KORONAVİRUSA YOLUXANLARIN SAYI - CANLI STATİSTİKA

Həyat yoldaşı Nüsrət Kəsəmənlinin ilk sevgilisindən DANIŞDI — VİDEO

Həyat yoldaşı Nüsrət Kəsəmənlinin ilk sevgilisindən DANIŞDI
17:20
03.06.2019
5753
Mədəniyyət
A
ARB TV-nin “Bu qədər” proqramının növbəti buraxılışında mərhum şair Nüsrət Kəsəmənlinin həyatından danışılıb.

"Ölkə.Az" xəbər verir ki, şairin ailə üzvləri və qohumları onunla bağlı xatirələrini bölüşüb:

Rahilə Kəsəmənli – Həyat yoldaşı: “1-ci kursda oxuyurdum, universitetə təzə gəlirdim və demək olar ki, heç kəsi tanımırdım. Universitetdə məni işə qəbul etdilər. 17-18 yaşımdan universitetdə həm oxuyub, həm də işləyirdim. O vaxt komputer yox idi, makinada yazılırdı. Gördüm bir oğlan gəldi. Oğlan indi də universitetdə tarix fakültəsinin müəllimidir. O oğlan əlində vərəq gətirdi ki, xahiş edirəm makinada bunu yazasınız. Aldım, yazanda gördüm ki, “Ona” adlı bir şeirdir. Şeiri oxudum, xoşuma gəldi və bir nüsxəsini özüm üçün çap etdim. Kənara qoydum amma şeirin dalınca heç kim gəlmədi. Sonradan hündür bir oğlan gəldi, tamam başqa biri idi, o şeiri gətirən oğlan deyildi. Görkəmindən tanış gəlirdi, amma ağlıma da gəlməzdi ki, Nüsrət Kəsəmənli burada tələbədir. O, İncəsənət Universitetində oxumuşdu, bu onun 2-ci ixtisası idi. Dedi ki, xanım sizə bir yazı veriblər onun dalınca gəlmişəm. Mən də makinadan çıxarılmış formasını və əl yazısını verdim. Görkəmindən hiss olunurdu ki, bu yazı bəhanədir, gəlişi yazı üçün deyil. Makinadan çıxarılmışı götürdü, amma əl yazmasını qoydu stoluma ki, bu qalsın. 1-2 saat keçdi dedilər ki, səni telefona çağırırlar. Telefonu götürdüm səs həmin səs idi. Dedi ki, xanım siz o əl yazmasını götürdüz? Dedim ki, hə, qalıb stolun üstündə, gəlib apara bilərsiniz. Dedi ki, heç düşünmədiz ki, o əl yazması niyə sizdə qalmalı idi? 18 yaşım olsa da başa düşə bilmirdim ki, mənə yazıb və niyə yazıb. Sonradan anladım ki, bu yazı bir bəhanə imiş. Mənə deyirdi ki, mən hər zaman sözü deyən oğlan olmuşam. Amma sənə deməyə utandım, başqasını göndərdim. Onda fikirləşdim ki, ay Nüsrət sənin sonun gəldi, axırına çıxsa elə bu qız çıxacaq. Zarafatla deyirdi, gülürdük. 1 ildən sonra bizim toyumuz oldu. Nişanlanandan sonra çox çətin günlərim başladı. Kənardan o qədər söz-söhbətlər, zənglər eşidirdim ki... Mənə dedilər ki, səndən əvvəl Sevda adında bir qızı istəyib. Amma nədənsə onların sevdası baş tutmayıb, səbəbi isə mənim üçün maraqlı deyildi. O qızı sonradan tanıdım, çox gözəl, səviyyəli, gözəl ailənin qızı idi. O qadının sonradan xəstələnib çökməyi mənə çox pis təsir etdi. Dedim, Nüsrət, bilirsən, Sevda xəstədir? Dedi ki, yox. Dedim imkan tap ona baş çək. Baş çəkəndən sonra mənə danışdı ki, mən içəri girəndə o üzünü gizlətdi. Çünki o xanım çox gözəl idi, amma xəstəlik onu pis hala salmışdı deyə istəmirdi ki, Nüsrətin gözünə elə görünsün. Dekabırın 21-si Sevda dünyasını dəyişdi. Biz Nüsrətlə gül alıb ziyarətə gedirdik. Hətta öz yaxınlarım da deyirdi ki, səni nə maraqlandırır? Bu nə hərəkətdir edirsən? Allah onların hər ikisinə rəhmət etsin. Onsuz da özü hər şeyi etiraf etmişdi. O, “Etiraf” şeiri yazılanda hamı elə başa düşürdü ki, mən çox sevinmişəm. Əksinə, ən çətin an elə o şeiri oxuduğum an oldu. Çünki, istəmirdim ki, kimsə bilsin bizim ailədə nə baş verib. Gec gəlirdi düzdü, amma, qəlbimi sındırmayıb heç vaxt. Ona görə də incikliyim olsa da küsməmişəm”.

Ölkə.Az

ŞƏRH YAZ
0

Azərbaycanın məşhur əməkdar artisti VƏFAT ETDİ — FOTO- SON DƏQİQƏ

Azərbaycanın məşhur əməkdar artisti VƏFAT ETDİ
21:05
05.07.2020
6639
Mədəniyyət
A
Akademik Milli Dram Teatrının aktyoru, əməkdar artist Tofiq Hüseynov vəfat edib.

“Ölkə.Az” xəbər verir ki, bu barədə aktrisa Rada Nəsibova “Facebook” səhifəsində məlumat verib.

“Daha bir sənətkarımız dünyasını dəyişdi. Nə deyim, gözəl insan, söz tapa bilmirəm. Sizdən zərrə qədər incikliyimiz olmadı. Yeriniz hər zaman görünəcək. Çox heyif. Nur içində yatın”.

Qeyd edək ki, Tofiq Əbdülrəhim oğlu Hüseynov 1949-cu il iyun 24-də Bakı şəhərində anadan olub. Tofiq Əbdülrəhim oğlu Hüseynov 1971-ci ildə M.A.Əliyev adına Azərbaycan Dövlət İncəsənət İnstitutunun dram və kino aktyoru fakültəsini bitirmişdir.Tofiq Hüseynov bir çox teatrların səhnəsində çalışmış, müxtəlif obrazlar oynamışdı. Bunlar: Rza bəy (“O olmasın, bu olsun”,Ü.Hacıbəyov),Əzrayıl (“Bu meydan, bu şeytan”,F.Aşurov),Mərd Mazarov (“Adamın adamı”,Anar),Hacı Namazalı (“Danabaş kəndinin məktəbi” C.Məmmədquluzadə),Tülkü (“Cücələrim” T.Mütəlibbov ),Cəbi (“Hacı Qəmbər”,N.Vəzirov ),Şah Kreon (J.Anuy “Medeya”),Vəzir Zəban (O.Altunbay “Tomris”) obrazlarıdır.

Tofiq Hüseynov 2001-ci ildən Azərbaycan Dövlət Akademik Milli Dram Teatrında çalışır.Teatrın repertuarındakı müxtəlif janrlı tamaşalarda rollar oynayıb.Onlardan:Komiyonçu “Kəllə”(N.Hikmət),Knyaz Orbeliani “Brüsseldən məktublar”( H.Həsənov),Oqtay “Rəqabət”(B.Vahabzadə),Hacı Kərim “Ölülər” (C.Məmmədquluzadə), Rüstəm xan(“Eloğlu”,A.Şaiq),Qala rəisi(“Xurşidbanu Natəvan”,İ.Əfəndiyev),Bekar Ağabala “Dirilən adam”( Mir Cəlal),Katib “Ölüləri qəbiristanlıqda basdırın”( İ.Şıxlı),Ağamusa Fərəcov “Dəlilər və ağıllılar” (İ.Əfəndiyev),Əcəl “Alın yazısı”( T.Minnullin) və digər obrazları tamaşaçı maraqla qarşılayıb.

Aktyor “Meteranpaj”(Kamayev),”3-mollanın sərgüzəşti”(Mola Vəli),”Şkafda adam”(Ər),Molla Nəsrəddinin lətifələri əsasında eyniadlı əsərin tamaşalarında, “Marş” (Komandir),“Dəvətnamə”(Briqadir),”O dünyadan salamlar”(Əli bəy), “Bahar ərəfəsində”(Direktor) və s.filmlərə çəkilib.

Tofiq Hüseynov 2009-cu ildə Azərbaycan Respublikasının Əməkdar artisti fəxri adına layiq görülüb.

Xatırladaq ki, Tofiq Hüseynov xərçəng xəstəliyindən əziyyət çəkirdi.

ŞƏRH YAZ
0

Əməkdar artistin bacısı — KORONAVİRUSA yoluxdu

Əməkdar artistin bacısı
21:33
03.07.2020
4470
Mədəniyyət
A
"Koronavirus bizim ailədən də yan keçmədi. Bacım virusa yoluxub, indi ev şəraitində müalicə alır".

"Ölkə.Az" xəbər verir ki, bunu Əməkdar artist Gülüstan Əliyeva deyib.

Müğənni bacısına görə narahat olduğunu bildirib: "Bacımın vəziyyəti əvvəl ağır idi, indi səhhəti düzəlib. Evdə müalicələrini davam etdirir. Neçə vaxtdır ki, başımız ona qarışıb. Mən özüm də qorunuram.

Tibbi maska taxıram, əlcək geyirəm. Spirt həmişə çantamda olur. Doğrudur, bacımın koronavirusa yoluxması əhvalımıza təsir edib.

Amma son günlər sağalma müşahidə edilir, bu səbəbdən tezliklə əvvəlki vəziyyətə qayıdacağına ümid edirik". //Showxeber.az

ŞƏRH YAZ
0
BAĞLA