Heydər Əliyev Beynəlxalq Hava Limanı dünyanın ən gözəl 14 aeroportu sırasında yer alıb
Bakının Heydər Əliyev Beynəlxalq Hava Limanı dünyanın ən gözəl 14 aeroportu sırasında yer alıb.
"Ölkə.Az" aviationpros.com-a istinadla xəbər verir ki, bu, ABŞ-ın nüfuzlu “Curbed” daşınmaz əmlak bloqları şəbəkəsininin reytinqində əks olunub.
Məqalədə qeyd olunur: “Azərbaycanın paytaxtında yerləşən Heydər Əliyev Beynəlxalq Hava Limanı Türkiyənin Autoban memarlıq studiyası tərəfindən dizayn edilmiş nəhəng barama şəkilli komplekslərdən ibarətdir. Hər baramada kafelər, mağazalar və uşaq meydançaları kimi obyektlər yerləşir. Bu aeroport ildə 5 milyondan çox sərnişinə xidmət edə bilər”.
Reytinqdə yer alan digər aeroportlar Denver, Madridin Baraxas, Kansay, Pekin, Çatrapati Şivaci, Kuala-Lumpur, Mərakeşin Menara, Kutaisi, Şençjen Baoan, Pulkovo, “Kraliça Aliyə”, Çanqi və Samui hava limanlarıdır.
Ölkə.Az