"Hər dəfə gəlirlər, 70-ci dəqiqədən sonra “istefa” qışqırırlar"

23:03
15.04.2018
1165
İdman
A
"Məğlub olmaq istəməzdik. Gözləmədiyimiz məğlubiyyət oldu. Oyuna yaxşı başlasaq da, penalti, daha sonra isə qırmızı vərəqə bütün planlarımızı pozdu. İrəli atıldıq və bunun acısını çəkdik. Fürsətlərimiz olsa da, dəyərləndirə bilmədik. Bu klub mənə doğmadır. Birinci diviziondan bu klubda çalışıram. Klub rəhbərliyi ilə görüşəcəyəm. Bundan sonra gələcək planlarımızı müəyyənləşdirəcəyik".

"Ölkə.Az" "Report"a istinadən xəbər verir ki, bunu Azərbaycan Premyer Liqasının 23-cü turunda “Neftçi”yə evdə 0:3 hesabı ilə uduzan “Zirə”nin baş məşqçisi Ayxan Abbasov matç haqqında fikirlərini bölüşərkən deyib.

O, daha sonra jurnalistlərin suallarını cavablandırıb.

Azarkeşlərlə nə baş verdi?

- Azarkeşləri də başa düşürəm. Qırmızı vərəqə aldıq, bundan sonra hücumları davam etdirdik. Hər dəfə gəlirlər, 70-ci dəqiqədən sonra “istefa” qışqırırlar. Sadəcə, onlara dedim ki, uşaqlara dəstək lazımdır. Mən istefadan qorxmuram. Dediyim kimi, bu klub mənə doğmadır. Klubun gələcəyi üçün nə xeyirlidirsə, o da olmalıdır.

Məğlubiyyətdə qırmızı vərəqə nə dərəcədə rol oynadı?

- Əlbəttə müəyyən rolu oldu. Fasilədə sarı vərəqəsi olan futbolçulara ehtiyatlı olmağı tövsiyə etmişdim. Ola bilsin, Urdinovu əvəzləyəcəkdim.

İkinci hissədə “Neftçi”nin qapısı qarşısında qarışıqlıq oldu. Orda “Zirə”nin futbolçusu yerdə qaldı. Penalti olması şübhəsi yarandı. Həmin epizod barədə nə deyə bilərsiz?

- Mənə də penalti kimi göründü. Hətta həmin epizoddan öncə sanki top rəqib müdafiəçinin əlinə dəymişdi. Lakin indi təkrara baxmadan dəqiq bir şey deyə bilmərəm.

“Zirə”nin 7 futbolçusu zədəlidir. Bunun komandanın nəticələrinə təsiri nə dərəcədədir? Zədələr komandanın süni örtükdə oynaması ilə bağlı deyil ki?

- Bu gün “Zirə”də 7 futbolçunun olmaması böyük itkidir. Lakin mən deyəndə, bu, bəraət kimi görünür. Siz sual verdiz deyə bu barədə danışıram. Bu oyunçulardan heç də hamısının zədəsi ot örtüyü ilə bağlı deyil. Ancaq meydança amili də müəyyən rol oynayır. Lakin bu, əsas səbəb deyil.

Ölkə.Az

ŞƏRH YAZ
0

Şəhriyar Məmmədyarovdan növbəti heç-heçə, Teymur Rəcəbov oyunu davam etdirir

Şəhriyar Məmmədyarovdan növbəti heç-heçə, Teymur Rəcəbov oyunu davam etdirir
22:10
22.01.2019
257
İdman
A
Azərbaycan şahmatçıları Şəhriyar Məmmədyarov və Teymur Rəcəbovun da iştirak etdikləri “Tata Steel Masters-2019” turnirində bu gün doqquzuncu turun oyunları keçirilir.

"Ölkə.Az" xəbər verir ki, növbəti turda Şəhriyar Məmmədyarov polşalı Yan Kşiştov Duda ilə oyununu heç-heçə başa vurub. Teymur Rəcəbovun isə Vladimir Fedoseev ilə mübarizəsi davam edir.

Ölkə.Az

ŞƏRH YAZ
0

Məhkəmədən Ronalduya həbs cəzası

Məhkəmədən Ronalduya həbs cəzası
15:18
22.01.2019
642
İdman
A
Dünya futbolunun ulduzu Kriştianu Ronaldu hakim qarşısına çıxıb.

“Ölkə.Az” xəbər verir ki, Ronaldu vergi ödəməməkdə günahkar bilinib.

Madrid məhkəməsi onun barəsində 23 ay müddətinə həbs qətimkan tədbiri seçib. Ronaldu 23 ay müddətinə şərti həbs cəzası alıb.

Bundan başqa futbolçu İspaniya xəzinəsinə 18 milyon avrodan çox cərimə ödəməli olacaq.

Qeyd edək ki, “Yuventus”un hücumçusu 2011-2014-cü illər arasında 6 milyon avro məbləğində vergidən yayınıb. Müttəhim cinayətini etiraf edib.

Hikmət Həsənov
Ölkə.Az

ŞƏRH YAZ
0
BAĞLA