"Heydər Əliyev: Şəxsiyyət, Missiya, Miras" sərgisi açılacaq

00:02
08.05.2018
1505
Mədəniyyət
A
Mayın 10-da Bakıda, Heydər Əliyev Mərkəzində "Heydər Əliyev: Şəxsiyyət, Missiya, Miras" Rusiya-Azərbaycan tarixi-sənədli sərgisi açılacaq.

"Ölkə.Az" xəbər verir ki, bu barədə Rusiya Federasiyasının Azərbaycandakı səfirliyindən bildirilib.

Sərgi müasir Rusiyaya və Azərbaycana tarixən bağlı olan şəxsiyyət, ölkələrimiz arasında möhkəm və etibarlı münasibətlər körpüsü qurmuş ümummilli lider Heydər Əliyevin anadan olmasının 95 illiyinə həsr edilib.

Sərgidə Rusiya və Azərbaycan tarixçiləri və arxivçiləri tərəfindən Heydər Əliyevin həyat və fəaliyyəti barədə, onun şəxsiyyətini daha dərin miqyasda və hərtərəfli əks etdirən materiallar nümayiş etdiriləcək.

Sərgidə nümayiş etdiriləcək ekspozisiyalar üzərində Rusiya Federasiyası Prezidentinin Arxivi, bu ölkənin Mədəniyyət Nazirliyi, Dövlət Arxivi, habelə Rusiyanın digər dövlət orqanlarının mütəxəssisləri işləyiblər.

Tədbir Azərbaycan və Rusiya Prezidentləri Administrasiyalarının dəstəyi ilə keçiriləcək. Təntənəli açılış saat 11:00-da Heydər Əliyev Mərkəzində baş tutacaq. Tədbirdə Rusiya Federasiyası Prezidenti Administrasiyasının, Xarici İşlər Nazirliyinin, ölkənin aparıcı ali təhsil ocaqlarının və s. nümayəndələri iştirak edəcək. 

Ölkə.Az

ŞƏRH YAZ
0

Xalq artisti adı alan Muraddan prezidentə — TƏŞƏKKÜR

Xalq artisti adı alan Muraddan prezidentə
21:25
Bu gün
49
Mədəniyyət
A
Bu gün prezident İlham Əliyevin sərəncamı ilə “Xalq artisti” fəxri adına layiq görülən Murad Dadaşov ölkə başçısına təşəkkür edib.

“Ölkə.Az” xəbər verir ki, prezidentin mədəniyyət xadimlərini hər zaman diqqətdə saxladığını deyib: “Cənab Prezidentimiz İlham Əliyev hər zaman mədəniyyət sahəsində çalışan insanları, incəsənət aləminin nümayəndələrini xüsusi diqqətdə saxlayıb. O, Ulu Öndərimiz Heydər Əliyevin yolunu davam etdirərək, daim ölkəmizin hər sahəsinin olduğu kimi, mədəniyyət sahəsinin də inkişaf və tərəqqiyə doğru irəliləməsi üçün əlindən gələni edib və edir. Məni və əziz həmkarlarımızı, dəyərli sənətkarlarımızı fəxri adlara layiq bildiyi üçün bu gün inanılmaz qürur hissi keçirir və əziz Prezidentimiz İlham Əliyevə sonsuz təşəkkürlərimi bildirirəm. Prezidentimizin mənə göstərdiyi bu etimad, dövlət tərəfindən mənə layiq görülən bu yüksək fəxri ad mənə həvalə olunan böyük məsuliyyət hissi deməkdir. Bu ada layiq ola bilmək üçün mən bundan sonra qarşıma daha böyük məqsədlər qoyacağam və gördüyüm hər bir işdə, ərsəyə gətirdiyim bütün layihə və işlərdə Azərbaycanın adını daha da yüksəklərə daşımaq və ölkəmizin uğurlarını daha da artırmaq üçün əlimdən gələni əsirgəməyəcəyəm. Var olsun cənab Prezident! Var olsun birinci xanım Mehriban Əliyeva! Var olsun Azərbaycan xalqı! Həmkarlarıma görə də ikiqat sevinc içində olduğumu bildirir və hamını təbrik edirəm!”

 

Ölkə.Az

ŞƏRH YAZ
0

Prezident deputatın qızına da fəxri ad verdi

Prezident deputatın qızına da fəxri ad verdi
15:10
Bu gün
1866
Mədəniyyət
A
Prezident İlham Əliyev tanınmış bəstəkar Aygün Səmədzadə haqqında sərəncam imzalayıb.

"Ölkə.Az" xəbər verir ki, dövlət başçısının imzaladığı “Azərbaycan Respublikasının mədəniyyət xadimlərinə fəxri adların verilməsi haqqında” sərəncama əsasən, Aygün Səmədzadə “Xalq artisti” fəxri adına layiq görülüb.

Qeyd edək ki, Aygün Səmədzadə Milli Məclisin deputatı Ziyad Səmədzadənin qızıdır.

Ölkə.Az

ŞƏRH YAZ
0
BAĞLA