Heydər Əliyev prospektində sürət həddi əvvəlki səviyyəyə qaytarılıb

"Ölkə.Az" xəbər verir ki, bu barədə "APA-Economics"ə Bakı Nəqliyyat Agentliyinin mətbuat katibi Mais Ağayev bildirib.

"Bu səhər Heydər Əliyev prospektində baş verən yol-nəqliyyat hadisəsindən sonra zolaqlardan birində sürət həddi 90 km/saatdan 60 km/saata endirilmişdi. Hazırda isə sürət həddi əvvəlki səviyyəyə, yəni 90 km/saata qaytarılıb", - deyə o qeyd edib.

***

Bü gün səhər saatlarında Heydər Əliyev prospektində iki minik avtomobilinin toqquşması nəticəsində tıxac yaranıb.

"Ölkə.Az" APA-ya istinadən xəbər verir ki, qəza nəticəsində hər iki avtomobilə ziyan dəyib. Xəsarət alanların olub-olmadığı hələlik məlum deyil.

Hadisə ilə əlaqədar prospektin metronun "Koroğlu" stansiyasından paytaxtın mərkəzi istiqamətində əsas və köməkçi yolunda tıxac yaranıb.
 
Bakı Nəqliyyat Agentliyindən bildirilib ki, hadisə baş verən andan etibarən nəqliyyat vasitələrinin təhlükəsiz hərəkətini təmin etmək məqsədi ilə hər iki yolda sürət həddi 60 km/saata endirilib.