"Heydər Əliyev ciddi hərbi təlimlər keçir, hamı kimi ona da güzəşt olunmur" — Ayaz Mütəllibovdan AÇIQLAMA

11:51
19.09.2018
18055
Ölkə
A
Azərbaycanın sabiq prezidenti Ayaz Mütəllibov Prezident İlham Əliyevi və Birinci vitse-prezident Mehriban Əliyevanı övladları Heydər Əliyevin and içmə mərasimi münasibətilə təbrik edib.

A.Mütəllibovun "Ölkə.Az"a göndərdiyi təbrik müraciətində deyilir:

"Prezident İlham Əliyevi və Birinci vitse-przezident Mehriban xanım Əliyevanı övladları Heydər Əliyevin and içmə mərasimi münasibətilə təbrik edirəm. Gələcək xidmətində uğurlar arzulayıram, sağ-salamat hərbi qulluğunu başa vursun, Vətənə, valideynlərinə layiqli övlad kimi yetişsin!".

Sabiq prezident qeyd edib ki, hərbi xidmət sağlamlığı, fiziki göstəriciləri uyğun gələn hər bir Azərbaycan övladının müqəddəs və şərəfli borcudur:

"Bu mövzuda heç bir vətəndaş fərqləndirilə bilməz. And içmə mərasimini mən də izlədim və qeyd etmək istəyirəm ki, bu addım ölkəmiz üçün həssas bir durumda, 20 faiz torpaqlarımızın işğal altında, ölkəmizin daim müharibə vəziyyətində olduğu bir anda, mürəkkəb beynəlxalq vəziyyətdə, ölkənin Prezidenti tərəfindən atılan tərifə layiq, ibrətamiz  və olduqca məsuliyyəttli  bir addımdır. Bunu hamıya, o cümlədən yüksək vəzifə daşıyan dövlət işçilərinə bir nümunə  olacaq hadisə kimi dəyərləndirmək lazımdır. Əsgərlik həyatı gündəlik mülki həyatdan öz sərtliyi, ciddi rejimi ilə əsaslı şəkildə fərqləndiyinə görə bu hadisəni vurğulamaq zəruridir. Həmin hərbi hissə, nizam-intizam, fiziki hazırlıq, dözüm tələb edən bir hərbi hissə olduğundan, orada xidmət etmək hər bir əsgərdən  daha yüksək keyfiyyətlər tələb edir. Bu baxımdan Heydər Əliyevin gərgin təlim keçdiyini, hərbi təlimlərə ciddi yanaşdığını müşahidə etdik. Onun hərbi duruşu, silahdan istıfadə qaydası, hərbi keçiddə səliqə ilə irəlliləməsi gərgin təlimlərin, ciddi nizam-intizamın bəhrəsidir. Hərbçilər bunu daha tez hiss edərlər. Yəni, təlimlərdə, belə desək güzəşt olunmayıb. Keçmiş Sovet İttifaqı dönəmindədə bu növ xüsusi hissələrdə xidmət, digər hərbi hissələrdə xidmətlə müqayisədə çox ağır zəhmət, dözüm, fiziki hazırlıq tələb edirdi. Hər əsgər bu cür hissələrdə xidmətə dözə bilmirdi, bacardığı qədər müxtəlif vasitələrlə digər hərbi hissələrə düşməyə çalışırdılar. Bu baxımdan da Heydər Əliyevin və valideynlərinin məhz ən çətin hərbi hissələrdən birini seçməsi alqışlanlamalıdır. Bilirsiniz, hərbi həyat gündəlik həyat deyil, yeni şərait, çətinliklər, yeni əhatə, bunlar hamısı nəzərə alınmalıdır. Övladının çətinliklərə sinə gərib üzü ağ çıxması hər bir valideyn üçün xoşbəxlikdir. Bu baxımdan prezidentlər də, birinci xanımlarda istisna deyil. Onlar da Vətənin övladıdır. İlk olaraq ata, ana, valideyndirlər. Sevinc və digər hisslər bütün insanlara aid olduğu kimi onlara da aiddir. Hesab edirəm ki, əsgər Heydər Əliyev birinci imtahandan müsbət qiymət alaraq öz valideynlərini, o cümlədən Ali Baş Komandan olan atasını  və ona belə yüksək tərbiyə verməkdə xüsusi zəhməti olan anası Mehriban xanımı sevindirdi. Bu hissləri dil ilə təsvir etmək mümkün deyil. Prezident İlham Əliyev isə bu mərasimi ikiqat həyacanla həm ata kimi, həm də Ali Baş Komandan kimi izləyirdi. Mən bir daha Heydər Əliyevə gələcək hərbi xidmətdə uğurlar və ümumiyyətlə bu gəncə gələcək həyatında böyük nailiyyətlər arzulayıram". 

Vasif Həsənli
Ölkə.Az

ŞƏRH YAZ
1

Magistraturaya qəbul olan tələbə qəribə hal ilə üzləşib — Ali məktəbdə belə ixtisas yoxdur + VİDEO

Magistraturaya qəbul olan tələbə qəribə hal ilə üzləşib
00:01
Bu gün
528
Ölkə
A
Magistraturaya qəbul olan Orxan Nərimanzadə qəribə hal ilə üzləşib. O, magistraturaya qəbul olub, hətta universitetdə qeydiyyatdan da keçib. Lakin dərs başlayanda tələbəyə bildirilib ki, bu ali təhsil müəssisəsində belə ixtisas yoxdur.

"Ölkə.Az" xezerxeber.az-a istinadən bildirir ki, belə bir hadisə Azərbyacan Dövlət Mədəniyyət və İncəsənət Universitetində yaşanıb. 22 yaşlı Orxan Nərimanzadə Rəssamlıq Akademiyasının dekorativ-tətbiqi sənət və bədii keramika fakültəsində bakalavr təhsili alıb və 2016-cı ildə oranı bitirib. Bu il isə magistraturaya imtahan verərək eyni ixtisas üzrə Mədəniyyət və İncəsənət Universitetinə qəbul olub.

Sentyabrın 17-də bütün tələblər kimi Orxan Nərimanzadə də dərslərdə iştirak etmək üçün Mədəniyyət və İncəsənət Universitetinə yollanıb. Lakin ona bildirilib ki, ali təhsil ocağında belə ixtisas yoxdur.

Orxan Nərimanzadə deyir ki, ona təklif edilən ixtisaslarla öz ixtisası arasında heç bir uyğunluq yoxdur. Bu səbəbdən də həmin dərslərdə iştirakı mümkün deyil.

Məslə ilə bağlı universitetinin mətbuat katibi Nərmin Qaralova "Xəzər Xəbər"ə bildirdi ki, 2000-ci ildən Azərbaycan Dövlət Mədəniyyət və İncəsənət Universitetində dekorativ-tətbiqi sənət və bədii keramika ixtisası tədris edilmir. Qəbul planına da ümumi ixtisas kimi salınıb və tələbə onun içərisində olan digər ixtisaslardan birini seçməlidir.

Mətbuat katibi qeyd etdi ki, qəbul planında verilsə də, həmin ixtisas tədris olunmadığını Orxan Nərimanzadə əvvəlcədən bilib.

"Təhsil alan şəxs ona uyğun ixtisasın hansı universitetlərdə tədris olunduğunu mütləq bilməlidir" -deyə Nərmin Qaralova bildirib.

Ölkə.Az

ŞƏRH YAZ
0

Sərhəddə nəqliyyat vasitələri üçün elektron növbə sistemi layihəsinin təqdimatı olub

Sərhəddə nəqliyyat vasitələri üçün elektron növbə sistemi layihəsinin təqdimatı olub
22:20
16.10.2018
1179
Ölkə
A
Bu gün Dövlət Gömrük Komitəsində (DGK) Estoniya mütəxəssisləri tərəfindən hazırlanan və bir sıra ölkələrin sərhədlərində tətbiq edilən “Nəqliyyat vasitələrinin sərhəd-buraxılış məntəqələrindən keçməsinin tənzimlənməsi məqsədilə yaradılan elektron növbə sistemi” layihəsinin təqdimatı keçirilib.

"Ölkə.Az" bilirir ki, DGK-dan report-a verilən məlumata görə, təqdimat mərasimində Komitə sədri, gömrük xidməti general-leytenantı Səfər Mehdiyev, Estoniyanın müvəqqəti işlər vəkili xanım Mariya Tasa, Estoniya-Azərbaycan Ticarət Palatasının sədri xanım Jana Kumpe və layihəni hazırlayan şirkətin nümayəndəsi Marius Kutateladze, komitə sədrinin müavinləri, baş idarə rəisləri və komitənin əməkdaşları iştirak ediblər.

Mərasimdə çıxış edən DGK sədri Səfər Mehdiyev bildirib ki, gömrük sistemində aparılan və artıq birinci mərhələsi başa çatan islahatlar çərçivəsində informasiya texnologiyalarının tətbiqi hesabına bir sıra innovasiya layihələri həyata keçirilir. Əsas hədəflərdən birinin də gömrük-sərhəd keçid məntəqələrində elektron növbə sisteminin tətbiq olunması hesabına sıxlıqların aradan qaldırılması olduğunu vurğulayan Komitə sədri bu kimi layihələrin ətraflı şəkildə öyrənilərək tətbiq edilməsinin vacibliyini vurğulayıb.

Estoniyanın müvəqqəti işlər vəkili xanım Mariya Tasa və Estoniya-Azərbaycan Ticarət Palatasının sədri xanım Jana Kumpe ölkələrimiz arasındakı iqtisadi münasibətlərin hazırkı vəziyyətindən məmnunluqla bəhs edərək gömrük sahəsindəki əməkdaşlığın da əlaqələrin daha da inkişaf etdirilməsinə şərait yaradacağını bildiriblər.

Daha sonra estoniyalı mütəxəssis Marius Kutateladze tərəfindən “Nəqliyyat vasitələrinin sərhəd-buraxılış məntəqələrindən keçməsinin tənzimlənməsi məqsədilə yaradılan elektron növbə sistemi”nin təqdimatı keçirilib və “Növbələrin idarə olunması” adlı videoçarx nümayiş olunub.

Tədbirin sonunda mövzu ilə bağlı fikir mübadiləsi aparılıb, iştirakçıları maraqlandıran suallar ətraflı cavablandırılıb.

Ölkə.Az

ŞƏRH YAZ
0
BAĞLA