KORONAVİRUSA YOLUXANLARIN SAYI - CANLI STATİSTİKA

“Hər kəs bacara bilməz" — Evində ilan saxlayan Mirhəsən - VİDEO

“Hər kəs bacara bilməz
19:04
21.11.2019
4191
Ölkə
A
Ağdam rayon Əhmədavar kənd sakini Mirhəsən Abıyev 50 ildir ilanlarla dostluq edir. Uşaq yaşlarından ilan saxlamağa marağı olan Mirhəsən Abıyev uzun illər keçməsinə baxmayaraq, bu gün də evində ən zəhərli ilan hesab edilən gürzə saxlayır.

"Ölkə.Az" xəbər verir ki,Mirhəsən Abıyev AZƏRTAC-ə müsahibəsində ilanlara marağın uşaq vaxtlarından yarandığını bildirib:

“Həmyaşıdlarım ev heyvanları bəsləyəndə mən günlərimi ilanlarla oynamaqla keçirirdim. İlanları tutub evə gətirirdim.

İnsanların ilanlardan qorxmasını anlamırdım. Gürzə ilanını 1969-cu ildən saxlamağa başlamışam. Bir dəfə pişik yaxınlaşıb ilana pəncə atdı.

Gürzə pişiyi sancıb öldürdü. Ondan sonra anladım ki, insanlar ilandan niyə qorxur. Ancaq onu da başa düşdüm ki, ilana toxunmasan heç kimə zərər vurmaz. O, özünü qorumaq zərurəti yarananda sancır".

Doğma kəndləri işğal olunandan sonra Mirhəsən Abıyev məcburi köçkün kimi bir müddət Cəlilabad rayonunda məskunlaşıb.

2005-ci ildən isə Ağdam rayonunun Quzanlı qəsəbəsində yaşayır.

Onun ilanlara olan marağı təbiətə sevgidən irəli gəlir.

"İlanlar təhlükəli olduğu kimi, həm də çox xeyirli canlıdır. Digər canlılar kimi, ilanların da təbiət üçün öz əhəmiyyəti var. Odur ki, onları qorumaq lazımdır.

Təəssüf ki, insanlar ilanlara qarşı pis münasibət bəsləyirlər. İlanlarla rastlaşan hər kəs qeyri-ixtiyari qorxu hissi keçirir. Təhlükəli olub-olmadığını bilmədən onları öldürülər. Bu isə məlumatsızlıqdan irəli gəlir".

Müsahibim deyir ki, insanlar arasında ilanlarla bağlı doğru olmayan fikirlər var. Məsələn, xalq arasında belə fikir var ki, qızıl ilan yeddi qardaş olur. Birini öldürdükdə digər qardaşlar hökmən onun qisasını alır.

Əslində isə belə bir şey yoxdur. Əslində, qızıl ilan qorxaq olduğundan çox cəld hərəkət edib uzaqlaşmağa çalışır.

Bu ilanlar həm də zəhərsiz olur. Sancmalarının insan üçün heç bir təhlükəsi yoxdur.

Mirhəsən Abıyev ilanların xüsusiyyətləri barədə danışarkən deyib:

"Azərbaycanda 30-a yaxın ilan növü var. Onlar zəhərli, yarımzəhərli və zəhərsiz növlərə ayrılır. İlan növlərinin çoxu - təlxələr, suilanları insan həyatı üçün heç bir təhlükəsi olmayan zəhərsiz ilanlardır.

Zəhərli ilanların başı üçkünc, boyun hissəsi nazik olur. Baş hissəsi xırda pulcuqlarla örtülüdür. Ölkəmizdə zəhərli ilanlardan daha çox yayılanı gürzədir.

Gürzələrin zəhəri çox güclüdür. Burnundakı pərdə ilə istiliyi müəyyən edir. Dil ilanların əsas duyğu orqanıdır. İlan dili ilə ətraf mühiti hiss edir. Bu canlılar səs eşitmir, görməsi də zəifdir. İlanlarda mimika yoxdur. Onların nə düşündüyünü gərək hiss edə biləsən".

Hazırda Mirhəsən Abıyev evində iki gürzə saxlayır. "Onlardan biri ilə 15 ildir dostluq edirəm. Digər ilanı isə bu yaxınlarda gətirmişəm.

Hələ onunla az məşğul olmuşam. Çox qəzəblidir. İlanlar müxtəlif xüsusiyyətdə olur. Ona görə, ilk növbədə, onların xüsusiyyətlərini öyrənməyə çalışıram.

Buynuzlu gürzə də saxlamışam. Elə olub ki, eyni vaxtda evimdə 50 ilan olub. Hansısa ərazidə insanlar üçün təhlükə yaratdıqda gedib ilanları yığıram.

Bir dəfə bir yerdən 120-yə yaxın ilan tutmuşdum. Həmin ilanları insan yaşamayan yerlərə buraxıram. Təkcə bu il insanların yaşadıqları ərazilərdən 86 ilan tutub uzaqlaşdırmışam".

Sonda "Başqalarının da ilanlarla sizin kimi belə yaxın ünsiyyətdə olmağını istərdinizmi" sulana Mirhəsən Abıyev belə cavab verib:

"Təbiətin bir parçası olan ilanları lazım gəldi-gəlmədi məhv etməsinlər, yetər. Çünki ilanlarla yaxın ünsiyyətdə olmağı hər həs bacara bilməz".

ŞƏRH YAZ
0

Bu gün 39 dərəcə isti olacaq

Bu gün 39 dərəcə isti olacaq
05:55
Bu gün
2953
Ölkə
A
Azərbaycanda iyulun 9-da gözlənilən hava şəraiti açıqlanıb.

Milli Hidrometeorologiya Xidmətindən "Ölkə.Az"a verilən məlumata görə, Bakıda və Abşeron yarımadasında havanın dəyişkən buludlu olacağı, arabir tutulacağı, yağmursuz keçəcəyi gözlənilir.

Cənub-qərb küləyi gündüz mülayim şimal-qərb küləyi ilə əvəz olunacaq. Havanın temperaturu Abşeron yarımadasında gecə 22-26, gündüz 34-39, Bakıda gecə 23-25, gündüz 37-39 dərəcə isti olacaq. 

Atmosfer  təzyiqi normadan aşağı 753 mm civə sütunundan 756 mm civə sütununa yüksələcək, nisbi rütubət gecə 60-70, gündüz 25-35 faiz təşkil edəcək.   

Abşeron çimərliklərində cənub küləyi əsəcək. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda isə 26-27 dərəcə isti olacaq.  

Azərbaycanın rayonlarında havanın əsasən yağmursuz keçəcəyi, lakin axşama doğru bəzi şimal və qərb rayonlarında şimşək çaxacağı, yağış yağacağı, ayrı-ayrı yerlərdə lokal leysan xarakterli olacağı, dolu düşəcəyi gözlənilir. Gündüz ayrı-ayrı yerlərdə arabir güclənən qərb küləyi əsəcək.

Havanın temperaturu  gecə 20-25, gündüz 34-39, dağlarda gecə 14-19, gündüz  22-27 dərəcə  isti olacaq.   

Tibbi-meteoroloji proqnoza gəlincə, iyulun 9-da Abşeron yarımadasında isti temperatur diskomfortunun davam edəcəyi gözlənilir ki, bu da meteohəssas insanlar üçün əsasən əlverişsizdir.

ŞƏRH YAZ
0

186 nəfər Azərbaycan vətəndaşı Dubaydan gətirildi — FOTO

186 nəfər Azərbaycan vətəndaşı Dubaydan gətirildi
02:49
Bu gün
1115
Ölkə
A
İyulun 8-də Azərbaycanın milli aviadaşıyıcısı (AZAL) Dubaydan çarter reysi yerinə yetirərək 186 həmyerlimizi vətənə çatdırmışdır.

"Ölkə.Az" "Azərbaycan Hava Yolları” QSC-nin mətbuat xidmətinə istinadən xəbər verir ki, yalnız reysdən əvvəl 48 saat ərzində koronavirus COVID-19-a dair testin mənfi nəticəsi barədə arayışı təqdim edən sərnişinlər uçuşa buraxılmışdır. Qeyd edilən reyslə gələn bütün sərnişinlər iki həftə müddətində özünütəcrid şəraitində qalmalıdır.

Qeyd etməliyik ki, AZAL-ın çarter reysləri Azərbaycan Respublikasının Nazirlər Kabineti yanında Operativ Qərargahın müəyyən etdiyi plana uyğun qaydada yerinə yetirilir.

ŞƏRH YAZ
0
BAĞLA