Hindistanda müxalif jurnalist qətlə yetirildi
Hindistanın Tripura vilayətinin paytaxtı Aqartalada 27 yaşlı jurnalist qətlə yetirilib.
"Ölkə.Az" xəbər verir ki, qətlə yetirilən Şantanu Bovmik müxalif jurnalist idi.
Televiziyada işləyən Bovmik iş başında ikən qaçırılıb və sonra qətlə yetirilib. Polisin verdiyi xəbərə əsasən, 27 yaşlı jurnaist dünən Hindistanın siyasi partiyalarından birinin aksiyasını izləyərkən qaçırılıb. Sonradan jurnalist bir neçə yerindən bıçaqlanmış vəziyyətdə tapılıb. Şantanu xəstəxanaya yerləşdirilsə də, onu xilas etmək mümkün olmayıb.
İnsidentlə bağlı aksiyanı keçirən partiyanın 4 üzvü saxlanılıb.
Qeyd edək ki, 15 gün əvvəl də 55 yaşlı müxalif jurnalist Lankeş qətlə yetirilib.
Hikmət Həsənov
Ölkə.Az
