Hindistanda dəhşət — Borcunu ödəməyən şəxsin 2 yaşlı qızını qaçırıb gözünü oydular

Hindistanda dəhşət
10:15
13.06.2019
1201
Ölkə
A
Hindistanın Aliqarh şəhərində dəhşətli hadisə baş verib.

“Ölkə.Az” xəbər verir ki, bir nəfər borcunu ödəmədiyi üçün borc sahibləri onun 2 yaşlı qızını qaçırıblar. Sonra isə körpəni öldürüb gözlərini oyublar.

Uşaq itkin düşdükdən 2 gün sonra evlərinin yanındakı bir zibillikdə küçə itləri tərəfindən parçalanmış meyiti tapılıb. Qızın meyiti tapıldıqdan sonra polis iki nəfəri dindirib. Saxlanılanlar borca görə bu üsula əl atdıqlarını bildiriblər. Cinayəti törədənlər və onlara kömək edənlər həbs edilib.

Qızın öldürülmədən əvvəl zorlanması barədə söz-söhbətlər şəhərdə gərginliyə səbəb olub. Polis isə zorlama izinə rastlamadığını açıqlayıb.

Ölkə.Az

ŞƏRH YAZ
0

Ağsuda örüş sahəsi satın alındı, mal-qara otlaq üzünə həsrət qaldı — VİDEO

Ağsuda örüş sahəsi satın alındı, mal-qara otlaq üzünə həsrət qaldı
20:21
Bu gün
562
Ölkə
A
Ağsunun Qaraməmmədli kəndinin sakinlərinin mal-qarası otlaq üzünə həsrət qalıb.

“Ölkə.Az” oxu.az-a istinadən xəbər verir ki, əvvəlcədən də mövcud örüş sahələri olmadığından, kənd sakinləri qonşu kəndin örüş sahəsindən istifadə edirmiş.

Artıq ötən gündən etibarən həmin ərazilər də onların əlindən alınıb. Örüş sahəsinə mal-qaranın girişi qadağan olunduğundan kəndlilər çarəsiz qalıb. Bir müddətdir ki, kəndlilər heyvanlarını evdə qapalı şəraitdə saxlamaq məcburiyyətində qalıb. Bu səbəbdən heyvanlara qış aylarında yemlənməsi üçün nəzərdə tutulan ehtiyat saman və quru ot verilir.

İllərdir ki, örüş sahəsi kimi istifadə olunan 30 ha ərazi hazırda satın alınıb. Kənd sakinlərinin iddiasına görə, yerin yeni sahibi onların əraziyə girməsinə icazə vermir.

Hazırda kənd sakinləri yeni örüş sahəsinin ayrılmasını istəyirlər.

Ağsu Şəhər Bələdiyyəsindən verilən məlumata görə, kəndlilər üçün yeni örüş sahəsinin ayrılması üçün bir neçə sahibkar müraciət edib. Məslənin həlli yönündə işlər aparılır.

Ölkə.Az

ŞƏRH YAZ
0

Bakıda yol qəzalarının yeni görüntüləri — VİDEO

Bakıda yol qəzalarının yeni görüntüləri
19:45
Bu gün
1120
Ölkə
A
Bakıda baş vermiş avtomobil qəzalarının yeni görüntüsü yayılıb.

"Ölkə.Az" Avtosfer.az-a istinadən  xəbər verir ki, videoda əksini tapan ilk qəza M.Ə.Rəsulzadə qəsəbəsində baş verib.

Binəqədi rayonunda, “Vorovski dairəsi” kimi tanınan ərazidə dairəyə girən “Lada Priora” markalı avtomobilin sürücüsü işıqforun yaşıl işığı yandığı halda sağdan gələn nəqliyyat vasitəsini buraxmır. Bu zaman öz yolu ilə gələn avtomobil ona çırpılır.

İkinci video isə hər zaman qəzaların baş verdiyi nöqtədir. Koroğlu Rəhimov küçəsi ilə Həsən Əliyev küçəsinin kəsişməsində iki avtomobil toqquşur. Koroğlu Rəhimov istiqamətindən gələn avtomobil əks tərəfdən gələn avtomobili buraxmır və Həsən Əliyev küçəsinə dönmək istəyir. Bu zaman qəza baş verir.

Hər iki halda sürücülər yolayrıcını keçmə qaydasını pozur. 

Ölkə.Az

ŞƏRH YAZ
0
BAĞLA