KORONAVİRUSA YOLUXANLARIN SAYI - CANLI STATİSTİKA

Həmkəndlisini taxta ilə vurub maşınını qaçırdı — FOTO

Həmkəndlisini taxta ilə vurub maşınını qaçırdı
23:57
28.05.2020
3361
Hadisə
A
Mayın 26-da axşam saatlarında Şəmkir rayon Keçili kənd sakini Pərvin Quliyev Rayon Polis Şöbəsinə ərizə ilə müraciət edərək həmkəndilisi Sənan Məmədlinin onun başına taxta parçası ilə vuraraq “DaweooNexia” markalı avtomobilini qaçırdığını bildirib.

DİN-in Mətbuat Xidmətinin Gəncə regional qrupundan "Ölkə.Az"a verilən məlumata görə, dərhal Şəmkir rayon Polis Şöbəsinin əməkdaşlarının həyata keçirdikləri intensiv əməliyyat-axtarış tədbirləri nəticəsində S. Məmmədli qaçırdığı avtomobil ilə rayon ərazisində saxlanılaraq RPŞ-yə gətirilib.

Saxlanılan şəxs ifadəsində hadisəni içkili halda törətdiyini, avtomobili qaçırmaq fikrinin olmadığını bilidirib. Faktla bağlı araşdırmalar davam etdirilir.

ŞƏRH YAZ
0

Gəncədə su xəttini düzəldənlər qaz xəttini zədələdilər — FOTO

Gəncədə su xəttini düzəldənlər qaz xəttini zədələdilər
01:05
Bu gün
477
Hadisə
A
Gəncə şəhərində səhər saatlarında yağmış güclü yağışın fəsadlarını aradan qaldırarkən “Azərsu” ASC-nin texnikası ilə şəhərin N.Nərimanov küçəsi ilə A.Puşkin küçələrinin kəsişməsində, diametri 110 mm olan “Gəncə-2” yeraltı polietilen qaz xəttini yararsız vəziyyətə salınıb.

"Ölkə.Az" “Azəriqaz” İstehsalat Birliyindən verilən məlumata görə, baş verən hadisənin fəsadlarının aradan qaldırılması üçün təhlükəsizlik tədbiri olaraq təqribən 3 000 abonentin qaz təminatı dayandırılıb. Qaz təminatının bərpa olunması təqribən üç saat vaxt tələb edir.

Hazırda “Azəriqaz” İstehsalat Birliyinin Gəncə Regional Qaz İstismarı İdarəsinin əməkdaşları hadisə yerindədir, təcili təmir işləri aparılır.

ŞƏRH YAZ
0

Qobustanda güclü yağış daşqınlara səbəb oldu — FOTO/VİDEO

Qobustanda güclü yağış daşqınlara səbəb oldu
00:02
Bu gün
595
Hadisə
A
Qobustanın Poladlı kəndində güclü sel ciddi fəsadlar törədib.

"Ölkə.Az" baku.tv-yə istinadən xəbər verir ki, bu gün günorta saatlarında başlayan güclü leysan ardınca gələn sel suları Pirsaat çayında daşqınlara səbəb olub.

Hadisə zamanı yoldan keçən avtomobili sel aparıb. Xoşbəxtlikdən sürücü ətrafdakı insanların köməyi ilə canını xilas edə bilib.

Güclü sel kənd evlərinə dolub, həyətyanı sahələr sel sularının altında qalıb. Sel kəndlilərin bostan sahələrinə və nar bağlarına ciddi ziyan vurub.

Əraziyə FHN-in əməkdaşları cəlb olunub. Hazırda təbii fəlakətin kəndə vurduğu ziyan hesablanır.

ŞƏRH YAZ
0
BAĞLA