Hindistanda avtomobil qəzası
Hindistanın qərbindəki Qucarat ştatında minik avtomobili ilə yük maşını toqquşub.
“Ölkə.Az” xəbər verir ki, insident nəticəsində ən azı 8 nəfər həlak olub.
Yerli polisin məlumatında deyilir:
“Bir ailənin 9 üzvünü aparan maşın yük maşını ilə toqquşub. Toqquşmadan sonra avtomobil alovlanıb. Sağ qalan yeganə şəxs xəstəxanaya aparılıb”.
Qeyd edilir ki, ölənlərdən 6-ı kişi, 2-si isə qadındır. Qəzanın səbəbləri məlum deyil. İstintaq aparılır.
Hikmət Həsənov
Ölkə.Az
