“Heydər Əliyev Azərbaycanı XX əsrdə ikinci dəfə müstəqilliyini itirməkdən xilas edib” — Millət vəkili

“Heydər Əliyev Azərbaycanı XX əsrdə ikinci dəfə müstəqilliyini itirməkdən xilas edib”
14:17
11.06.2019
537
Siyasət
A
“Azərbaycanın iyirminci əsrdə ikinci dəfə müstəqilliyinin itirilməsi təhlükəsinin qarşısını alan və müstəqilliyimizin dönməzliyini, onun dinamik inkişafını, sabitliyinin təminatçısının müəllifi Ulu Öndər Heydər Əliyevdir. Bax, bu baxımdan 15 İyun - Qurtuluş günü müasir Azərbaycan tarixində mühüm əhəmiyyət kəsb edən hadisələrdən biridir”.

Bunu “Ölkə.Az”a açıqlamasında  millət vəkili Rüstəm Xəlilov deyib.

Onun sözlərinə görə, zaman keçdikcə tarix 15 İyun-Qurtuluş gününün Azərbaycan dövlətçilyində oynadığı rola daha da  böyük önəm verəcək. “1993-cü il iyun ayə ərəfəsində Azərbaycanda çox mürəkkəb ictimai-siaysi, hakimiyyət böhranı hökm sürürdü. Bir yandan Azərbaycan torpaqları  işğalçı Ermənistan tərəfindən işğal edilir, digər tərəfdən respublikanın müxtəlif bölgələrində separatçılıq baş qaldrımışdı, bir yandan da hakimiyyət böhranı yaşanırdı. Hakimiyyət böhranının yaranması nəticəsində ölkə vətəndaş müharibəsinin astanasında idi. Belə bir mürəkkəb şəraitdə iyirminci əsrin sonunda yenidən müstəqilliyini əldə edən Azərbaycan dövlətçiliyinin yenidən itirilmə təhlükəsi ilə üz-üzə qalmışdı. Bax belə mürəkkəb şəraitdə xalqın təkidi ilə hakimiyyətə gələn  Ulu Öndər Heydər Əliyev Azərbaycan dövlətçiliyini, xalqını üzləşdiyi problemlərdən xilas etdi. Qısa zaman ərzində separatizm meyllərinə son verildi, ölkədə siyasi sabitliyin və iqtisadi inkişaf istiqamətində ciddi addımlar atıldı və bu məqsədlə genişmiqyaslı islahatlara start verildi. Həyata keçirilən islahatlar  bir neçə il ərzində öz müsbət nəticəsini verdi və Azərbaycan öz inkişaf yoluna qədəm qoydu”,- deputat bildirib.

O, bildirib ki,  zəngin  dövlətçilik təcrübəsinə malik olan H.Əliyev respublikanı  ağır fəlakətdən qurtamaq üçün  Azərbaycanın  tarixi –iqtisadi xüsusiyyətlərinə,  geopolitik şəraitinə, milli mənafelərinə uyğun srategiya hazırladı,  düşünülmüş və əsaslandırılmış  sistemli tədbirlər həyata keçirdi. “Bununla yanaşı olaraq  beynəlxalq təşkilatlar, inkişaf etmiş ölkələrlə əməkdaşlığın formalaşması, iqtisadi islahatların aparılması kimi prioritet vəzifələr müəyyən edilərək reallaşıdırlmağa başladı.

 Müasir dövlətin inkişaf strategiyasında dövlət quruculuğu, sivil, demokratik cəmiyyətin, yeni iqtisadi sistemin hüquqi bazasının formalaşması prosesi, beynəlxalq hüquq normaları, qarşılıqlı əməkdaşlıq prinsipləri ilə əlaqələndirildi. Ona  görə də bu gün biz qürur hissi ilə deyə bilərik ki, müstəqil  Azərbaycan dövlətinin yeni  iqtisadi siseminin yaradılması H.Əliyevin adı ilə bağlıdır. Bu elə bir iqtisadi sistemdir ki, respublikanın dinamik inkişafını, xalqın yaşayış səviyyəsinin yüksəldilməsi imkanlarını reallaşdırmasına güclü zəmin yaratmağa imkan verir.

Onu da xüsusi ilə qeyd etmək lazımdır ki, Ulu Öndər Azərbaycanın inkişaf strategiyasını müəyyən edərkən qloballaşan dünyada  gedən proseslərə əsaslandı”,- deputat  qeyd edib.
R.Xəlilov əlavə edib ki, Ulu Öndər Azərbaycanın inkişaf strategiyasını hazırlayarkən ilk növbədə onun təhlükəsizlik konsepsiyasına uyğun formada həyata keçirib: 
“Azərbaycanın sürətli inkişafını və təhlükəsizliyini təmin etmək üçün ilk növbədə   neft amilinə üstünlük verdi. Bu məqsdlə 1994-cü ildə imzalanan “Əsrin müqaviləsi” təkcə ölkənin sürtəli inkişafını təmin etmədi, eyni zamanda ölkəmizi təhlükəsizliyinə olan təhdidlərin qarşısını almaq məqsədi daşıyırdı.

Bununla paralel olaraq Ulu Öndər ölkədə qeyri-neft sektorunun inbkişaf etdilməsi məqsədi ilə torpaq islahatlarına, dövlət müəssisələrinin özəlləşdiirlməsinə başladı. 
1994-cü ildə imzalanan saziş qısa zaman ərzində öz bəhrəsini verdi və neftdən gəlir ölkə iqtisadiyyatının digrə sahələrinin inkişafına yönəldildi”.
Deputat onu da xüsusi ilə qeyd edib ki, Ulu Öndər bu siyasəti  həyata keçirmək elə də asan olmadı. 

“Azərbaycanı sevməyən xarici qüvvələrdə  daxildəki əlaltıları ilə əlbir olub respublikanın inkişafına, yaradılan sabitliyi pozmaq, dövlətçilyimizi çökdürmək üçün bir neçə dəfə belə  cəhdlər də bulundular. Lakin iqtidar-xalq birliiy nəticəsində bütün bu cəhdlərin qarşısı alındı. Çünki xalq öz dövlətini və gələcək taleyini  ulu öndər H.Əliyevə etibar etmişdi. Bilirdi ki, onu üzləşəcəyi bütün problemlərdən xilas edə biləcək şəxs ancaq və ancaq o ola bilər. Və xalq bu seçimində yanılmamışdı. Zaman bunu sübut etdi. Azərbaycan məhz H.Əliyevin rəhbərliyi altında üzlədiyi çətinlikləri geridə qoydu və ölkədə sabitlik bərqərar oldu. Dinamik inkişaf edir. Bünövrəsi Ulu Öndər tərəfindən qoyulan siyasət bu gün onun layiqli davamçısı İlham Əliyev tərəfindən uğurla davam etdirilir.  Məhz bunun nəticəsidir ki,  Azərbaycan dünyada öz layilqi yerini tutaraq nüfuzlu ölkələrdən birinə çevrilib.H.Əliyev irsinin və siyasətinin  layilqi davamçısıPrezident İlham Əliyevin rəhbərliyi altında Azərbaycan bü gün təkcə bölgənin deyil, Qərblə Şərq, Şimalla Cənub arasında mühüm transmilli əməkdaşlıq qovşağına çevrilib. Bir sözlə Azərbaycan bu gün təkcə enerji qovşağı rolunu deyil, eyni zamanda regionlararası, qıtələrarası əməkdaşlıqda bir mühüm qovşaq rolunu oynamaqdadır.  Bir çox hallarda isə belə layihələrin reallşaması Azərbaycanın təşəbbüsü ilə həyata keçirlir və dünya birliyi də  ölkəmizin təşəbbüskar olduğu bu layihələrdə akitv iştirak edir. Azərbaycan beynəlxalq əməkdaşlıq münasibətləri sistemində oynadığı qovşaq rolu ölkəmizin dünyada nüfuzunun, o cümlədən təhlükəsizliyinin daha da   möhkəmlənməsinə xidmət edir. Bu ancaq H.Əliyevin layiqli davamçısı, uzaqgörən Prezident İlham Əliyevin uzaqgörən və düşünülmüş siyasəti nəticəsində mümkün olub”,- deputat bildirib.

Mürtəza
Ölkə.Az

ŞƏRH YAZ
0

Tərəvəzçilik Elmi Tədqiqat İnstitutu publik hüquqi şəxsə çevrilir — FƏRMAN

Tərəvəzçilik Elmi Tədqiqat İnstitutu publik hüquqi şəxsə çevrilir
19:00
Bu gün
1516
Siyasət
A
Prezident İlham Əliyev Azərbaycan Respublikası Kənd Təsərrüfatı Nazirliyinin tabeliyindəki Tərəvəzçilik Elmi Tədqiqat İnstitutunun fəaliyyətinin təkmilləşdirilməsi barədə fərman imzalayıb.

"Ölkə.Az"ın məlumatına görə, fərmanla Azərbaycan Respublikası Kənd Təsərrüfatı Nazirliyinin tabeliyində olan Tərəvəzçilik Elmi Tədqiqat İnstitutu Azərbaycan Respublikası Kənd Təsərrüfatı Nazirliyinin tabeliyində publik hüquqi şəxs statusu olan Tərəvəzçilik Elmi Tədqiqat İnstitutuna çevrilmə yolu ilə yenidən təşkil edilir.

2. Bu Fərmanın 1-ci hissəsində nəzərdə tutulmuş publik hüquqi şəxsin fəaliyyətə başlaması və nizamnamə fondunun formalaşdırılması üçün Azərbaycan Respublikasının 2019-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Respublikası Kənd Təsərrüfatı Nazirliyinə 1 (bir) milyon manat ayrılsın.

3. Azərbaycan Respublikasının Nazirlər Kabineti:

3.1. Azərbaycan Respublikası Prezidentinin aktlarının bu Fərmana uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin;

3.2. Azərbaycan Respublikası Nazirlər Kabinetinin normativ hüquqi aktlarının bu Fərmana uyğunlaşdırılmasını üç ay müddətində təmin edib Azərbaycan Respublikasının Prezidentinə məlumat versin;

3.3. mərkəzi icra hakimiyyəti orqanlarının normativ hüquqi aktlarının bu Fərmana uyğunlaşdırılmasını nəzarətdə saxlasın və bunun icrası barədə beş ay müddətində Azərbaycan Respublikasının Prezidentinə məlumat versin;

3.4. bu Fərmandan irəli gələn digər məsələləri həll etsin.

4. Azərbaycan Respublikasının Kənd Təsərrüfatı Nazirliyi bu Fərmanın 1-ci hissəsində nəzərdə tutulmuş publik hüquqi şəxsin:

4.1. təsisçisinin “Publik hüquqi şəxslər haqqında” Azərbaycan Respublikası Qanununun 8.2-ci maddəsində qeyd edilən səlahiyyətlərini həyata keçirsin;

4.2. nizamnaməsini, optimallaşdırma həyata keçirilməklə strukturunu, işçilərinin say həddini iki ay müddətində təsdiq etsin;

4.3. dövlət qeydiyyatına alınması üçün onun nizamnaməsi təsdiq edildikdən sonra üç gün müddətində “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanunu ilə müəyyən edilmiş qaydada Azərbaycan Respublikasının Vergilər Nazirliyinə müraciət etsin.

5. Azərbaycan Respublikasının Maliyyə Nazirliyi:

5.1. bu Fərmanın 2-ci hissəsində göstərilən məbləğdə maliyyələşməni müəyyən olunmuş qaydada təmin etsin;

5.2. “Azərbaycan Respublikasının 2019-cu il dövlət büdcəsi haqqında” Azərbaycan Respublikası Qanununun tətbiqi ilə bağlı bir sıra məsələlər barədə” Azərbaycan Respublikası Prezidentinin 2018-ci il 22 dekabr tarixli 431 nömrəli Fərmanının 1.1.3.9-cu yarımbəndi üzrə Tərəvəzçilik Elmi Tədqiqat İnstitutuna nəzərdə tutulmuş vəsaitin qalığının müvafiq olaraq bu Fərmanın 1-ci hissəsində göstərilmiş publik hüquqi şəxsin hesabına köçürülməsi ilə bağlı tədbirlər görsün və həmin publik hüquqi şəxsin saxlanılması üçün tələb olunan vəsaiti növbəti illərdə dövlət büdcəsinin layihəsində nəzərdə tutsun.

6. Azərbaycan Respublikasının Əmlak Məsələləri Dövlət Komitəsi Tərəvəzçilik Elmi Tədqiqat İnstitutunun istifadəsində olan dövlət əmlakının bu Fərmanın 1-ci hissəsində nəzərdə tutulmuş publik hüquqi şəxsin balansına verilməsi ilə bağlı tədbirlər görsün.

7. Bu Fərmanın 1-ci hissəsində nəzərdə tutulmuş publik hüquqi şəxs “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanunu ilə müəyyən edilmiş qaydada dövlət qeydiyyatına alındığı günədək Tərəvəzçilik Elmi Tədqiqat İnstitutu öz fəaliyyətini davam etdirsin.

8. Azərbaycan Respublikasının Ədliyyə Nazirliyi mərkəzi icra hakimiyyəti orqanlarının normativ hüquqi aktlarının və normativ xarakterli aktların bu Fərmana uyğunlaşdırılmasını təmin edib Azərbaycan Respublikasının Nazirlər Kabinetinə məlumat versin.

ŞƏRH YAZ
0

Heydər Əliyev Fondu aktyor Yalçın Səlimovun müalicəsini üzərinə götürüb — FOTO

Heydər Əliyev Fondu aktyor Yalçın Səlimovun müalicəsini üzərinə götürüb
18:47
Bu gün
799
Siyasət
A
Heydər Əliyev Fondu serroz xəstəliyindən əziyyət çəkən Sumqayıt Dövlət Dram Teatrının aktyoru Yalçın Səlimovun müalicəsini üzərinə götürüb.

"Ölkə.Az" xəbər verir ki, bunu "Report"a açıqlamasında teatrın mətbuat katibi Leyla Eynullayeva deyib. 

O qeyd edib ki, aktyora qaraciyər köçürüləcək.

L.Eynullayevanın sözlərinə görə, teatr rəhbərliyi mütəmadi olaraq Y.Səlimovun səhhəti ilə maraqlanır: "Hazırda müalicə davam edir. Bu məsələ Sumqayıt Şəhər İcra Hakimiyyətinin diqqət mərkəzindədir. Müayinə, müalicə zamanı bütün dərmanlar ödənişsiz təmin olunur. Hazırda donorun analizlərinin cavabı gözlənilir. Nəticələr əldə edilən kimi Heydər Əliyev Fondunun yardımı ilə aktyora Azərbaycan xəstəxanalarından birində qaraciyər köçürüləcək".

Ölkə.Az

ŞƏRH YAZ
0
BAĞLA