Hitlerin şəxsi katibi Martin Borman sovet casusu olub — ŞOK FAKTLAR

Hitlerin şəxsi katibi Martin Borman sovet casusu olub
15:59
07.07.2018
8626
Maraqlı
A
Nasist Almaniyasının lideri Adolf Hitlerin şəxsi katibi Martin Borman ikinci dünya müharibəsinin tanınmış simalarındandır.

 “Ölkə.Az” xəbər verir ki, fürerin yaxın adamının həyatı sirr və müəmmalarla doludur. Bu isə bir sıra iddialara səbəb olub.

Martin Borman XX əsrin əvvəllərində hərbçi ailəsində dünyaya gəlib. O, birinci dünya müharibəsində iştirak edib. Müharibədən sonra fermada idarəçi işləyib. Almaniyanın məğlubiyyəti və ölkə üçün biabırçı Versal müqaviləsi Martini də keçmiş hərbçilərin ultra-sağçı cərgələrinə apardı. Növbəti mərhələ isə Hitlerə xidmət etmək idi. Borman yeni sahibinin bütün tapşırıqlarını yerinə yetirirdi. O, kommunistlərə simpatiyası olmaqda ittiham edilən ilk sinif müəllimini qətlə yetirir.

Borman 1926-cı ildə nasistlərin cərgəsinə qoşulur. Bir müddət sonra isə partiya kassasına girişi olan yaxşı vəzifəyə təyin edilir. Bormanın növbəti addımı Hitlerin yaxın adamının qızı Gerda Bux ilə evlənmək olur. Fürer gəncləri şəxsən özü təbrik edir. Borman Hitlerə sadiqliyini sübut edir, bütün tapşırıqları qüsursuz şəkildə yerinə yetirirdi. Onun zəhməti dəyərləndirildi. Martini Rudolf Gessin dəftərxanasının müdiri təyin edilir. Rudofl isə faşist ierarxiyasında üçüncü şəxs idi. Borman tezliklə fürerin Reyx dəftərxanasına işə düzəlir. Ona partiya kassası ilə yanaşı, Adolfun da maliyyə işlərini tapşırırlar. Nasistlərin isə pulu çox idi. Almaniya sənayeçiləri partiya kassasını doldururdular.

Tezliklə Hitler Bormanı şəxsi katibi təyin edir. O, aktiv şəkildə işə başlayır. Kadr işi onun səlahiyyətinə daxil idi. Hitler onu dinləyir və qulaq asırdı. Borman sənədləri də mükəmməl şəkildə hazırlayırdı. Artıq Martini “fürerin kölgəsi” adlandırırdılar. Borman Hitlerin bütün çıxışlarını qeydə alır, tez-tez sitatlar gətirirdi. Bununla yanaşı yüksək çinli məmurlar haqqında məlumat toplayır, lazım olanda məqsədi üçün istifadə etməyi planlaşdırırdı.

Hitlerin yanında Bormanın daxili və xarici siyasətə müdaxilə gücü var idi. O, sovet ərazisinin bölünmə planını hazırlayır, hərbi əsirlər üçün işgəncələr fikirləşirdi. Məhz faşistlərin yəhudilərdən ayrılması siyasəti ona məxsus idi. Eyni zamanda Almaniya ilə Vatikanın da münasibətlərini Borman pozmuşdu.
Məğlubiyyətdən bir neçə gün əvvəl Hitler ölkə hakimiyyətini Bormana etibar etdiyini vəsiyyətində bildirir. Amma Borman da Reyxi qoruya bilmədi. Bir may tarixinin axşam saatlarında Borman adi paltarda sənədləri, qeydləri götürərək Reyx dəftərxanasını mühasirəyə alan sovet ordusunun arasından keçməyə çalışır. O vaxtdan etibarən “fürerin kölgəsi”nin izi itir...

Onunla bunkerdən qaçan və sovet əskərlərinə əsir düşən zabitlər bildirirlər ki, Borman ölüb.
İngilis kəşfiyyatçısı Kreytonun xatirələrinə əsasən, Borman Londona göndərilib. Plastik əməliyyatdan sonra xarici görünüşünü dəyişən Martin qalan həyatını İngiltərədə yaşayıb.

Sovet tarixçisi Tartakovskinin əsərində Marşal Yermenkonun xatirəsi var. Marşal hərbi sirri açır. Yermenko iddia edir ki, Martin Borman sovet kəşfiyyatının əməkdaşı olub və müharibədən sonra onu gizli şəkildə SSRİ-yə gətiriblər. Tartakovski isə əminliklə bildirir ki, Moskva qəbirsanlıqlarından birində Martin Bormanın qəbrini görüb.

Sovet tədqiqatçısının fikrini bir sıra siyasətçi və tarixçi də təsdiqləyib. Onlar arasında alman kəşfiyyatçı R.Gelen də var. Onların əmindirlər ki, Borman sovet casusu olub.

Martin Bormanı müharibədən sonra Avropa, Amerika və Afrikanın bir sıra ölkələrində görüblər. O, adi vətəndaş kimi özünü təqdim edib və başqa soyad daşıyıb.

Ehtimal edilir ki, Bormanın ölüm sirri 1972-ci ildə üzə çıbı. Berlin fəhlələri elektrik xətti çəkəndə iki meyit qalığı tapıblar. Ekspertlər müəyyən ediblər ki, onlardan biri Martin Bormana məxsusdur. Bormanın Almaniyada yaşayan qohumları DNA analizi üçün qan nümunəsi veriblər.

Bununla belə, Martin Bormanın sirli həyatı və müharibədən sonra sağ qalıb-qalmadığı barədə müəmmalar hələ də çoxdur...

Hikmət Həsənov
Ölkə.Az

ŞƏRH YAZ
0

48 yaşlı qadın “Barbie” gəlinciyə bənzəmək üçün 105 əməliyyat keçirdi — FOTOLAR

48 yaşlı qadın “Barbie” gəlinciyə bənzəmək üçün 105 əməliyyat keçirdi
03:00
Bu gün
136
Maraqlı
A
İngiltərədə yaşayan 48 yaşlı Reyçel Evans “Barbie” gəlinciyə bənzəmək üçün 13 il ərzində 32 min funt sterlinq xərcləyib.

"Ölkə.Az” xəbər verir ki, Reyçel bu illər ərzində 105 dəfə əməliyyat olunub.

Sonuncu dəfə isə 13 may tarixində yaşlı görünməmək üçün 500 funt sterlinq verərək üzünü dartdırıb. Ad günündən sonra isə “50 yeni 30dur” şüarı ilə indidən 7 əməliyyat planlaşdırıb.

Ölkə.Az

 

 

ŞƏRH YAZ
0

“Fast-food” yeməklərin növbəti zərəri üzə çıxdı

“Fast-food” yeməklərin növbəti zərəri üzə çıxdı
01:30
Bu gün
298
Maraqlı
A
Avstraliya milli universitetinin bir qrup tədqiqatçısı yeni araşdırmanın nəticələrini açıqlayıb.

“Ölkə.Az” xəbər verir ki, tədqiqata əsasən, fast-food qidalardan istifadə etmək beyini vaxtından əvvəl qocaldır. Bu barədə “MedicalXpress” saytı geniş məqalə dərc edib.

Tədqiqatçılar bildirirlər ki, qeyri-sağlam qida və fiziki hərəkətdən imtina etmək ikinci növ diabetin yaranması, koqnitiv funksiyaların pisləşməsinə səbəb olur. Bu isə ilk növbədə beyinin demensiyası və atrofiyası ilə nəticələnir. Qeyd edilir ki, insan orta yaş həddinə çatanda qeyri-sağlam qidaların zərəri artıq sağalmır. Beyinin vaxtından əvvəl qocalmasının qarşısını almaq üçün isə ən yaxşı üsul düzgün qidalanmadır. Tədqiqatçılar fast-food qidaları rasiondan tam çıxarmağı məsləhət görürlər.

Bundan başqa həkimlər və dietoloqlar müəyyən ediblər ki, “fast-food” insana artıq qidalandığını unutdurur, qadınlarda sonsuzluğa səbəb olur.

Qeyd edək ki, bir müddət əvvəl italyan allerqoloqları müəyyən ediblər ki, müntəzəm olaraq “fast-food” qəbul etmək orqanizmə elə maddələr toplayır ki, qida allergiyasının yaranmasına səbəb olur.

Hikmət Həsənov
Ölkə.Az

 

ŞƏRH YAZ
0
BAĞLA