KORONAVİRUSA YOLUXANLARIN SAYI - CANLI STATİSTİKA

Hərbi qulluqçuların diqqətinə — Milli Məclisdə müzakirəyə ÇIXARILDI

Hərbi qulluqçuların diqqətinə
14:30
12.09.2019
11015
Siyasət
A
“Hərbi qulluqçuların dövlət icbari şəxsi sığortası haqqında” qanuna dəyişikliklər olacaq. Dəyişiklik hərbi qulluqçularının dövlət icbari şəxsi sığortası və pensiya təminatının əvvəlki qaydada saxlanılması məqsədi ilə edilir".

“Ölkə.Az” xəbər verir ki, adı çəkilən qanun layihəsi Milli Məclisin Müdafiə, Təhlükəsizlik və Korrupsiya ilə Mübarizə Komitəsinin iclasında müzakirə edilib. Milli Məclis Sədrinin birinci müavini, komitə sədri Ziyafət Əsgərov payız sessiyasının başlaması münasibəti ilə deputatları təbrik edib, onlara işlərində uğurlar diləyib.

Komitə sədri bildirib ki, iclasın gündəliyindəki “Hərbi qulluqçuların dövlət icbari şəxsi sığortası haqqında” və “Əmək pensiyaları haqqında” Azərbaycan Respublikasının qanunlarında dəyişiklik edilməsi barədə” qanun layihəsi birinci oxunuşda müzakirəyə təqdim olunur. 

Məlumat verildi ki, “Hərbi qulluqçuların dövlət icbari şəxsi sığortası haqqında” qanunun 2-ci maddəsinə edilən dəyişiklikdə təklif olunur ki, “Azərbaycan Respublikasının qanunvericiliyinə müvafiq surətdə yaradılmış digər qoşun birləşmələrində” sözləri “hərbi xidmət nəzərdə tutulmuş digər dövlət orqanlarında (dövlət orqanlarının strukturuna daxil olan qurumlarda)” sözləri ilə əvəz edilsin. Eyni məzmunlu düzəlişlər bu qanunun 7-ci maddəsində və “Əmək pensiyaları haqqında” qanunun  21.2.3-cü maddəsində də nəzərdə tutulub. Həmçinin “hərbi qulluqçular” anlayışının məzmunu yenilənərək “Azərbaycan Respublikası Silahlı Qüvvələrində və hərbi xidmət nəzərdə tutulmuş digər dövlət orqanlarında (dövlət orqanlarının strukturuna daxil olan qurumlarda) xidmət edən hərbi rütbəli şəxslər” kimi verilir.

Diqqətə çatdırıldı ki, layihə “Hərbi vəzifə və hərbi xidmət haqqında” qanunda dəyişiklik edilməsi barədə 2018-ci il 12 oktyabr tarixli qanunun icrasını təmin etmək məqsədilə hazırlanıb. Həmin qanunda hərbi qulluqçuların yalnız Azərbaycan Respublikasının Silahlı Qüvvələrində deyil, habelə hərbi xidmət nəzərdə tutulmuş digər dövlət orqanlarında da (dövlət orqanlarının strukturuna daxil olan qurumlarda) xidmət keçməsi müəyyən olunub. Təklif edilən dəyişikliklər belə qurumların hərbi qulluqçularının dövlət icbari şəxsi sığortası və pensiya təminatının əvvəlki qaydada saxlanılmasına xidmət edir.
Sonra Ziyafət Əsgərov bildirib ki, cari ilin yaz və növbədənkənar sessiyalarında komitənin 10 iclası keçirilib, 17 qanun layihəsi plenar iclasa  tövsiyə olunub və qəbul edilib. Payız sessiyasında “Daxili qoşunlar haqqında”, “Hərbi qulluqçuların statusu haqqında” və digər qanun layihələrinə baxılması  nəzərdə tutulub.

İclasda çıxış edən komitə üzvləri Elman Məmmədov, Aqil Abbas, Hikmət Məmmədov, Fərəc Quliyev qanunlara edilən dəyişiklikləri məqbul hesab etdilər. Deputatlar dövlət tərəfindən hərbi sahəyə, hərbi qulluqçulara göstərilən diqqət və qayğını təqdir etdilər. Ordumuzun döyüş ruhunun yüksək olduğunu söylədilər.

Müzakirələrdən sonra “Hərbi qulluqçuların dövlət icbari şəxsi sığortası haqqında” və “Əmək pensiyaları haqqında” qanunlarda dəyişiklik edilməsi barədə” qanun layihəsi Milli Məclisin plenar iclasına tövsiyə olundu.

Mürtəza
Ölkə.Az

ŞƏRH YAZ
0

"Ermənistan rəhbərinin təbriki riyakarlığın ən yüksək səviyyəsidir" — Azərbaycan XİN

03:51
Bu gün
460
Siyasət
A
“Ermənistanda yaşayan yüz minlərlə müsəlman əhalini əzəli torpaqlarından məcburi sürgün edən, Azərbaycanın torpaqlarını işğal edib bu ərazidəki azərbaycanlı əhalini etnik təmizləməyə məruz qoyan, müsəlman mülki əhaliyə qarşı Xocalı qətliamı kimi insanlıq əleyhinə cinayətlər törədən, işğal etdiyi torpaqlardakı İslam dini abidələrini, ibadət yerlərini talan və təhqir edən bir ölkənin rəhbərinin müqəddəs Ramazan bayramı münasibətilə müsəlman ölkələrinin rəhbərlərinə təbrik ünvanlaması təcavüzkar Ermənistanın rəhbərinin İslam dininə qarşı nümayiş etdirdiyi riyakarlığın ən yüksək səviyyəsidir”.

"Ölkə.Az" oxu.az-a istinadən xəbər verir ki, bu sözləri Azərbaycanın Xarici İşlər Nazirliyinin Mətbuat xidməti idarəsinin rəisi Leyla Abdullayeva Ermənistan baş nazirinin Ramazan bayramı münasibətilə bəzi müsəlman ölkələrinin rəhbərlərinə təbrik ünvanlamasını şərh edərkən deyib.

“Ermənistan baş naziri həqiqətən də İslam dininə və dəyərlərinə hörmət nümayiş etdirsəydi, ilk növbədə fundamental hüquqları pozulmuş, öz evlərindən didərgin salınmış yüz minlərlə müsəlman azərbaycanlının haqqlarının bərpa olunması istiqamətində addım atardı. Nikol Paşinyanın nümayiş etdirdiyi təxribatçı fəaliyyəti isə onun bu yanaşmadan tam uzaq olduğunu göstərir.

Ermənistan baş nazirinin təbrik ünvanladığı ölkələrin hər il, ardıcıl olaraq İslam Əməkdaşlıq Təşkilatı çərçivəsində, Ermənistanın Azərbaycana qarşı təcavüzkar siyasəti barədə qəbul etdiyi qətnamələri işğalçı ölkəyə xatırladırıq. Ermənistan rəhbərliyi İslam dünyası və müsəlman əhalisinə sözdə hörmətini, saxta müraciətləri ilə deyil, elə həmin müsəlman ölkələrin qəbul etdiyi qətnamələrin tələblərini yerinə yetirməklə nümayiş etdirməlidir”, - deyə o bildirib.

Ölkə.Az

ŞƏRH YAZ
0

Netanyahu hakim qarşısına çıxdı

Netanyahu hakim qarşısına çıxdı
21:59
24.05.2020
2015
Siyasət
A
Qüds Dairə Məhkəməsində İsrailin baş naziri Binyamin Netanyahuya qarşı üç ittiham üzrə ilk iclas keçirilib.

"Ölkə.Az" report-a istinadən xəbər verir ki, bu barədə "Times of Israel" qəzeti bildirib.

Qeyd edilir ki, proses bir saata yaxın davam edib, növbəti iclasın tarixi hələ təyin olunmayıb.

Qəzetin məlumatına görə, Netanyahu müvafiq qaydaya uyğun olaraq iclasın başlanğıcında hakimlərə ona qarşı irəli sürülmüş ittihamların mahiyyətini anladığını bildirib. “Times of Israel” qeyd edib ki, jurnalistlər iclas zalını tərk etməyincə baş nazir müttəhimlər kürsüsündə əyləşməyib. KİV-in nümayəndələrinin çəkiliş aparmalarına icazə verilməyib.

Netanyahu bütün prosesin canlı yayımlanmasında israrlı olub, amma hakim bundan imtina edib. Məhkəmənin zalında iyirmi nəfər olub, onlar koronavirusun yayılmasının qarşısının alınması üzrə tədbirlərə uyğun olaraq qoruyucu maskalarda olublar.

Müdafiə tərəfinin vəkilləri hakimə bildiriblər ki, iş materialları ilə tanış olmaq üçün onlara iki və ya üç ay lazımdır. Dövlət ittihamçısı isə deyib ki, indiyə qədər kifayət qədər vaxt olub, çünki ölkənin baş prokuroru Avixay Mandelblit hələ 28 fevral 2019-cu ili baş nazirə qarşı ittihamlar irəli sürmək niyyəti haqqında bildirib.

İclasın sonunda dövlət prokurorunun müavini Liat Ben-Ari bildirib ki, əgər müdafiə tərəfindən müvafiq sorğu daxil olsa, növbəti iclasda ittiham edilən şəxsin olmamasına etiraz etmir. Məhkəmə kollegiyasının sədri Rivka Fridman-Feldman məhkəmənin növbəti iclasın tarixi haqqında tərəflərə məlumat verəcəyini deyib.

Netanyahu iclasın başlanmasından əvvəl məhkəmə binasında bildirib ki, baş nazirə qarşı sui-istifadə və korrupsiya ilə bağlı ittihamlar sağların nümayəndələri tərəfindən onun ölkədə hakimiyyətdən kənarlaşdırılması məqsədilə quraşdırılıb.

"Bütün sağ düşərgə bu gün müdafiə edilən tərəf kimi müqəssirlər skamyasında oldu. Mən məhkəməyə gəldim", - o deyib.

Ölkə.Az

ŞƏRH YAZ
0
BAĞLA