“Hər şeydən bezib yorulmuşdum” — Atasını bıçaqlayan 19 yaşlı Günelin dramı

“Hər şeydən bezib yorulmuşdum”
11:47
25.08.2019
3617
Hadisə
A
Bakı Ağır Cinayətlər Məhkəməsində atasını bıçaqlamaqda ittiham olunan 19 yaşlı Günel Hüseynovanın cinayət işi üzrə məhkəmə istintaqı yekunlaşıb.

"Ölkə.Az"ın virtualaz.org-a istinadən xəbərinə görə, hakim Faiq Qəniyevin sədrliyi ilə keçirilən prosesdə hökm oxunub. Hökmə əsasən, Günel Hüseynova barəsində 3 il həbs cəzası təyin edilib. Cinayət Məcəlləsinin 70-ci maddəsinə əsasən təyin olunmuş cəza 1 il sınaq müddəti olmaqla şərti hesab edilib.

Xatırladaq ki, hadisə bu il fevralın 20-də Sabunçu rayonu, Ramana qəsəbəsində baş verib. Gecə saat 1 radələrində içkili vəziyyətdə evdə dava salan, ailə üzvlərini söyüb təhqir edən 49 yaşlı İlham Hüseynov qızı tərəfindən susdurulub. Belə ki, sərxoş atanın hərəkətlərindən bezən gənc qız ona üç bıçaq zərbəsi endirib.

Məhkəmə yolu ilə müəyyən edilib ki, ailə başçısı İlham Hüseynov heç yerdə işləməyib, spirtli içki aludəçisi olub, səbəbsiz yerə ailədə dava-dalaş salıb. Ailə ağır maddi vəziyyətdə olduğundan Günel orta məktəbi bitirdikdən sonra işləmək məcburiyyətində qalıb. Evə qazanc gətirən yeganə şəxs Günel olub. İmkansızlıq ucbatından hətta qaz pulunu ödəyə bilməyiblər və evə gələn qaz xətti kəsilib. Uzun müddət yeməyi, çayı həyətdə odun sobasında hazırlayıblar.

Ailə başçısı isə hər gün hansısa yolla əldə etdiyi içkiləri qəbul edib, evdə dava-dalaş yaradıb, həyat yoldaşını, qızını aşağılayıb, döyüb. Güneli dəfələrlə evdən qovub. Atasi tərəfindən qovulan Günel ya məscidə, ya da xalasıgilə sığınıb. Buna baxmayaraq heç vaxt ailə üzvləri onun barəsində polisə şikayət etməyiblər. Növbəti dəfə sərxoş atanın evdəkiləri təhqir etməsi, həyat yoldaşını döyməsi, evi yandıracağı ilə hədələməsi sonda Güneliin bıçağa əl atmasına səbəb olub.

“Hər şeydən bezib yorulmuşdum. Qeyri-ixtiyari anamla əlbəyaxa olan atama bıçaqla zərbə endirdim. Hadisə ani baş verdi. Atamın kürəyində qan görən kimi bıçağı yerə atıb ağladım. Hadisədən sonra atamla barışmışam. Törətdiyim əmələ görə çox peşmanam. Atamı öldürmək niyyətim olmayıb. Hal-hazırda atamla yenə də bir evdə yaşayırıq. Atam daha içki içmir, dava salmır, mehriban dolanırıq”- G.Hüseynova məhkəməyə verdiyi ifadəsində belə deyib.

ŞƏRH YAZ
0

İsmayıllıda ayı kəndə hücum etdi — Yaralı var

İsmayıllıda ayı kəndə hücum etdi
13:12
Bu gün
3489
Hadisə
A
İsmayıllı rayonunda ayı kəndə hücum edib.

"Ölkə.Az" qafqazinfo-ya istinadən xəbər verir ki, hadisə Xanagah kəndində baş verib. Kənd sakini, 1950-ci il təvəllüdlü  Rəsulov  İsmayıl  Yaqub  oğlu kəndə girən ayının hücumuna məruz qalıb. Özünü müdafiə edərək ayıdan canını qutaran İ.Rəsulov əl və üz nahiyyəsindən  xəsarət alıb. Yaralı rayon mərkəzi xəstəxanasına çatdırılıb.

Ölkə.Az

ŞƏRH YAZ
1

Sabirabadda avtomobil aşdı — Ölən var

Sabirabadda avtomobil aşdı
12:00
Bu gün
3296
Hadisə
A
Sabirabadda yol-nəqliyyat hadisəsi baş verib.

"Ölkə.Az" oxu.az-a istinadən bildirir ki, hadisə rayonun Padarçöl adlanan ərazisində qeydə alınıb.

Saatlı rayon sakini, 1965-ci il təvəllüdlü Əliyev Nizami Bəymirzə oğlu idarə etdiyi “VAZ-2106” markalı avtomobillə hərəkətdə olarkən anidən idarəetməni itirb və maşın yolun kənarına aşıb. 

Qəza nəticəsində ağır bədən xəsarətləri alan sürücü hadisə yerində dünyasını dəyişib.
 
Faktla bağlı araşdırma aparılır.

Ölkə.Az

ŞƏRH YAZ
1
BAĞLA