Hollandiyada qalmaqal

"Ölkə.Az" xəbər verir ki, Tilburqun "St Joseph" katolik kilsəsinin günah çıxarma kabinetində porno film lentə alınıb. Məsələ məhkəməyə qədər gedib.

Amma hakimlər bu işi rədd ediblər. Çünki onların fikrinə əsasən dini təhqir etmək cinayət sayılmır və icazəsiz kilsəyə daxil olmaqda cinayət ünsürü yoxdur.

Rahib Jan van Nurvegen məhkəməyə müraciət etmişdi. Amma Hollandiyada dini təhqir etməyi cinayət sayan qanunlar olmadığı üçün işə baxılmayıb.
Kilsə rəsmiləri isə qərara reaksiya verərək qanunverici sistemdə bir səhv olduğunu bildiriblər.

Bildirilir ki, film kabel televiziyasında yayımlandıqdan sonra reaksiyalara səbəb olub. Kanalın sahibi filmin xarici bir şirkət tərəfindən lentə alındığını bildirib və üzr istəmişdi. Porno filmin kanalda yayımı ləğv edilmişdi.

Rahib Van Nurvegen isə bazar günü xütbəsində kilsənin çirkləndirildiyi üçün Tanrıdan əfv diləmişdi.

Hikmət Həsənov
Ölkə.Az