Hindistanda dəhşətli cinayət — Sevdiyi qadını canlı-canlı yandırdı

Hindistanda dəhşətli cinayət
16:35
26.09.2017
201
Dünya
A
Hindistanın şimali-qərbindəki Racastan vilayətində dəhşətli cinayət törədilib.

"Ölkə.Az" xəbər verir ki, sevgisinə cavab ala bilməyən Ravi evlilik təklifini qəbul etməyən Simanın üstünə benzin tökərək qızı yandırıb.

23 yaşlı gəncin yandırdığı Sima ağır şəkildə yaralanıb. Qorxulu hadisə qızın ailəsinin evdə olmadığı vaxt baş verib.

Ravinin evlilik təklifini qəbul etməyən qız onunla görüşmək istəmədiyini də bildirib. Bundan əsəbləşən Ravi atası ilə birlikdə dəhşətli plan qurub. Gənc qızı izləyən ata və oğul valideynləri evdə olmayan vaxt Simanın yaşadığı evə gəliblər. Ravi özü ilə gətirdiyi benzini qızın üstünə töküb və kibriti çaxıb.

Qızın fəryadına qardaşı yetişib. O, bacısının yanan paltarlarını söndürməyə çalışıb. Hadisə yerinə cəlb edilən təcili tibbi yardım Simanı xəstəxanaya yerləşdirib. Simanın bədəninin 75 faizi yanıb. Həkimlərin səyinə baxmayaraq, onu xilas etmək mümkün olmayıb.

Gənc qızın atası Kuber Yadav Ravi və atasını canlı-canlı yandırmaq istədiyini bildirib.

Hikmət Həsənov
Ölkə.Az

ŞƏRH YAZ
0

Bu gün Türkiyədə prezident və parlament seçkiləri keçirilir

Bu gün Türkiyədə prezident və parlament seçkiləri keçirilir
09:00
Bu gün
260
Dünya
A
Bu gün Türkiyədə növbədənkənar prezident və parlament seçkiləri keçiriləcək.

"Ölkə.Az" xəbər verir ki, prezident seçkilərində ölkənin hazırkı dövlət başçısı Rəcəb Tayyib Ərdoğan, Cümhuriyyət Xalq Partiyasının namizədi Məhərrəm İncə, Vətən Partiyasından Doğu Perincək, Səadət Partiyasından namizəd Təməl Karamollaoğlu və digər siyasi partiyaların nümayəndələri seçkilərdə qalib gəlmək uğrunda mübarizə aparacaqlar.

Ərdoğanın namizədliyini sədri olduğu hakim Ədalət və İnkişaf Partiyası (AKP), Milliyətçi Hərəkat Partiyası (MHP), Böyük Birlik Partiyası (BBP) və Hüda-Par dəstəkləyir. 

MHP, CHP, İyi Partiya, Səadət Partiyası, BBP, hakim Ədalət və İnkişaf Partiyası, Xalqların Demokratik Partiyası, Demokratik Partiya və digər siyasi partiyalar parlament seçkilərində mübarizə aparacaqlar.

AKP və MHP parlament seçkilərinə birgə blokda – “Cümhur ittifaqın”da qatılacaq. BBP namizədləri isə “Cümhur ittifaqın”da AKP namizədləri qismində yer alıb. CHP, İyi Partiya, Səadət Partiyası və Demokratik Partiya isə parlament seçkilərinə “Millət ittifaqı”nda qatılır.

Seçkilərdə 56 milyon 322 min 632 seçici qeydiyyata alınıb. Seçki məntəqələrində 180065 seçki qutusu qoyulub.

Türkiyənin xaricində yaşayan ölkə vətəndaşları iyunun 7-dən 19-dək keçirilən səsvermələrdə səs veriblər. Ölkənin sərhədlərindən xaricdə qeydiyyata alınan seçicilər həmçinin bu gün Türkiyə sərhədindən kənardakı nəzarət buraxılış məntəqələrində saat 17-dək səs verə bilərlər. Seçkiləri xarici müşahidəçilər, KİV nümayəndələri də izləyəcək. 

Seçki məntəqələri yerli vaxtla saat 8:00-da açılacaq və 17:00-dək fəaliyyət göstərəcək. Səsvermələr başa çatdıqdan sonra namizədlərin topladıqları səslərin hesablanmasına başlanılacaq.

Ölkə.Az

ŞƏRH YAZ
0

Trampın işçisini restorandan qovdular

Trampın işçisini restorandan qovdular
00:45
Bu gün
495
Dünya
A
ABŞ restoranlarından birində prezident Donald Trampın mətbuat xidmətinin rəhbəri Sara Sandersə xidmət etməkdən imtina ediblər.

"Ölkə.Az" xarici KİV-ə istinadən xəbər verir ki, insident Vircinya ştatının Leksinqton şəhərindəki Red Hen restoranında baş verib. Belə ki, restoranda Sara Sandersin əyləşdiyi masaya 2 dəqiqə müddətində xidmət edilib. Daha sonra sahibkar onun və ailəsinin restoranı tərk etməsini istəyib.

Sara Sanders tvitter hesabında baş verənləri təsdiqləyib və sahibkarın qadın olduğunu vurğulayıb.

Ölkə.Az

ŞƏRH YAZ
0
BAĞLA