Həmkarlarından Hüseynə yeni vayn — VİDEO

Həmkarlarından Hüseynə yeni vayn
13:28
11.06.2018
26544
Maqazin
A
Vayner Hüseyn Əzizoğlunun əməkdar artist Abbas Bağırovu "Maşın şou"dan kənarlaşdırması həmkarları tərəfindən də birmənalı qarşılanmayıb.

"Ölkə.Az"ın məlumatına görə, Rəsul Abbasov və Mənsur Şərif məhz H.Əzizoğluna eyhamla tənqidi vayn hazırlayıblar.

Qeyd edək ki, A.Bağırovun şounu tərk edərkən Hüseynin Roza Zərgərlini ana, onu ata adlandırdığı barədə açıqlaması sosial şəbəkələrdə müzakirələrə səbəb olub.

İntiqam VALEHOĞLU
Ölkə.Az

ŞƏRH YAZ
0

Mehriban Xanlarovadan tənqidçilərinə SƏRT CAVAB — "Evindəkilərdən xəbəri yoxdur..."

Mehriban Xanlarovadan tənqidçilərinə SƏRT CAVAB
09:29
Bu gün
545
Maqazin
A
Son günlər sosial şəbəkələrin müzakirə mövzusuna çevrilmiş "Azərbaycanlı Vandam" kimi məşhurlaşan Ruslan İsmayılovun əməkdar artist Mehriban Xanlarovanın aparıcısı olduğu verilişdə rəqs etməsi tənqidlərə səbəb olub.

"Ölkə.Az" səsləndirilən fikirlərlə bağlı tanınmış aktrisanın da mövqeyini öyrənib. Xanlarova bildirib ki, onu sosial şəbəkədə təhqir edənlər cəsarətsiz insanlardır:

 "O adamı niyə təhqir edirlər, niyə ona düşük deyirlər? O da Azərbaycan oğludur, efirə dəvət etmişəm. Deyirlər ki, guya xəstədir. Halbuki ağlı, şüuru yerində, ibadət edən insandır. Hətta verilişdən tez icazə alıb dedi ki, Mehriban xanım, məscidə namaz qılmağa getməliyəm. Niyə bu düşük insanlar hamını özləri kimi hesab edirlər. Kim sənə ixtiyar verib ki, camaatı təhqir edəsən? Monitor arxasında kişilənən, mənəm-mənəm deyən hər kəsə deyirəm ki, belə cəsarətlisənsə, sözünü mənim üzümə de. Yaxud get həmin oğlanı tut, ona de. Monitor arxasında kimisə təhqir etmək lazım deyil. Deməli, xoşuna gəlib ki, verilişə baxmısan da. Soğan yeməmisənsə için niyə göynəyir. Özünü tanıyan kişi heç vaxt elə ifadələr işlətməz. Həmin "monitor şirlərinin" bəzilərinin heç öz evindəkilərdən xəbəri yoxdur". 

M.Xanlarova onu tənqid edən şəxslərə müraciət edib:

"Qısa geyinərsən, bir söz deyirlər, rəqs edirsən, təhqir edirlər.  Nə edək? Dərdimizi kimə deyək? Azərbaycandan gedək? Bacarırsan, gəl, mənim kimi veriliş apar, istedadlı aktrisa ol, monitor arxasında pişik kimi gizlənib təhqir yazma. İş yerimi də bilirsiz. Xalqın içində gəzən adamam, bazara da gedirəm, dükana da, yeri gələndə avtobusa da minirəm. Yaxşı qadın, yaxşı kişisinizsə sözünüzü özümə deyin".  

Qeyd edək ki, əslən  Zaqatalanın Çobankol kəndindən olan Ruslan İsmayılovun əməkdar artistin aparıcısı olduğu verilişə dəvət olunması və aktrisanın "Azərbaycanlı Vandam"la rəqsi tənqidlərə səbəb olub.
 

İntiqam VALEHOĞLU
Ölkə.Az

ŞƏRH YAZ
0

"Tatlısəs, Sibel Can və..." — İfası ilə Türkiyəni silkələyən Nahidə Babaşlı + VİDEO

23:42
17.10.2018
5720
Maqazin
A
Murad Göğebakanın "Ay yüzlüm" mahnısı ilə həm Türkiyədə, həm də vətənimizdə böyük şöhrət qazanan Nahidə Babaşlı "Ulduz" adlı mahnıya çəkilmiş ilk klipini təqdim edib.

"Ölkə.Az" bildirir ki, müğənni bu barədə publika.az-a müsahibə verib.

- "Ulduz" mahnısı necə yarandı?

- Mahnının musiqisinin müəllifi iranlı bəstəkar Vəfa Abrişamidir. O, həm də studiyada çalışır. Bir gün studiyada idik, mahnını mənə dinlətdi, həm sözlərinə, həm də musiqisinə çox vuruldum. Söylədi ki, kompozisiya səsimə çox uyğundur. Və onu mənə hədiyyə etdi. Daha sonra qısa versiyasını ifa edib instaqramda paylaşdım. Mahnı sosial şəbəkədə böyük əks-səda doğurdu, hamı dayanmadan onun tam versiyasını tələb edirdi. Aranjeman olunduqdan sonra qərara gəldik ki, mahnıya klip çəkək. Klipin rejissorluğunu Bəxtiyar Ələkbərov edib.

- Rejissor klipdə calandırdığınız obrazdan razı qaldı?

- Bəxtiyar Ələkbərovla görüşüb söhbət etdikdən sonra qənaətə gəldik ki, klipdə özüm rol alım. Klipin məzmunu sözlərə uyğun olaraq çəkilib. Burada yarının yolunu gözləyən insanın Allahla təkbətək söhbətindən danışılır. Obrazın inandırıcı alınması üçün çox çalışdım. Rejissor nəticədən razı qaldı.

- Bəzi səhnələr Xızı dağlarında baş tutub. Çətin olmadı ki?

- Təsəvvür edin ki, ağ nazik donda dağın başına qalxmalı idim. Oraya çıxana qədər böyük stress yaşadım. Çünki yüksəklik qorxum var, yuxarı qalxdıqca arxaya baxa bilmirdim. Çəkiliş prosesində bir nəfər məni ora çıxartdı, çəkiliş yekunlaşanda isə gəlib yenidən aşağı düşürdü. Dağın başında dayandığım müddət ərzində tərpənmədim, qorxudan ayaqlarım titrəyirdi. Üstəlik soyuq hava şəraiti çətinlik yaradırdı, çox üşüyürdüm.

Koverləri telefonla çəkib paylaşmaq rahatdır, klipdə obraz canlandırmaq tamam fərqlidir. Hər halda əlimdən gələni etdim ki, səhnələr effektli alınsın.

- Sizcə, "Ulduz" niyə bu qədər uğurlu alındı? Sözlərin tanınmış şair Məhəmməd Hüseyn Şəhriyara aid olmasının rolu ola bilər? Bu gün istər dünyada, istər Azərbaycanda əksər müğənnilərin oxuduğu mahnı sözləri çox bəsitdir. Bəsit sözlər dinləyicinin qəlbinə və ruhuna yola tapmır.

- Burada bir neçə amil var: həm sözlər dərindir, həm aranjeman fərqlidir, həm də mahnı səsimə uyğundur. Mahnı Azərbaycan üslubunda aranjeman olunmayıb, yaradıcı yanaşma və ideya var. Sözlər, musiqi və səsim bir-birini ideal şəkildə tamamlayıb, ola bilsin ki, mahnının sevilməsinin səbəbi budur. Dolayısı ilə tamamlanmış iş dinləyicinin xoşuna gəlib.

- Vəfa Abrişami ilə əməkdaşlığınız gələcəkdə də davam edəcək?

- Vəfa bəy iranlıdır, üç-dörd il əvvəl Azərbaycana gəlib. Hazırda burada yaşayır. Onunla tanışlığımız, eləcə də "Ulduz"u mənə təqdim etməsi təsadüf nəticəsində baş verdi.

Bir nöqtədə qalmaq və bir insanla işləmək haqda düşünmürəm. Əlbəttə ki, Vəfa bəylə gələcəkdə işbirliyimiz davam edə bilər. O, ürəyimi oxşayan yeni mahnılar hədiyyə etsə, sevə-sevə oxuyaram. Eyni zamanda, başqa bəstəkarlardan gələn təklifləri də qiymətləndirəcəyəm.

- Gənc bir müğənninin "Ulduz"la sənətə gəlməsini onun böyük uğuru adlandırmaq olar. Maraqlıdır ki, sonrakı fəaliyyətinizdə bir çoxları kimi repertuarınıza toy mahnıları daxil etməyi düşünürsünüz?

- İlk mahnım haqqında yüksək fikirdə olmağınız mənim üçün sevindirici haldır. Hər halda əlimdən gələni edəcəyəm ki, standart müğənni olmayım və keyfiyyətsiz mahnılar oxumayım. Azərbaycanda bu gün bu tərzdə ifa edən çox az sayda sənətçi var. Bu tərzdən və bu xətdən kənara çıxmayacam. Bu xəttin içində dəyişiklik etməyə çalışacağam.

Keyfiyyətli işin bəhrəsini gec-tez görürsən. Toylar tutmasam da, başqa ölkələrdən təkliflər gəlir, gözəl insanlar və ya istedadlı bəstəkarlar tanış olmaq şansı qazanıram. Konsertə və ya verilişlərə dəvət edirlər.

- Yerli bəstəkarlardan necə, sizə müraciət edən olub?

- Yerli bəstəkarlardan təklif gəlməyib. İbrahim Tatlısəs, Sibel Can və s. məşhur türk müğənniləri üçün mahnı yazan müəlliflər müraciət ediblər. Bəstəkarın adını hələ ki, açıqlamaq istəmirəm. Əgər işbirliyi olarsa, o zaman ətraflı məlumat verərəm.

- Ötən müsahibəmizdə "O Səs Türkiyə" müsabiqəsində iştirak etməyi çox arzuladığınızı demişdiniz...

- Bu fikridən daşınmalı oldum, artıq Türkiyədə və öz ölkəmdə müəyyən qədər tanınıram. Deyə bilmərəm ki, böyük irəliləyiş var, hər halda addımlar atıram. İndi öz dinləyicilərim var, o müsabiqəyə çıxıb adi bir yarışmaçı olmaq istəməzdim. Odur ki, o yarışmaya qatılmağa ehtiyac duymuram.

- "Ulduz sayaraq gözlemişəm hər gecə yari

Gec gəlmədədir yar yenə olmuş gecə yari

Yatmış hamı bir Allah oyaqdır, daha bir mən

Məndən aşağı kimsə yox, ondan da yuxari"

Bu misralarda sevgi həsrəti çəkən insanın ağrıları təsvir olunub. Maraqlıdır ki, Nahidə Babaşlı kimin və nəyin həsrətini çəkib?

- Sözün düzü, real həyatda heç kimin həsrətini çəkmirəm. Böyük səhnələrin həsrətini çəkirəm... Hədəflərim böyükdür... Böyük səhnələrə çıxmaq və minlərlə tamaşaçı qarşısında çıxış etmək istəyirəm. Mikrofonumu zala uzadanda bütün zalın "Ulduz" mahnımı mənimlə birlikdə əzbər oxumalarını istərdim. Bu arzuları reallaşdırmaq üçün müəyyən bir yol qət etməliyəm.

- Müsahibə üçün minnətdaram. Tezliklə Azərbaycan sərhədlərini aşmağı arzulayıram. Uğur olsun!

- Mən də öz növbəmdə sizə uğurlar diləyir və maraqlı suallara görə təşəkkür edirəm.

Ölkə.Az

ŞƏRH YAZ
0
BAĞLA