Zorlanmamaq üçün özünü binadan atan qadın danışdı — VİDEO

Zorlanmamaq üçün özünü binadan atan qadın danışdı
12:38
14.09.2018
3579
Hadisə
A
Bakıda təcavüzə uğramamaq üçün özünü binadan atan qadın danışıb.

"Ölkə.Az" xəbər verir ki, qadını evə təmizlik işi üçün çağıran şəxs ona təcavüz etmək istəyib.

“Space” TV-yə danışan Zəminə Məmmədovanın sözlərinə görə, ona təcavüz etmək istəyən 27 yaşlı İlkin Vəlizadə evin qapısını bağlayıb:

“Mənə təcavüz etmək istəyən zaman onu itələdim və qapıya doğru qaçdım. Qapı bağlı olduğu üçün yalvardım ki, anan yaşında qadınam. Dedi, könüllü razılaş. Səni vuraram, özündən gedərsən, heç xəbərin də olmaz. İstədiyimi edərəm”.

Qadın bildirib ki, İlkin mənzildə kirayədə yaşayır:

“Kirayədə yaşadığını etiraf etdi. Dedi ki, sənə hər şey edərəm və çıxıb gedərəm. Heç kim məni tapa bilməz. Ona bildirdim ki, məni burax, heç kimə heç nə deməyəcəyəm, şikayət də etməyəcəyəm, sakitcə gedim.

Məni sürümək istədi. Onu itələyib yıxdım, mətbəxə tərəf qaçdım. Ondan sonra çıxılmaz vəziyyətdə qaldım və canımı qurtarmaq üçün özümü mənzilin pəncərəsindən atdım”.

Zərərçəkən qeyd edib ki, vətəndaşlardan kömək istəsə də, ona yardım edən olmayıb:

“Yalvardım ki, polis çağırın, amma pəncərəni örtdülər. Küçədəkilər üzlərini çevirib getdilər”.

Qeyd edək ki, hadisəni törədən İlkin Vəlizadə Qaradağ Rayon Polis idarəsinin əməkdaşları tərəfindən saxlanılıb.

ŞƏRH YAZ
0

Zaqatalada qəza, 2 nəfər öldü — RƏSMİ AÇIQLAMA

Zaqatalada qəza, 2 nəfər öldü
14:00
Bu gün
225
Hadisə
A
Noyabrın 20-də saat 22 radələrində Zaqatala rayonunun Yolayrıç kəndi ərazisində rayon sakini Emin Kahayev idarə etdiyi “Priora” markalı avtomobili yolun kənarındakı ağaca vurub.

"Ölkə.Az" xəbər verir ki, bu barədə Daxili İşlər Nazirliyi məlumat yayıb. Qeyd olunub ki, nəticədə sürücü hadisə yerində, sərnişini Amid Şabanov isə xəstəxanada ölüblər.

Zaqatala RPŞ tərəfindən araşdırma aparılır. 

Ölkə.Az

ŞƏRH YAZ
0

Axtarışda olan məşhur meyxanaçının yeni — FOTOLARI YAYILDI

Axtarışda olan məşhur meyxanaçının yeni
13:10
Bu gün
4156
Hadisə
A
2015-ci ildə Bakı şəhər Baş Polis İdarəsi tərəfindən axtarışa verilən və uzun müddətdir Rusiyada yaşayan tanınmış meyxanaçı Vahid Qədim illər sonra görüntülənib.

"Ölkə.Az" A24.az-a istinadən xəbər verir ki, meyxanaçının fotolarını həmkarı Vüqar Əbdülov paylaşıb. Rusiyada baş tutan məclislərdən birinin ardından axtarışda olan meyxanaçı ilə görüşən V. Əbdülovun paylaşdığı fotolardan Vahid Qədimin ölkədən köçdüyü 5 il ərzində xarici görünüşdən heç bir dəyişikliyin baş vermədiyi görünür.

Qeyd edək ki, dələduzluqda təqsirləndirilən meyxanaçı 2013-cü ildən ailəsi ilə birlikdə Rusiyada yaşayır. Məlumata görə, Vahid Qədim Rusiyada yaşayıb, sənətlə məşğul olur. Bildirilir ki, o, Rusiyada meyxanaları ilə məşhurdur, sevilir.

Xatırladaq ki, söz xiridarı barədə Bakı şəhər Baş Polis İdarəsinin saytında məlumat yerləşdirilib. Məlumatda qeyd olunur ki, 1973-cü il təvəllüdlü Səfərov Vahid Ağabala oğlu Cinayət Məcəlləsinin 178-ci (dələduzluq) maddəsi ilə təqsirləndirilir.

Meyxana aləmində Vahid Qədim kimi tanınan V. Səfərov 2015-ci ilin yanvarından axtarışa verilib.

Onu da əlavə edək ki, Vahid Qədim polislə də qarşı-qarşıya gəlib. O,  "Bacım oğlu” adlı meyxanasına çəkdirdiyi klipində polisin tətbiqindən yayınmağa çalışmışdı.  

 

Ölkə.Az
 

ŞƏRH YAZ
0
BAĞLA