\"Hər zaman şəhid ailələlərinin yanında olacam\"

Bu fikirləri "Ölkə.Az"a açıqlamasında Milli Məclisin Əmək və Sosial-siyasət komitəsinin sədri, deputat Hadi Rəcəbli bildirib. 

Komitə sədri deyib ki, vəsaitlərini tələn edən şəhid ailələrinin mübahisəli məsələsi araşdırılmalıdır:

"Biz bu şəhid ailələrinin hamısının qarşısında baş əyirik və onlara borcluyuq. Çox təəssüf ki, bu qrup insanlar bəzi mübahisəli məsələlərlə üzləşiblər. Amma bu qrupdan olan bir çox insanlar var ki, onlar pullarını alıblar. Hazırda həqiqətən bu vəsaiti alanlarla almayanların sənədləri dəqiq yoxlanılmalıdır. Hesab edirəm ki, bu adamları incik salmaq lazım deyil. Əksinə, bu adamların yanına Nazirlikdən bir adam təhkim olunmalıdır. Həmin şəxs isə bu siyahı ilə məşğul olmalıdır. Yəni, bunların məsələsi tam dəqiqləşdirilməlidir. Ötən dəfə Milli Məclisə gələn zaman mən həmin insanlarla görüşdüm, onlara məsələhətlərimi verdim. İndi də onların yanındayam və yanında olacam, daim şəhid ailələrinin sözünü deyirəm".

H.Rəcəbli təklif edib ki, hər bir rayon və şəhərin Sosial Müdafiə İdarələri tərəfindən sözügedən şəxslərə yardım edilməlidir:

"Çünki hər bir rayonun Sosial Müdafiə İdarələri var. Bu adamlarla ilk növbədə həmin qurumlar məşğul olmalıdır, onlara yardım etməlidirlər. Milli Məclis olaraq biz də əlimizdən gələn köməyi əsirgəmirik".

Vasif Həsənli
Ölkə.Az