I və IV qruplar üzrə qəbul imtahanı keçiriləcək

I və IV qruplar üzrə qəbul imtahanı keçiriləcək
14:02
20.06.2019
1690
Ölkə
A
Dövlət İmtahan Mərkəzi (DİM) iyunun 23-də 2019/2020-ci tədris ili üçün Azərbaycan Respublikasının ali təhsil müəssisələrinə qəbul olmaq istəyən abituriyentlər üçün I və IV ixtisas qrupları üzrə qəbul imtahanı keçirəcəkdir.

DİM-dən "Ölkə.Az"a verilən məlumata görə, imtahan respublikanın 11 şəhərində - Bakı, Naxçıvan, Gəncə, Sumqayıt, Mingəçevir, Şəki, Bərdə, Göyçay, Şirvan, Lənkəran və Xaçmaz şəhərlərində ümumilikdə 46 binada aparılacaq. İmtahanların idarə olunmasına 173 imtahan rəhbəri və 1950 nəzarətçi-müəllim cəlb olunacaq. 

Hazırda bütün regionlarda imtahanlarda iştirak edəcək nəzarətçilər, imtahan rəhbərləri, mühafizə əməkdaşları ilə təlim-seminarlar keçirilir. İmtahan zallarında abituriyentlərin rahat şəkildə imtahan verməsi üçün zəruri şərait yaradılıb, imtahan binalarının girişlərində təhlükəsizliyin və buraxılış rejiminin operativliyinin təmin edilməsi üçün “stasionar metal axtaran aparat”lar quraşdırılıb. Təhlükəsizliyin təmin edilməsi məqsədi ilə imtahandan bir gün əvvəl DİM və Xüsusi Dövlət Mühafizə Xidmətinin əməkdaşlarının iştirakı ilə imtahan mərkəzlərinə baxış keçiriləcək və bütün imtahan zalları, giriş-çıxış qapıları, binalar möhürlənməklə Daxili İşlər Nazirliyi Baş Mühafizə İdarəsinin əməkdaşlarına mühafizə üçün təhvil veriləcək. 

Bu imtahanda iştirak etmək üçün ərizə vermiş abituriyentlər iyunun 14-dən etibarən DİM-in internet saytına daxil olaraq “İmtahana buraxılış vərəqəsi”ni çap edirlər. Buraxılış vərəqəsi ilə yanaşı onlara “Yaddaş kitabçası” da təqdim olunur. Burada abituriyentlərə imtahan prosesi ilə bağlı vacib tövsiyələr, onların əməl etməli olduqları qaydalar və digər zəruri məlumatlar çatdırılır. 

İmtahan bütün binalarda eyni vaxtda – saat 11.00-da başlayacaq. İmtahanın başlanmasına 15 dəqiqə qalmış saat 10.45-də buraxılış rejimi başa çatır. Bundan sonra gələn iştirakçılar imtahan binasına buraxılmır. İmtahan binasına buraxılış vərəqəsində qeyd olunan vaxtda gəlmək lazımdır. 

Bəzi imtahan binalarına giriş zamanı imtahan iştirakçılarının şəxsiyyətini dəqiqləşdirmək məqsədi ilə “Face Recognition” (üzün tanınması) texnologiyasına əsaslanan proqram-texniki vasitələrdən istifadə olunacaq. Bu texnologiyanın tətbiq edilməsində əsas məqsəd abituriyentlərin imtahan binasına buraxılış rejimini daha surətli həyata keçirmək və qeydiyyatdan keçmiş abituriyentlərin əvəzinə başqa bir şəxsin imtahan binasına daxil olmasının qarşısını almaqdır. 

Abituriyentlər imtahana aşağıdakı sənədləri gətirməlidirlər: 

- şəxsiyyəti təsdiq edən sənədin əsli; 

- “İmtahana buraxılış vərəqəsi". 

- 16 yaşı tamam olmamış (şəxsiyyət vəsiqəsində şəkli olmayan) abituriyentlər digər sənədlərlə yanaşı, təhsil müəssisəsi tərəfindən verilmiş arayışı (arayışa şagirdin 3x4 sm ölçülü şəkli yapışdırılır və şəkil möhürlə təsdiqlənir). 

Göstərilən sənədlərdən biri olmadıqda və ya sənədlər arasında uyğunsuzluq olduqda abituriyent imtahana buraxılmayacaq. 

Ölkə.Az

ŞƏRH YAZ
0

Azərbaycanda bu məktəb uçqun təhlükəsi qarşısında — VİDEO

Azərbaycanda bu məktəb uçqun təhlükəsi qarşısında
19:31
Bu gün
1109
Ölkə
A
Sosial şəbəkələrdə Şəmkirdə yararsız halda olan məktəbin videogörüntüləri yayılıb.

"Ölkə.Az"ın oxu.az-a istinadən xəbərinə görə, iddia edilir ki, videodakı Şəmkirin Varlı həyat kəndindəki Kəlbəcər rayonunun 96 saylı məktəbidir.

Məktəb kifayət qədər bərbad və olduqca ciddi uçqun təhlükəsi ilə qarşı-qarşıyadır. Sinif otağında divar boyu elektrik naqilləri gedir. Bu məktəblilər üçün çox ciddi təhlükədir.  

Həmin görüntüləri təqdim edirik:

ŞƏRH YAZ
0

Polis qarda köməksiz qalan yaşlı turistə yardım etdi — FOTO

Polis qarda köməksiz qalan yaşlı turistə yardım etdi
19:05
Bu gün
1086
Ölkə
A
Gözəl təbiəti olan Quba rayonu hər zaman turistləri özünə cəlb edir. Qışın gözəlliyi olan qarın yağması isə gələn qonaqların sayının artmasına səbəb olur.

Azvision.az xəbər verir ki, Quba Rayon Polis Şöbəsinin əməkdaşları qonaqların çox olması ilə əlaqədar ərazidə operativ xidmət təşkil edir, turistlərin qarşılaşacağı hər hansı bir çətinlik və ya problemlər olduqda öz köməkliklərini göstərirlər.

Azərbaycana qonaq gəlmiş əcnəbi vətəndaş Qubanın Qəçrəş meşəsi ərazisində hərəkət edən zaman nəqliyyat vasitəsinin şinlərindən biri deşilib və qarlı havada yolda köməksiz qalıb. Ərazidə xidmət aparan Quba RPŞ-nin PPXB-nün əməkdaşları yaşlı turistə məxsus nəqliyyat vasitəsinin şinini dəyişərək ona köməklik göstəriblər.

ŞƏRH YAZ
0
BAĞLA