İbrahim Tatlısəs Hülya Avşara səsləndi: “Mavi gözlüm”
Hülya Avşar və İbrahim Tatlısəsin illər əvvəl çəkildikləri ilk film “Mavi Mavi” olub.
“Ölkə.Az” xəbər verir ki, tərəflər uzun illər sonra yenidən görüşüb. Tatlısəs görüş barədə İnstaqram səhifəsində məlumat verib və Avşara “Mavi mavim” deyə səslənib.
İbrahim Tatlısəs adına mahnı bəstələdiyi tərəf müqabili Hülya Avşarın dəvəti ilə Balıkəsirin Ayvalıq rayonunda görüşüb. Tərəflər birlikdə yemək yeyib və keçmiş günləri yad edib.
Müğənni sosial şəbəkədə yazıb:
“Bu gün Hülya xanımla çox gözəl bir gün keçirdik. Dəvət etdi, Ayvalıqa getdim. Yemək yedik. Ləzzət bəhanə, Hülyanın söhbəti şahanə. Bilənlər bilir, Hülya xanımın gözəlliyindən əlavə nəşəsi də bir başqadır. Keçmiş günləri xatırladıq. Mavi Mavim, qonaqpərvərliyin və dostluğun üçün təşəkkür edirəm. Nə yaxşı ki, varsan”.
Hikmət Həsənov
Ölkə.Az
