Heydər Əliyev Mərkəzində "Bakı və Moskva onları sevir" fotosərgisi açılıb

Heydər Əliyev Mərkəzində
22:24
24.01.2020
2821
Mədəniyyət
A
Yanvarın 24-də Heydər Əliyev Mərkəzində "Bakı və Moskva onları sevir" adlı fotosərgi açılıb.

"Ölkə.Az"ın məlumatına görə, sərgidə Rusiyanın TASS agentliyinin və Azərbaycan Dövlət İnformasiya Agentliyinin (AZƏRTAC) fotomüxbirləri tərəfindən çəkilmiş 60-dan çox foto nümayiş etdirilir.

AZƏRTAC-ın İdarə Heyətinin sədri Aslan Aslanov və TASS informasiya agentliyinin baş direktoru Sergey Mixaylov sərginin açılışında çıxış ediblər. Qeyd olunub ki, sərgini cəsarətlə iki informasiya agentliyinin birgə yaradıcılıq işinin bəhrəsi adlandırmaq olar.

Açılışı bildirən rəmzi lent kəsildikdən sonra iştirakçılar sərgi ilə tanış olublar.

Sərgidə nümayiş olunan fotolarda ölkələrimizin liderləri, tanınmış siyasətçilər, ictimai xadimlər, elm adamları, aktyorlar, musiqiçilər və idmançılar əks olunub. Ekspozisiyada Azərbaycan xalqının ümummilli lideri, Rusiya-Azərbaycan münasibətlərini tamamilə yeni məzmunla zənginləşdirmiş Heydər Əliyevin, öz səyləri ilə ölkələrimiz arasında əlaqələri strateji tərəfdaşlıq səviyyəsinə yüksəldən və gündən-günə möhkəmləndirən Azərbaycan Prezidenti İlham Əliyevin və Rusiya Prezidenti Vladimir Putinin fotoları var.

Bəstəkarlar Qara Qarayev və Fikrət Əmirov, SSRİ Xalq rəssamı Tahir Salahov, SSRİ Xalq artisti Müslüm Maqomayev, Xalq artisti Polad Bülbüloğlu, görkəmli neftçi Fərman Salmanov da bu fotoların qəhrəmanlarıdır.

ŞƏRH YAZ
0

Xalq artisti Rübabə Muradovanın xatirəsi anılacaq

Xalq artisti Rübabə Muradovanın xatirəsi anılacaq
20:00
20.02.2020
1096
Mədəniyyət
A
Beynəlxalq Muğam Mərkəzinin “Unudulmayanlar” layihəsi davam edir.

"Ölkə.Az" xəbər verir ki, layihə çərçivəsində fevralın 21-də Xalq artisti, unudulmaz xanəndə Rübabə Muradovanın xatirəsi anılacaq.

Heydər Əliyev Fondu tərəfindən Beynəlxalq Muğam Mərkəzinin muzey hissəsində Azərbaycan muğam sənətinin inkişafındakı xidmətlərinə görə büstü ucaldılan 30 muğam korifeyinin yaradıcılığına həsr edilən layihənin silsilə buraxılışları ictimaiyyət tərəfindən böyük maraqla qarşılanır. Rübabə Muradovanın büstü də Heydər Əliyev Fondu tərəfindən ucaldılan 30 büst sırasındadır.

Qeyd edək ki, Rübabə Muradova uzun illər Opera və Balet Teatrının solisti kimi fəaliyyət göstərib, bu işdə yorulmadan çalışaraq bir-birindən gözəl obrazlar yaradıb. Burada çalışdığı müddətdə teatrın səhnəsində Leyli, Əsli, Xanəndə qız (Üzeyir Hacıbəylinin “Leyli və Məcnun”, “Əsli və Kərəm”, “Koroğlu” operaları), Ərəbzəngi (Müslüm Maqomayevin “Şah İsmayıl” operası), Şahsənəm (Zülfü Hacıbəylinin “Aşıq Qərib" operası), Sənəm (Şəfiqə Axundovanın “Gəlin qayası” operası) kimi yaddaqalan obrazlar yaradıb və dinləyici auditoriyasında böyük uğur qazanıb.

ŞƏRH YAZ
0

Hacıbaba Hüseynovun bu bacarığını bilirdinizmi? — QADINLARDAN YAXŞI BACARIRMIŞ

Hacıbaba Hüseynovun bu bacarığını bilirdinizmi?
12:26
20.02.2020
2948
Mədəniyyət
A
“Bayramda şəkərbura bəzəyəndə, evimizdəki qadınlar yarışa girirdilər. Ancaq buna baxmayaraq ən gözəl naxışı bir əmim, bir də mən vururdum”

“Ölkə.Az” xəbər verir ki, bu sözləri Xalq artisti, xanəndə Hacıbaba Hüseynov haqqında danışarkən onun qardaşı oğlu, müğənni Hüseyn Bakılı deyib.

“Əmim çox gözəl şəkərbura naxışı vurardı, onun üçün xüsusi maqqaşı var idi. Onun vurduğu naxışları heç bir qadın edə bilməzdi”,- deyə Hüseyn Bakılı bildirib.

Qeyd edək ki, mahir muğam ifaçısı Hacıbaba Hüseynov 1993-cü ildə 71 yaşında vəfat edib.

Vüsalə Balayeva

Ölkə.Az

ŞƏRH YAZ
0
BAĞLA