"Hətta komanda qalib gələn zaman mənə təhqirlər davam edirsə, buna başqa izah verə bilmirəm” — Mahir Mədətov

00:44
16.10.2018
1356
İdman
A
"İştirakım olmayan epizodlarda, mövqeyimdən uzaq baş verənlərdə, hətta komandamız qalib gələn zaman mənə təhqirlər davam edirsə, buna başqa izah verə bilmirəm”.

"Ölkə.Az" xəbər verir ki, bunu report-a açıqlamasında "Qarabağ” klubunun və Azərbaycan milli komandasının futbolçusu Mahir Mədətov ev oyunları zamanı fitə basılmasına cavab olaraq deyib.

Mədətov son oyunlarda qol vura bilməməsini belə izah edib:

"Hamıdan çox fərqlənib komandama kömək etmək istəyirəm. Futbol bir komanda oyunudur. Komanda yoldaşım fərqlənirsə, bu, hamımızın uğurudur. Azarkeş də komandanı dəstəkləyir, hansısa bir futbolçunu yox. Hər zamankından daha çox çalışıram ki, komandaya xeyir verim. Düzdür, beynəlxalq oyunlarda hələ qol vurmamışam. Amma inanıram ki, o da olacaq”.

"Özümü kiməsə sübut etmək kimi fikrim yoxdur” deyən hücumçu əsas məqsədinin baş məşqçi Qurban Qurbanovun verdiyi tapşırıqları yerinə yetirməkdən ibarət olduğunu vurğulayıb:

"Futbolçuyam, öz işimi görürəm, baş məşqçinin verdiyi tapşırıqlara əməl edirəm. Üzərimə düşən vəzifəmi, işimi icra etməyə çalışıram.

Mahir Mədətov "Qarabağ"ın İngiltərə "Arsenal"ı ilə Avropa Liqası, Azərbaycan yığmasının isə Malta ilə UEFA Millətlər Liqası matçlarında qol epizodlarından yararlana bilmədiyi üçün azarkeşlərin sərt reaksiyası ilə qarşılaşıb.

Ölkə.Az

ŞƏRH YAZ
0

Dünya şöhrətli idmançı Mariya Şarapova idmandan getdi

Dünya şöhrətli idmançı Mariya Şarapova idmandan getdi
12:03
27.02.2020
409
İdman
A
Dünya şöhrətli rusiyalı tenisçi Mariya Şarapova idmandan getdiyini bəyan edib.

“Ölkə.Az” xəbər verir ki, bu barədə o, Vanity Fair essesində yazıb.
“The New York Times” yazır ki, 32 yaşlı idmançı zədələri ilə oynamaqdan yorulub.
Şrapova bildirib ki, bundan sonra vaxtını ailəsi ilə birgə keçirəcək və nə işlə məşğul olacağını özü seçəcək. Şarapova bundan sonra rəqslə məşğul olmaq niyyətindədir. 

İdmançının bildirib ki,  bundan sonrakı fəaliyyətimdə  irəliyə getmək üçün səylərimi davam etdirəcəyəm.
Şarapova üçün sonuncu yarış “Australian Open-2020” olub və idmançı həmin yarışı birinci dövrəsindəcə tərk edib. Qeyd edək ki, idmançı 2019-cu ildə aldığı zədədən  xeyli müddət məşq edə bilməmişdi.


Ölkə.Az

ŞƏRH YAZ
0

Qurban Qurbanov Rayan Giqqzlə görüşdü — FOTO

Qurban Qurbanov Rayan Giqqzlə görüşdü
18:36
24.02.2020
815
İdman
A
Avro-2020 qrup mərhələsinin oyunlarını Bakıda keçirəcək Uels millisinin nümayəndə heyəti Bakıdadır.

"Ölkə.Az" xəbər verir ki, yığmanın baş məşqçisi Rayan Giqqz bu gün ilk olaraq Tofiq Bəhramov adına Respublika stadionu, daha sonra isə "Qarabağ" klubunun bazası və "Azərsun Arena"da olub.

Klubun baş meneceri Asif Əsgərov tərəfindən "Mançester Yunayted"in əfsanəsinə adı yazılmış "Qarabağ"ımızın forması hədiyyə olunub.

Giqqz sonda komandamızın baş məşqçisi Qurban Qurbanovla da görüşüb və qısa fikir mübadiləsi aparıb.

ŞƏRH YAZ
0
BAĞLA