Hikmət Hacıyevə yüksək vəzifə verildi
Məlumatı XİN-dən "Ölkə.Az"a təsdiqləyiblər.
Bildirilib ki, nazirliyin sözçüsü vəzifəsinə hələlik yeni təyinat olmayıb.
Azərbaycan XİN-in mətbuat xidmətinin rəhbəri vəzifəsini kimin icra edəcəyi isə yaxın günlərdə müəyyənləşəcək.
H.Hacıyev Prezident Administrasiyasının Xarici siyasət məsələləri şöbəsinin müdir müavini təyin edilib. O, bu gündən yeni vəzifəsinin icrasına başlayıb.
Qeyd edək ki, H.Hacıyev 2014-cü ildən XİN-in mətbuat xidmətinin rəhbəri vəzifəsini tuturdu.
Xatırladaq ki, H.Hacıyevin yeni təyinatı barədə ilk məlumatı "haqqin.az" saytı yayıb.
***
Azərbaycan XİN-in mətbuat xidmətinin rəhbəri Hikmət Hacıyev Prezident Administrasiyasının xarici əlaqələr şöbəsinin rəhbərinin müavini vəzifəsinə təyin olunub.
"Ölkə.Az" Virtualaz.org-a istinadən xəbəbr verir ki, prezident Administrasiyasının xarici əlaqələr şöbəsinin rəhbəri vəzifəsi Novruz Məmmədovun baş nazir təyin olunmasından sonra boş qalır. Bu baxımdan Hikmət Hacıyev faktiki olaraq şöbə rəhbərinin səlahiyyətlərini icra edəcək.
H.Hacıyev 1979-cu ildə Gəncədə anadan olub. BDU-nun beynəlxalq münasibətlər fakültəsinin məzunudur, habelə Belçikanın ULB universitetində təhsil alıb. 2000-ci ildən XİN-də işləyir. 2014-cü ildə nazirliyin mətbuat xidmətinin rəhbəri təyin olunub.