“Heydər Əliyev ölkəni vətəndaş müharibəsi və parçalanma təhlükəsindən xilas etdi” — Millət vəkili

“Heydər Əliyev ölkəni vətəndaş müharibəsi və parçalanma təhlükəsindən xilas etdi”
15:40
12.06.2019
1070
Siyasət
A
15 İyun-Milli Qurtuluş günü Azərbaycan tarixinə dövlətimizin parçalanmadan, federallaşmadan qoruyaraq, müstəqilliyinin dönməzliyini təmin etmək baxımından ən böyük tarixi nailiyyət kimi düşüb.

Bunu “Ölkə.Az”a açıqlamasında millət vəkili Kamran Bayramov 15 iyun 1993-cü ilə hadisələrinin tarixi əhəmiyyəti barədə  mövqeyini şərh edərkən bildirib.

Onun sözlərinə görə, xalqın təkidli tələbi ilə ikinci dəfə hakimiyyətə qayıdan Ulu Öndər Heydər Əliyev böyük risklərə baxmayaraq, xalqın qurtuluşu missiyasını cəsarətlə öz üzərinə götürdü. 

“Dövlət müstəqilliyini elan etmək nə qədər çətindirsə,  müstəqilliyi qoruyub saxlamaq, dövlətin hərtərəfli inkişafına nail olmaq, sabitliyi bərqərar edib, insanların rifah halının yaxşılaşdırılmasına nail olmaq isə ondan qat-qat çətindir.  Ulu Öndər Heydər Əliyev bax bu ağır və çətin məsuliyyəti öz üzərinə götürərək yerinə yetirən lider oldu.  O dövrdə yalnız  zəngin dövlətçilik təcrübəsində malik, uzaqgörən və müdrik siyasətçi  Heydər Əliyev Azərbaycanı üzləşdiyi çıxılmaz və mürəkkəb şəraitdən çıxara bilərdi və o, bu missiyanı uğurla bacardı.  Tarix Ulu Öndərin üzərinə taleyüklü iki missiya qoymuşdu: xilaskarlıq və quruculuq missiyası. H.Əliyev müdrik, qətiyyətli siyasi lider və bənzərsiz dövlət xadimi olaraq, hər iki missiyanın öhdəsindən heyrətamiz məharətlə gəldi. Azərbaycanı dərin böhrandan, xaos və anarxiyadan, vətəndaş müharibəsi, separatizm və müstəqilliyi itirmək kimi dəhşətli təhlükələrdən xilas etdi. Həmin dövrü görənlər, yaşayanlar bunun nəyin bahasına başa gəldiyini yaxşı xatırlayırlar”,- deyə deputat qeyd edib.

Millət vəkili bildirib ki, Ulu Öndər eyni vaxtda iki cəbhədə mübarizə aparırdı: “ Bir tərəfdən keçmişin ağır mirası ilə çarpışır, digər tərəfdən keçilməmiş yolla gedərək milli dövlətçiliyin, milli iqtisadiyyatın əsaslarını yaradırdı. Azərbaycan yolayrıcında idi, hər şeyi yenidən başlamaq lazım gəlirdi. H.Əliyev dühası yollardan ən düzünü seçməyə, dağılmış binanı səbirlə, kərpic-kərpic yenidən ucaltmağa imkan verdi. Ölkə həyatının bütün sahələrini əhatə edən köklü islahatlar strategiyası işlənib hazırlandı və bunun sayəsində Azərbaycan dərin tənəzzüldən rəvan inkişaf yoluna çıxdı. Bununla da ölkədə uzun illər davam edən gərginlik və qarşıdurma səngidi, respublikamız vətəndaş müharibəsindən və parçalanma təhlükəsindən xilas oldu. Beləliklə, bu mühüm tarixi gün xalqımızın yaddaşına Milli Qurtuluş Günü kimi həkk olundu. Bu baxımdan 15 İyun hələ gələcəkdə daha dərindən öyrəniləcək və onun tarixi qiyməti veriləcək”. 

K.Bayramov əlavə edib ki, milli qurtuluş ideologiyasının təntənəsi müstəqil respublikamızın davamlı inkişafında özünü biruzə verir, regionda və dünyada Azərbaycanın nüfuzu daha da artır.

Deputat bildirib ki, Ulu Öndər  hələ Milli Məclisin 1993-cü il iyunun 15-də keçirilən iclasındakı çıxışında Azərbaycan dövlətçiliyinin gələcək inkişaf strategiyasını elan etdi və sonrakı illərdə onu həyata keçirdi:

“Qısa zaman keçdi o dövr üçün Azərbaycanın qarşısında xəyal  kimi  görünən planlar reallığa çevrildi. Əgər müstəqilliyi qazanmaq ilkin şərt idisə, ikinci vacib məsələ onu qoruyub inkişaf etdirmək idi və bu, Ümummilli Liderin iradəsi sayəsində reallığa çevrildi. Heydər Əliyev milli dövlətçiliyimizin konsepsiyasını yaratdı. Bütün maneələrə baxmayaraq ən qısa müddətdə ölkədə ictimai-siyasi sabitlik bərpa olundu. Bu sahədə yürüdülən siyasət respublikanı informasiya blokadasından çıxardı. Dünyada ölkəmizlə bağlı formalaşan fikir müsbət yönümdə dəyişdi. Məhz belə bir mürəkkəb siyasi şəraitdə Heydər Əliyevin böyük potensialı Azərbaycanın müstəqilliyinin qarantına çevrildi. Ümummilli Liderin şəxsiyyəti, onun özünəməxsus siyasi idarəetmə qabiliyyəti, xarizması, qətiyyəti, uzaqgörənliyi böhrana son qoydu, xalqımız Azərbaycan və azərbaycançılıq ideyaları ətrafında birləşdi. Ümummilli Liderin müdrikliyi və qətiyyəti sayəsində Azərbaycanda vətəndaş qarşıdurmasına birdəfəlik son qoyuldu, ölkəmiz xaosdan, siyasi çəkişmələrdən, sosial-iqtisadi böhrandan xilas oldu. Azərbaycan müstəqil, demokratik, hüquqi və dünyəvi dövlət kimi inkişaf etməyə başladı. Respublikanın qarşısında duran problemlər mərhələlərlə həll olundu, əmin-amanlıq, siyasi sabitlik yarandı. İctimai-siyasi, sosial-iqtisadi, elmi və mədəni həyatda əsaslı dönüş başlandı, xalqımızın bütövlüyü, həmrəyliyi, milli birliyi təmin edildi, Azərbaycanın dünya birliyinə inteqrasiyası başlandı”. 

K.Bayramov bildirib ki, Ulu Öndər Azərbaycanın hərtərəfli inkişafına nail olmaq üçün neft faktorundan faydalanaraq, qeyri-neft sekrotunun inkişafına nail olmaq üçün  torpaq, dövlət mülkiyyətinin  özəlləşdirilməsi sahəsində  genişmiqyaslı islahatlara başladı. Və bu islahatlar getdikcə daha da dərinləşdi və digər sahələri əhatə etdi. Növbəti mərhələdə respublikanın sosial-iqtisadi vəziyyətinin yaxşılaşdırılması, yoxsulluğun azaldılması, vətəndaşların sosial problemlərin həlli, təhsil, elm,  səhiyyə və digər sahələrin inkişafı ilə bağlı konkret Dövlət Proqramları hazırlanaraq həyata keçirilməyə başlandı. Respublikanın bütün həyatını əhatə edən islahatlar və proqramların icrası nəticəsində bu gün Azərbaycan öz dinamik inkişafındadır, sabitlik hökm sürür və ölkəmiz dünyanın ən nüfuzlu ölkələrindən birinə çevrilib. Ona görə də təsadüfən deyilmir ki,  bu günkü Azərbaycan Heydər Əliyev ŞAH ƏSƏRİDİR”.

Millət vəkili onu da bildirib ki, bu gün Azərbaycan əmin əllərdədir və bünövrəsi Ulu Öndər tərəfindən qoyulan siyasət, onun irsinin layiqli davamçısı Prezident İlham Əliyev tərəfindən uğurla həyata keçirilir: 

“Uğurlu inkişaf yolunu keçən Azərbaycan 2003-cü ildə İlham Əliyevin respublikaya rəhbərlik etməsi ilə yeni inkişaf mərhələsinə qədəm qoyub və ölkəmiz hər il yeni-yeni uğurlara imza atıb. Azərbaycanın keçdiyi uğurlu  hərtərəfli inkişaf yolu beynəlxalq bilrik tərəfindən də qeyd olunur və təqdir edilir. Bu gün Azərbaycan Prezident İlham Əliyevin simasında dünya ölkələrinin ən etibarlı tərəfdaşı simasını qazanıb. Bu gün Azərbaycan yerləşdiyi əhəmiyyətli coğrafi məkandan faydalanaraq  qitərlərarası, regional əməkdaşlığın bir mərkəzinə çevrilib.   Bu ancaq Azərbaycan Prezidenti və Ulu Öndərin layiqli davamçısı, İlham Əliyevin yürütdüyü milli maraqlara xidmət edən uzaqgörən, düşünülümüş  siyasəti nəticəsində mümkün olub. Milli Maraqlara xidmət edən bu siyasət eyni zamanda Azərbaycanın beynəlxalq nüfuzunun möhkəmlənməsinə xidmət edir.Əminəm ki, Azərbaycanın qarşısında duran problemlər həllini tapacaq və xalq sosial rifah halında yaşayacaq”.

Deputat digər bir məqamı da qeyd edib ki, Prezident İlham Əliyevin düşünülmüş siyasəti nəticəsində işğalçı Ermənistan təcrid vəziyyətinə salınaraq küncə sıxışdırılaraq, əhəmiyyətsiz bir ölkəyə çevrilib: 

“Məhz bu təcrid siyasətinin nəticəsidir ki, Ermənistan uzun illərdidr iqtisadi, sosial və siyasi böhranlar məngənəsində boğulur. Bu  təcrid siyasətinin nəticəsində  Ermənistanda təkcə hakimiyyət böhranı deyil, dövlətçilik böhraı yaşanır. Bunun da kökündə Ermənistanın işğalçılıq siyasəti dayanır. Əgər Ermənistan işğlaçılıq siyasətindən əl çəksəydi, o zaman regionda reallaşan transmilli layihələrələ qoşulmaqla öz iqtisadiyyatını inkişaf etdirib, xalıqnın sosial problemlərini həll edər və bununla da siyasi sabitliyi bərqərar edərdi. Ancaq Azərbaycanın İrəvanın işğalçılıq siyasətinə adekvat olaraq  təcrid siyasətini tətbiq etməsi nəticəsində Ermənistan iqtisadi cəhətdən dünyanın cəlbedici ölkəsi ola bilmədi. Hətta bu gün Ermənistana havadarlıq  və ya müttəfiqlik  edən ölkələr, hətta xaricdə yaşayan imkanlı ermənilər   ora investisiya qoymur. Hətta son dövrlərdə Ermənistan investisiya qoyan ermənilər, öz sərmayələrini bu ölkədən çıxarmağa başlayıblar. Azərbaycan və digər qoşunlar isə inkişaf yolundadır. Ermənilər bunu nə qədər tez anlasalar, ilk olaraq onların özü üçün yaxşı olar. Hələ imkanlar tam tükənməyib. Ermənistanın regionda rellaşan layihələrdən öz xalqının mənafeyi üçün faydalana  bilər. Əks halda bunu hələ çox acısını çəkməli olacaq”.

Mürtəza
Ölkə.Az

ŞƏRH YAZ
0

Leyla Əliyevanın təşəbbüsü ilə daha bir həyət abadlaşdırıldı — FOTO

Leyla Əliyevanın təşəbbüsü ilə daha bir həyət abadlaşdırıldı
22:33
18.09.2019
1293
Siyasət
A
Sentyabrın 18-də IDEA İctimai Birliyinin təmirə ehtiyacı olan həyətlərin abadlaşdırılmasına yönəlmiş “Bizim həyət” layihəsi çərçivəsində yenilənən növbəti həyət sakinlərin istifadəsinə verilib.

"Ölkə.Az" Azərtaca istinadən bildirir ki, Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva həyətin açılışında, o cümlədən tədbir zamanı keçirilmiş kütləvi ağacəkmədə iştirak edib.

Ümumi sahəsi 12000 kvadratmetr olan həyət Xətai rayonu, Lütfi Zadə 10, M.Rüstəmov 21, Sarayevo 19 ünvanlarında 2500 nəfər sakinin yaşadığı beş 9 mərtəbəli və iki 16 mərtəbəli binaları əhatə edir.

“Bizim həyət” layihəsinin əsas məqsədi Bakı həyətlərinin ekoloji cəhətdən təmiz və abad edilməsi, şəhər ekologiyasının sütununu təşkil edən yaşıllıqların bərpası, sağlam həyat tərzinin formalaşdırılması, sakinlər üçün təhlükəsiz və rahat yaşam şəraitinin yaradılmasıdır.

Abadlaşdırılan növbəti həyətdə əlil və sağlamlıq imkanları məhdud olan insanların rahat hərəkəti də nəzərə alınıb, bütün yaş qrupları üzrə uşaqların inkişafı üçün əlverişli şəraitin yaradılması, gənclərin asudə vaxtlarını səmərəli keçirmələri və onlarda sistematik idmanla məşğulolma refleksinin yaradılması məqsədilə süni örtüklü mini futbol meydançası, şahmat meydançası, müxtəlif idman qurğuları və uşaqlar üçün oyun meydançası salınıb.

Eyni zamanda, ərazidə velosiped yolu, 10 söhbətgah inşa edilib, çoxsaylı oturacaqlar, tullantılar üçün qutular quraşdırılıb, həyətdəki xeyir-şər evi əsaslı təmir olunub və bütün avadanlıqlarla təmin edilib.

Sakinlərin istək və maraqları nəzərə alınaraq, həyətdə yeni işıqlandırma dirəkləri quraşdırılıb, binaların fasadları, dam örtükləri və giriş hissələri tam təmir olunub, bloklara yeni dəmir qapılar və plastik pəncərələr quraşdırılıb. Həyətin ərazisindəki mövcud yaşıllıqların bərpası ilə yanaşı, əlavə olaraq 100 ədəd ağac, gül kolları əkilib və 4500 kvadratmetr ərazidə yaşıllıq zolağı salınıb.

Xətai rayonunda sakinlərin istifadəsinə verilmiş həyət layihə çərçivəsində abadlaşdırılan otuzuncu həyətdir.

Sözügedən layihənin Bakının bütün rayonlarında həyata keçirilməsi nəzərdə tutulur. Bununla əlaqədar, paytaxtımızın abadlaşdırılmaya ehtiyacı olan həyətləri haqqında məlumat və tövsiyələrin IDEA İctimai Birliyinə təqdim edilməsi xahiş olunur.

ŞƏRH YAZ
0

İlham Əliyev sərəncam imzaladı — 10 milyon MANAT AYRILDI

İlham Əliyev sərəncam imzaladı
18:21
18.09.2019
2233
Siyasət
A
Prezident İlham Əliyev Bakı şəhərində çoxmənzilli binaların dam örtüklərinin təmiri ilə bağlı tədbirlər haqqında sərəncam imzalayıb.

"Ölkə.Az"-ın xəbərinə görə, Bakı şəhərində 380 çoxmənzilli binanın dam örtüyünün təmiri məqsədilə Azərbaycan Respublikasının 2019-cu il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Bakı Şəhər İcra Hakimiyyətinə 10,0 (on) milyon manat ayrılsın.

Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etmək tapşırılıb.

Ölkə.Az

ŞƏRH YAZ
0
BAĞLA