"Heydər Əliyev Xeyransa Məmmədovanı dinləyəndən sonra həmin qərarı vermişdi"

 "Ölkə.Az"ın məlumatına görə, Haşımova Heydər Əliyevin konsertlərdən birində mərhum müğənni Xeyransa Məmmədovanın ifasından sonra belə bir qərar verdiyini diqqətə çatdırıb:

"1980-ci il idi. Ulu Öndər Xeyransa Məmmədovanın ifasını dinlədikdən sonra belə bir qərar verdi. Niyazi, Şövkət Ələkbərova kimi böyük sənətkarların iştirakı ilə bölgələrdən istedadlı uşaqlar seçilib, Bakıya gətirildi. Ondan sonra Bülbül adına Musiqi Məktəbində muğam bölməsi yaradıldı və bu müsabiqə 1987-ci ilədək keçirildi. Həmin müsabiqədən Zakir Əliyev,  Nuriyyə Hüseynova, Gülüstan Əliyeva, Könül Xasıyeva, Könül Kərimova, Bəturə Hüseynova,  Elçin Cəlilov kimi istedadlar üzə çıxdı və Bülbül adına Musiqi Məktəbində təhsil aldı. O vaxta qədər həmin məktəbdə ancaq elitar təbəqə, paytaxt uşaqları təhsil alırdılar".

Qeyd edək ki, bu gün Heydər Əliyevin anadan olmasının 95 ili tamam olur.

İntiqam VALEHOĞLU   
Ölkə.Az