İbrahim 66 yaşlı qonşusunu qətlə yetirdi

İbrahim 66 yaşlı qonşusunu qətlə yetirdi
19:45
21.08.2019
1378
Hadisə
A
Bakıda 66 yaşlı qonşusunu bıçaqlayaraq öldürməkdə təqsirli bilinən İbrahim Mürsəlovun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işi baxılması üçün Bakı Ağır Cinayətlər Məhkəməsinə göndərilib.

Cinayət işi hakim Mahmud Nəbiyevin icraatına verilib.

Məhkəmənin hazırlıq iclasının vaxtı hələlik açıqlanmayıb.

Qeyd edək ki, hadisə bu il iyun ayında Bakı şəhəri Binəqədi rayonunda qeydə alınıb. 

Vidadi Rəcəbov qonşusu, 1955-ci il təvəllüdlü İ.Mürsəlov tərəfindən bıçaqlanaraq qətlə yetirilib. Daha sonra İ.Mürsəlov saxlanılıb.

Faktla bağlı Binəqədi Rayon Prokurorluğunda qəsdən adam öldürmə maddəsi ilə cinayət işi başlanılıb.  

Natiq Allahverdiyev
Ölkə.Az

 

ŞƏRH YAZ
0

Ordumuzun hərbçisi dəfn edildi — FOTOLAR

Ordumuzun hərbçisi dəfn edildi
13:20
Bu gün
697
Hadisə
A
Sentyabrın 20-də həlak olan Azərbaycan Ordusunun müddətdən artıq həqiqi hərbi xidmət hərbi qulluqçusu əsgər Məmmədov Elyarbəy Beyqalı oğlu bu gün dəfn edilib.

“Ölkə.Az” APA-ya istinadən xəbər verir ki, E. Məmmədov Samux rayonu Sarıqaya kəndində dəfn edilib.

Qeyd edək ki, sentyabrın 20-də gecə saatlarında hərbi hissələrdən birində naməlum şəraitdə Azərbaycan Ordusunun müddətdən artıq həqiqi hərbi xidmət hərbi qulluqçusu əsgər E. Məmmədov həlak olub.

Hadisə ilə bağlı istintaq prosedurları başlanıb.

Allah rəhmət etsin!

Ölkə.Az

ŞƏRH YAZ
0

Tovuzda quyuya düşən körpəni belə xilas etdilər — VİDEO

Tovuzda quyuya düşən körpəni belə xilas etdilər
12:50
Bu gün
789
Hadisə
A
Tovuzda dörd metr dərinliyində quyuya düşən iki yaşlı qız uşağı xilas edilib.

“Ölkə.Az” oxu.az-a istinadən xəbər verir ki, hadisə rayonun Aşağı Öysüzlü kəndində qeydə alınıb.

İki yaşlı Ayan Qasımova nəzarətsiz qalaraq sanitar qovşağının quyusuna düşüb.

Dərhal əraziyə Fövqəladə Hallar Nazirliyinin Yanğından Müfafizə Hissəsinin Tovuz Rayon şöbəsinin Xilasetmə Qrupunun əməkdaşları cəlb edilib.

Yarım saatlıq əməliyyatdan sonra azyaşlı quyudan çıxarılıb. Bu müddətdə quyuda qalan uşaq xəsarət almasa da, ona yerindəcə tibbi yardım göstərilib.

Daha sonra qızcığaz ailəsinə təhvil verilib.

Ölkə.Az

ŞƏRH YAZ
0
BAĞLA