"Hər ay bir doğum günümü qeyd edəcəyəm" — Bəstəkardan maraqlı qərar

10:18
23.08.2017
25
Maqazin
A
Bəstəkar-hüquqşünas Ruslan Əhmədoğlunun doğum günüdür.

Yaşını açıqlamayan bəstəkar "Ölkə.Az"-a açıqlamasında bildirib ki, yubileyini qeyd etməyəcək:

"24 ildir ki, doğum günüm Füzuli və Cəbrayılın işğal gününə təsadüf edir. Ona görə də uşaq vaxtı valideynlərim ad günümü başqa tarixdə qeyd ediblər. Son illər də özüm bu ənənəni davam etdirirəm. Qarabağ torpaqları işğaldan azad ediləndən sonra hər ay qeyd etmədiyim bir doğum günümü təmtəraqlı şəkildə qeyd edəcəyəm". 

İntiqam VALEHOĞLU
Ölkə.Az

ŞƏRH YAZ
0

Ebru Gündəş Rza Zərrabdan boşanır

Ebru Gündəş Rza Zərrabdan boşanır
14:47
22.11.2017
410
Maqazin
A
Məşhur müğənni Ebru Gündəş əri Rza Zərrabdan boşanmaq barədə qərar qəbul edib.

"Ölkə.Az" xəbər verir ki, 4 dekabr tarixində Rza yenidən hakim qarşısına çıxacaq.

Rza 2016-cı ilin mart ayından həbsdədir. Bir neçə dəfə jüri seçkiləri təxirə salındığı üçün onun məhkəməsi 4 dekabr tarixinə təyin edilib.

Ebru isə keçən il də boşanmaq istəsə də, qərarından vaz keçmişdi. Bu dəfə isə Ebru qərarlıdır.

Hikmət Həsənov
Ölkə.Az

ŞƏRH YAZ
0

Bu məşhurlar Fədayə Laçının bağışlanılması üçün prezidentə müraciət etdilər — ADLAR

Bu məşhurlar Fədayə Laçının bağışlanılması üçün prezidentə müraciət etdilər
11:17
22.11.2017
721
Maqazin
A
Məhbusların xüsusi təyinatlı vaqondan qaçmasına kömək etməkdə təqsirləndirilərək həbs olunan müğənni Fədayə Laçınla bağlı müraciət olunub.

"Ölkə.Az" xəbər verir ki, Fədayə Laçının vəkili Türkel Süleymanlı APA-ya bildirib ki, 9 nəfərin imzaladığı müraciət prezident İlham Əliyev və birinci vitse-prezident Mehriban Əliyevaya ünvanlanıb.
 
Müraciəti Alim Qasımov, Aftandil İsrafilov, Rafiq Hüseynov (Rəmiş), Arif Babayev, Mənsum İbrahimov, Zaur Rzayev, Nazpəri Dostəliyeva, İlqar Muradov və Səkinə İsmayılova imzalayıblar.
 
"Müraciətdə Fədayə Laçının sənət adamı kimi xidmətlərinin nəzərə alınaraq, bağışlanılması istənilir", - deyə vəkil bildirib.
 
Qeyd edək ki, bu il oktyabrın 23-də Bakı-Astara-Bakı planlı dəmir yolu qarovulu ilə xüsusi təyinatlı vaqonda Bakı şəhərinə müşayiət olunan 1980-ci il təvəllüdlü, əvvəllər məhkum edilmiş, hazırda Cinayət Məcəlləsinin (CM) müxtəlif maddələri ilə təqsirləndirilən Etibar Ələkbər oğlu Məmmədov və 1989-cu il təvəllüdlü, əvvəllər məhkum olunmamış, CM-nin müxtəlif maddələri ilə təqsirləndirilən Əli Rasim oğlu Ağami müşayiət altından qaçıblar.
 
Qaçan məhbuslardan Əli Ağami bir neçə gün sonra Şirvan şəhərində tutulub. E. Məmmədov isə keçirilən əməliyyat zamanı hüquq-mühafizə orqanlarının əməkdaşları tərəfindən öldürülüb.
 
Məhkumların qaçmasına yardım etməkdə təqsirləndirilən 3 nəfər saxlanılıb. Onlardan biri tanınmış müğənni Fədayə Laçındır. Fədayə Laçınla yanaşı, Məhəmməd Hacıyev və Günay Atakişiyeva barəsində həbs qətimkan tədbiri seçilib.
 
Bundan başqa, hadisə ilə əlaqədar Pentensiar Xidmətin bir neçə əməkdaşı da həbs olunub.

ŞƏRH YAZ
1
BAĞLA