Hər gözəlin bir eybi var
"Ölkə.Az" bu gün oxucularına eybi olan gözəlləri təqdim edir.
Cennifer Qarner
Aktyor Ben Afflekin keçmiş arvadı, məşhur aktrisa Cennifer Qarnerin xarici görünüşü hər zaman diqqət mərkəzində olub. Amma onun ayağında bir qüsur var. Aktrisanın ayağındakı çeçələ barmağı digər barmağının üstündə bitib. Bu səbəbdən Cennifer ayaqqabı seçəndə çətinlik çəkir.
Denzel Vaşinqton
Denzel Vaşinqtonun da çeçələ barmağı əyridir. Bunu fotodan da açıq-aydın görmək mümkündür. Gənc yaşlarında basketbol oyununda onun barmağı qırılıb. Həkimə müraciət etmədiyi üçün barmağın sümüyü əyri bitib.
Peris Hilton
Milyardlıq var-dövlətin varisi Peris Hilton qalmaqalları ilə məşhurdur. Amma Peris foto çəkdirəndə həmişə gözünün birini qıyır. Məlum olub ki, ulduz sarışın çəpgözlükdən əziyyət çəkir. Bu xəstəlik ambliopiya adlanır.
Karolina Kurkova
Məşhur modelin bədən ölçüləri idealdır. Amma Karolina uşaqlıqda əməliyyat olunub və göbəyini kəsiblər. Bu qüsur ona çimərlik paltarlarını nümayiş etdirməyə mane olmur. Bu gün Karolina dünyanın ən yaxşı modellərindən biridir.
Vins Von
Məşhur aktyor Vins Vonun da fiziki qüsuru var. 17 yaşı olanda düşdüyü avtomobil qəzası baş barmağının yuxarı falanqasının itirilməsi ilə nəticələnib. Amma uğurlu karyera qurmağa bu qüsuru mane olmayıb.
Tilda Suiton
Məşhur britaniyalı aktrisa Tilda Suintonun qeyri-adi özəlliyi var. Bu polimastiya xəstəliyidir. Tildanın sinəsində döş giləsi iki cütdür. Amma bu aktrisanı narahat etmir.
Endi Qarsiya
Çox adam bilmir ki, məşhur aktyor Endi Qarsiya kürəyində siam əkizi olaraq dünyaya gəlib. Cift inkişaf etmədiyi üçün onu kəsib götürüblər. Bu günə qədər də aktyorun çiynində çapıq izləri var.
Meqan Foks
Planetin ən seksual qadınlarından biri Meqan Foksun da qüsuru var. Məlum olub ki, aktrisa anadan olandan əl barmaqlarının anomaliyası ilə yaşayır. Fotoda da açıq-aydın görünür ki, onun böyük barmaqları qısadır. Amma bu qüsur ona dünyanın ən gözəl qadınlarından birinə çevrilməyə mane olmayıb.
Mila Kunis, Keyt Bosuort, Ceyn Seymur, Demi Mur
Dünyada milyonlarla insan bu ulduzların gözü kimi rəngli gözlərə sahib olmaq istəyir. Amma məsələ burasındadır ki, Mila, Keyt, Ceyn və Deminin göz rəngləri müxtəlifdir. Fotodan daha aydın görünür. Orta Əsrlərdə bu xüsusiyyətə görə qadınları tonqalda yandırırdılar. Çünki düşünürdülər ki, bu cadugərlik əlamətidir.
Sil
Sil müğənni olmaqla yanaşı Haydi Klumla evli olduğu üçün məşhurdur. Amma Silin üzündə çapıq izləri var. Sil yeniyetmə yaşlarında qırmızı qurd eşənəyi xəstəliyinə yoluxub. Nəticədə xəstəliyin izləri çapıq formasında onun üzündə qalıb.
Hikmət
Ölkə.Az