Hindistanda musson yağışları 2400-ə yaxın insanın ölümünə səbəb olub

Hindistanda musson yağışları 2400-ə yaxın insanın ölümünə səbəb olub
23:25
19.11.2019
3610
Dünya
A
Hindistanda bu ilin musson mövsümündə azı 2391 nəfər həlak olub, 800 mindən çox ev zədələnib.

"Ölkə.Az" azərtac-a istinadən xəbər verir ki, bundan başqa, mövsüm ərzində 15,7 mindən çox iribuynuzlu mal-qara tələf olub, daşqınlar, leysan yağışlar və torpaq sürüşmələri səbəbindən 6,4 milyon hektar əkin sahəsinə zərər dəyib.

Bu barədə ölkənin daxili işlər naziri Nityanand Rai parlamentin sorğusuna cavabında bildirib.

İyunun axırlarında Cənubi Asiyaya son on ilin ən güclü mussonu gəlib. Yağışlar mövsümü adəti üzrə sentyabrda başa çatmayıb və oktyabrda da davam edib. Leysan yağışlar ölkənin müxtəlif regionlarında daşqınlara, nəqliyyat əlaqəsində problemlərə, binaların dağılmasına, çoxsaylı bədbəxt hadisələrə səbəb olub.

Təbii fəlakətin nəticələrinin aradan qaldırılmasına cəlb olunan 176 xüsusi qrup daşqın zonalarından 99 minə yaxın insanı xilas edib, 24 min nəfərə tibbi xidmət göstərib.

Ölkə.Az

ŞƏRH YAZ
1

Megan Markl Kraliçanın tacına göz qoydu

Megan Markl Kraliçanın tacına göz qoydu
18:43
Bu gün
153
Dünya
A
İngiltərə kraliçası 2-ci Elizabetin gəlini Megan Marklın toy ərəfəsində səs-küyə səbəb olan tac yenidən gündəmə gəlib.

''Ölkə.Az'' xəbər verir ki, 19 may 2017-ci ildə ailə quran keçmiş aktrisa və şəhzadə Harri kraliça Elizabetlə anlaşmazlıq yaşayıblar.

Belə ki, Megan toydan əvvəl Kraliça ilə görüşərək toy günü hansı tacı taxacağına qərar verib. Meganın seçimi Kraliça Elizabetə məxsus brilyant və zümrüd qaşlarla bəzədilmiş tac olub. Lakin kraliça buna razı olmayaraq gəlininə brilyant qaşlarla bəzədilmiş tac verib. İddialara görə bu hadisədən sonra toydan əvvəl Megan və nişanlısı arasında gərginlik yaranıb. Buna baxmayaraq kraliça qərarından dönməyərək ''Megan mənim verdiyim tacı taxacaq'' deyib.

Qeyd edək ki, tacın qiyməti 1 milyon 500 min dollardır. 

Ölkə.Az

ŞƏRH YAZ
0

Ankaradan ABŞ-a sərt reaksiya

Ankaradan ABŞ-a sərt reaksiya
16:36
Bu gün
319
Dünya
A
Türkiyə Prezident Administrasiyasından ABŞ Senatının qondarma “erməni soyqırımı” qərarına sərt etiraz edərək, bunu məsuliyyətsiz hərəkət adlnadırıb. Türkiyə Prezident Administrasiyasının İctimaiyyətlə Əlaqələr İdarəsinin rəhbəri Fəxrəddin Altun ABŞ Senatının 1915-ci il hadisələrini "Erməni Soyqırımı" olaraq xarakterizə edən qətnamə layihəsinin qəbul edilməsinə etiraz edib.

“Ölkə.Az” xəbər verir ki, Fəxrəddin Altunun sözlərinə görə, qəbul edilən layihə ABŞ-Türkiyə münasibətlərini təhlükə altına alır. 
O qeyd edib ki, sanksiyalar və təhdidlər Türkiyəni təhlükəsizlik maraqlarını qorumaqdan vaz keçirməyəcək. 

Türkiyə rəsmisi "Twitter" hesabında qətnamə layihəsinin qəbulunu belə şərh edib: 

"ABŞ Konqresinin bəzi üzvlərinin davranışı Türkiyə-ABŞ münasibətlərinə xələl gətirir. Dünən Senatın Xarici Əlaqələr Komitəsinin qəbul etdiyi sanksiya qərarı və bu gün Senatdan keçən qondarma "erməni soyqırımı" ilə bağlı qətnamə layihəsi ikitərəfli əlaqələrin gələcəyini təhlükə altına alır. 
Suriyanın şimalındakı hərbi əməliyyatımızın səbəb və məqsədlərini amerikalı həmkarlarımıza çatdırdıq. Sanksiyalar və təhdidlər milli təhlükəsizlik maraqlarımızı qorumağımıza mane olmayacaq". 

ABŞ Konqresinin bəzi üzvləri sırf Suriyadakı hərbi əməliyyatlarımızdan rahatsız oldu deyə, milli güvənliyimizi təhlükəyə atmağı rədd edirik".
F.Altun əlavə edib ki, əvvəldən YPG ilə ittifaq qurmaq ağılsız siyasət idi: "Terror təhdidləri qarşısında vətəndaşlarımızın təhlükəsizliyini və rifahını təmin etməyə davam edəcəyik. 
ABŞ Konqresinin bəzi üzvlərinin tarixi siyasiləşdirməyə yönəlmiş əvvəlki cəhdlərində bu hadisələri araşdırmaq üçün bir qrup yaratmaq təklifimizi xatırlatdıq. Qeyd etdik ki, tarix millətləri bölən deyil, onları birləşdirən bir şey olmalıdır. 
Ancaq son bir neçə ay ərzində ABŞ Konqresinin bəzi üzvləri NATO müttəfiqinin perspektivlərini və həssaslıqlarını görməzdən gəlmək üçün hər şeyi etdilər və iki ölkə və iki dövlət arasında münasibətləri nizamlamaq üçün məsuliyyətsiz hərəkət etdilər. 

Bu qərarlar, Türkiyə ilə ABŞ arasındakı əlaqələrə heç bir fayda gətirməyəcək. 
Tarix, bu qərarları ABŞ Konqresindən bəzi üzvlərinin Türkiyəyə qarşı məsuliyyətsiz və ağıllı olmayan hərəkətləri olaraq görəcək. Bunlar iki ölkə arasında uzunmüddətli ziyana səbəb olan tərəf olaraq tarixə düşəcək".

Türkiyə XİN-də  məsələ ilə bağlı bəyanat yayıb.  Bəyanatda Senatın qərarı, "tarixin necə siyasiləşdirilməsinin utancverici nümunələrindən biri" kimi şərh edilib.

“ABŞ Senatının 1915-ci il hadisələri ilə 12 dekabr 2019-cu ildə tarixli qərarı hər cür tarixi özünüdərkdən və hüquqi əsaslardan məhrumdur.
Senatın bu qərarı tarixi necə siyasiləşdirilməsinin utancverici nümunələrindən biridir. Ancaq tarixi siyasi məqsədləri üçün istifadə edənlər həqiqətləri görməməzliyə vuraraq, əsla məqsədlərinə çatmayacaqlar. Bu qərar, eyni zamanda, Türkiyə-ABŞ münasibətlərinin inkişaf etdirilməsi yönündəki səyləri də dalana dirəyən təxribatçı təşəbbüsdür” – bəyanatda deyilir.

Bəyanatda Türkiyənin regiondakı maraqlarını qorumaq üçün apardığı mübarizənin bu cür haqsız və mənasız qərarlardan təsirlənməyəcəyi və bu mübarizəyə qətiyyətlə davam edəcəyi bildirilir.

Ölkə.Az

 

ŞƏRH YAZ
0
BAĞLA