"Hər şeyi hakimin boynuna yıxmaq istəmirəm" — Rəşad Sadıqov

00:14
19.10.2017
357
İdman
A
“Qarabağ” komandasının kapitanı Rəşad Sadıqov Bakıda İspaniya “Atletiko”su ilə qolsuz heç-heçə etdikləri Çempionlar Liqasının qrup mərhələsinin III tur matçından sonra jurnalistlərin suallarını cavablandırıb.

“Ölkə.Az”ın “Report”a istinadən həmin müsahibəni təqdim edir...

- Qələbə qazana bilmədiyiniz üçün təəssüflənirsiniz?

- Belə bir hiss var. Oyunun sonlarında çox yaxşı imkanlarımız oldu. Qismət belə imiş. Düşünürəm ki, “Qarabağ”ın avrokuboklardakı ən yaxşı oyunlarından biri, bəlkə də birincisi idi. Bunu rəqibin gücünü nəzərə alaraq, deyirəm. Sevinirəm ki, məğlub olmadıq, bir xal qazandıq. Çox çətin qrupa düşmüşdük. Qrupu xalsız başa vurma ehtimalı var idi. Lakin xal qazanmağı çox istəyirdik. Stadiona gələn azarkeşlər futboldan həzz aldılar. Həm “Atletiko”, həm də bizim ifamızda yaxşı futbol oldu. Yaxşı mübarizə getdi, taktiki gedişlər edildi, kombinasiyalar, qol imkanları oldu. Deyərdim ki, qoldan başqa hər şey oldu.

- “Qarabağ” nəyin hesabına daha yaxşı oynadı?

- Bu barədə xüsusi bir şey deyə bilmərəm. Çıxdıq, baş məşqçinin tapşırıqlarını yerinə yetirməyə çalışdıq. İstəyirdik ki, yaxşı nəticə ilə hamını sevindirək. Sonda bu, alındı.

- Demək olarmı ki, “Qarabağ” artıq Çempionlar Liqasının ritmin tutub?

- Belə deməzdim. Bizi qarşıda çox çətin səfər oyunları gözləyir. Həm “Atletiko”, həm də “Çelsi”nin qrupdan çıxma şansları var. Daha 3 ağır oyunumuz var. Çempionlar Liqası elə bir turnirdir ki, hər oyuna yaxşı hazırlaşmaq və sona kimi mübarizə aparmaq lazımdır.

- Hakimdə rəqibə qarşı simpatiya hiss eləmirdiniz?

- Mən hakimlər haqqında danışmağı sevmirəm. Rəqibə qarşı simpatiya açıq aşkar görsənirdi.

- Avropa Liqasının qrupuna düşmək mümkündürmü?

- Biz hər oyunda mübarizə aparırıq. Futboldur. Bu gün qələbə qazansaydıq, şansımız daha çox olardı. Əlimizdən gələni edəcəyik.

- U19-un oyunu Madriddə necə olacaq? Stadionlar yaxındır?

- Madriddəki oyunda iştirak etsəm, U-19-un matçına getməyəcəyəm. Belə qərar qəbul etdik ki, stadiona getməyim. Oyunçu kimi komandaya çox lazımam.

- Bakıda hakim qərəzli qərarlar verirdisə, bu, Madriddə necə olacaq?

- Bu cür şeylərə hazır olmaq lazımdır. Böyük klublara həmişə simpatiya var. Hər şeyi hakimin boynuna yıxmaq istəmirəm. Yaxşı qol imkanlarımız oldu, istifadə edə bilmədik. Son vuruşlarda həyəcanlandıq. Bir xal da pis nəticə deyil.

- “Atletiko” ilə səfər matçında Dino Ndlovusuz çətin olmayacaq?

- Dinonu itirdik, Bədavinin oynaması sual altındadır, zədəsi çox ciddi görünür. Maksim oyundan əvvəl zədəli idi. Qarşıda bizi “Qəbələ” ilə oyun gözləyir. Bu matç da bizim üçün çətin olacaq.

Ölkə.Az

ŞƏRH YAZ
0

Veselin Topalov “Shamkir Chess-2018”də liderliyə yüksəlib

Veselin Topalov “Shamkir Chess-2018”də liderliyə yüksəlib
22:50
22.04.2018
173
İdman
A
Aprelin 22-də Şəmkirdə V Vüqar Həşimov Memorialında dördüncü turun görüşləri keçirilib.

"Ölkə.Az" Azərtac-a istinadən xəbər verir ki, Teymur Rəcəbov Norveç təmsilçisi Maqnus Karlsenlə, Rauf Məmmədov polşalı Radoslav Voytaşeklə, hollandiyalı Aniş Giri Çin şahmatçısı Dinq Lirenlə, Rusiya idmançısı Sergey Karyakin isə çexiyalı David Navara ilə heç-heçə edib.

Digər şahmatçımız Şəhriyar Məmmədyarov bolqarıstanlı Veselin Topalova uduzub.

Hesabında 2,5 xal olan V.Topalov birinci pillədə qərarlaşıb. M.Karlsen, T.Rəcəbov, R.Məmmədov, A.Giri, D.Liren, S.Karyakin və D.Navara, R.Voytaşek 2 xalla 2-9-cu pilləni bölüşürlər. Ş.Məmmədyarov isə 1,5 xalla sonuncu – onuncudur.

Ölkə.Az

ŞƏRH YAZ
0

"Qarabağ" ardıcıl 5-ci dəfə Azərbaycan çempionu oldu

21:33
22.04.2018
200
İdman
A
"Qarabağ" klubu Azərbaycan Premyer Liqasının bitməsinə 4 tur qalmış çempionluğunu rəsmiləşdirib.

"Ölkə.Az" xəbər verir ki, klub, "Sumqayıt"la bu gün keçirilən və 1:0 hesabı ilə qalib gəldiyi matçdan sonra bu uğura nail olub.

Bu qalibiyyətlə xallarını 59-a yüksəldən Ağdam təmsilçisi 42 xalla 2-ci pillədə qərarlaşan "Qəbələ" üçün əlçatmaz olub.

Qeyd edək ki, bu, "Qarabağ" komandasının ardıcıl 5-ci, ümumilikdə isə 6-cı çempionluğu kimi tarixə düşüb.

Ölkə.Az

ŞƏRH YAZ
0
BAĞLA