimi vətənpərvər ruhda tərbiyə alır. Uşaq olmasına baxmayaraq,Azərbaycanın adını ucaltmaq istəyir. Artıq ilk addımlarını atıb.

Qeyd edim ki, Nəimi 19 dekabr 1972 ci ildə Zəngilan rayonunda anadan olan, 2012-ci il aprelin 6-da o, DTX-nin Gəncədə terror törətməyə hazırlaşan silahlı qruplaşmaya qarşı keçrilən əməliyyat zamanı qəhrəmancasına həlak olan  MTN-in xüsusi təyinatlı dəstəsinin hərbçisi, polkovnik-leytenant Elşad Vəli oğlu Quliyev oğludur. Elşad Quliyev Qarabağ muharibəsi zamanı torpaqlarımızın mudafiəsində fəal iştirak etmişdi. 2005-ci ildə “İgidliyə görə”, 2006-cı ildə “Qüsursuz xidmətə görə”, 2009-cu ildə “Vətən uğrunda” medalları ilə, ölmündən sonra isə “Azərbaycan Bayrağı Ordeni” ilə təltif olunmuşdur”.

Ölkə.Az

ŞƏRH YAZ
0

Sabah yağış yağacaq

Sabah yağış yağacaq
13:14
Bu gün
5153
Ölkə
A
Azərbaycanda dekabrın 20-nə gözlənilən hava şəraiti açıqlanıb.

Ekologiya və Təbii Sərvətlər Nazirliyinin (ETSN) Milli Hidrometeorologiya Departamentindən "Ölkə.Az"a verilən məlumata görə, Bakıda və Abşeron yarımadasında arabir yağış yağacağı, bəzi yerlərdə intensiv olacağı gözlənilir. Cənub-şərq küləyi gündüz arabir güclənəcək.

Havanın temperaturu Bakıda və Abşeron yarımadasında gecə 5-7, gündüz 8-10 dərəcə isti təşkil edəcək.

Atmosfer təzyiqi normadan yüksək 773 mm civə sütunundan 768 mm civə sütununa enəcək, nisbi rütubət 85-95 faiz olacaq.

Azərbaycanın rayonlarında qərb rayonlarında gündüz hava şəraitinin əsasən yağmursuz keçəcəyi, şərq rayonlarında , axşam isə əksər rayonlarda arabir yağış, dağlıq və dağətəyi rayonlarda qar yağacağı gözlənilir. Ayrı-ayrı yerlərdə intensiv olacağı ehtimalı var. Bəzi yerlərdə duman olacaq. Şərq küləyi ayrı-ayrı yerlərdə arabir güclənəcək.Havanın temperaturu gecə 2-5, gündüz 7-10 dərəcə isti, dağlarda gecə 3-8 dərəcə şaxta, gündüz 2 dərəcə şaxtadan 3 dərəcəyədək isti təşkil edəcək.

ETSN xəbərdarlıq edir ki, Bakıda və Abşeron yarımadasında dekabrın 20-21-də arabir yağış yağacağı, dekabrın 20-də bəzi yerlərdə intensivləşəcəyi gözlənilir.

Azərbaycanın rayonlarında dekabrın 20-21-də ölkə ərazisində hava şəraitinin qeyri-sabit keçəcəyi, arabir yağış, dağlıq və dağətəyi rayonlarda qar yağacağı gözlənilir. Bəzi yerlərdə intensiv olacağı, çaylarda sululuğun artacağı, Lənkəran-Astara zonasının bəzi çaylarından isə qısamüddətli daşqın keçəcəyi ehtimalı var. 

Ölkə.Az

ŞƏRH YAZ
0
BAĞLA