İçərişəhərin köhnə fotosu, təzə söhbəti

İçərişəhərin köhnə fotosu, təzə söhbəti
15:31
25.04.2019
16419
Ölkə
A
Son günlər sosial şəbəkələrdə Bakının İçərişəhər ərazisində guya qala divarlarının sökülməsini, yerində isə restoran inşa edilməsi ilə bağlı xəbərlər tirajlanır.

“Ölkə.Az” olaraq məsələyə diqqət yetirdik və sosial şəbəkələrdə paylaşılan fotonun əslində 2011-ci ilə aid olduğunu öyrəndik. Məlum olub ki, sözügedən foto indiki İqtisadiyyat Universitetinin yanında Sovet dövründə uçurulan bürcün bərpa işləri zamanı lentə alınıb. Bürcün bərpası işləri tarixi çertyojlar əsasında aparılıb. Bürcün bərpa edilməsi üçün isə sərəncam Prezident İlham Əliyev tərəfindən verilib.

Məsələ ilə bağlı xırda bir araşdırma da apardıq və məlum oldu ki, İçərişəhərdə tarixən 23 bürc olub və bu bürclərdən biri ötən əsrin 50-ci illərində Bakının baş memarı, əslən erməni olan Mamexonov tərəfindən ləğv edilib. Əslində sovet dövrü zamanı 1954-cü ildə Qala divarları üzərində kobud rekonstruksiya işləri aparılıb və əfsuslar olsun ki, bu proses zamanı Qala divarlarının o zamana qədər mövcud olmuş tarixi bürclərindən biri zədələnərək öz görkəmini itirib və düz divarın çəkilməsi ilə nəticələnib. Bu işin səbəbkarı isə erməni memar Mamexonov olub. 

Sözügedən foto da məhz Qala bürcünün bərpası zamanı lentə alınıb. Amma görünən odur ki, trol maşını yenə iş başındadır. Bu dəfə də geydirmə, saxta fotolarla “silahlanaraq” sosial şəbəkədə yeni kampaniyaya başladılar. Görünən odur ki, yenə də Azərbaycan ictimaiyyətini səhv yönə istiqamətləndirmək, fikrini dəyişmək, müəyyən maraqlara xidmət etmək üçün bu yola əl atılıb.

Fotonun saxta olması ilə bağlı sosial şəbəkədə ictimai nüfuzu olan şəxslər də məlumat yayıblar.

“İçərişəhər” DTMQİ də məsələ ilə bağlı açıqlama verib və bildirib ki, dünən paylaşılan fotogörüntülər yenidən həqiqətlə tamamilə ziddiyyət təşkil edən qərəzli addımların bir nümunəsidir. Milli Qoruq İdarəsi sosial şəbəkədəki səhifəsində bu məsələyə aydınlıq gətirərək yazıb: 

"İlk olaraq qeyd edilməlidir ki, İçərişəhərdə hal-hazırda fotoda görünən vəziyyətdən əsər-əlamət yoxdur. Bunu açıq-aydın müşahidə etmək mümkündür. Həmin fotoşəkillər 2011-ci ildə Qala divarlarının restavrasiya işlərinin aparıldığı ərəfədə çəkilmişdir. Məsələnin kökündə isə əslində Sovet erası zamanı 1954-cü ildə Qala divarları üzərində aparılan kobud rekonstruksiya işləri durur və əfsuslar olsun ki, bu proses zamanı Qala divarlarının o zamana qədər mövcud olmuş tarixi bürclərindən biri zədələnərək öz görkəmini itirmiş və düz divarın çəkilməsi ilə nəticələnmişdir.

“İçərişəhər” DTMQİ fotoşəkil ilə bağlı yaradılan mənzərənin və əsassız ittihamların əksinə olaraq 2011-2012-ci illərdə Qala divarlarının bərpasını həyata keçirmiş və bu əsnada həmin dağıdılmış bürcü bərpa etmək üçün genişmiqyaslı bərpa işləri görmüşdür. Bu zaman bütün arxiv sənədləri nəzərdən keçirilmiş, bürcü mümkün qədər tarixi görkəminə qaytarmaq üçün tarixçilər, memarlar, mühəndislər tərəfindən layihə işlənib hazırlanmışdır. Məhz bu işlərin nəticəsində bu gün Kiçik Qala küçəsində həmin bürcün bərpa olunmuş vəziyyətini görə bilərsiniz".

Bu arada onu da qeyd etmək lazımdır ki, sosial şəbəkələrdə belə əssasız, heç bir fakta söykənməyən məlumatların yayılması təsadüfi bir hal kimi qəbul oluna bilməz. Heç bir yoxlanılma aparılmadan, bir neçə istiqamətdən İçərişəhərin tənqid atəşinə tutulması, real vəziyyəti əks etdirməyən yalan məlumatların yayılması bu işdə maraqlı adamların olduğu barədə fikir yürütməyə əsas verir.

 

Ölkə.Az

ŞƏRH YAZ
0

Azercell bölgə ali təhsil müəssisələrinin tələbələri ilə görüşüb

Azercell bölgə ali təhsil müəssisələrinin tələbələri ilə görüşüb
11:09
Bu gün
61
Ölkə
A
Ölkədə rəqabət qabiliyyətli kadrların hazırlanmasına daim dəstək olan “Azercell Telekom” MMC, öz fəaliyyətini bu istiqamətdə uğurla davam etdirir. Bu dəfə sentyabr ayının 16-dan start verilən Tələbə Təqaüdü Proqramında hər bir tələbəyə iştirak üçün fürsət yaratmaq məqsədilə, Azercell ölkəmizin bölgələrində yerləşən bütün ali təhsil müəssisələrini ziyarət edib. Azercell-in İnsan Kapitalının İdarə edilməsi departamentinin mütəxəssisləri Gəncə, Naxçıvan, Mingəçevir və Lənkəran şəhərlərində ali təhsil alan tələbələrlə görüşərək, onlara əmək bazarında mövcud tendensiyalar və istiqamətlər, şirkətdə karyera qurmaq imkanları və Tələbə Təqaüdü Proqramı haqqında geniş məlumat veriblər. Görüş zamanı tələbələrin proqramda iştirak şərtləri, seçim mərhələləri və qeydiyyat qaydası barədə çoxsaylı sualları da cavablandırılıb.
 
Qeyd edək ki, 2020-ci il üçün elan edilmiş Tələbə Təqaüdü Proqramı çərçivəsində son iki kurs tələbələri akademik bilikləri, dünyagörüşü, elmə və təhsilə həvəsi və digər meyarlar əsasında qiymətləndiriləcəklər. Qaliblər isə təhsil ilinin sonunadək Azercell-dən 200 AZN məbləğində aylıq təqaüd almaqla yanaşı, həm də telekommunikasiya sahəsində mövcud biliklərini artırmaq, rəqəmsal dünyanın ən son trendləri ilə yaxından tanış olmaq, şirkətin korporativ tədbirlərinə dəvət almaq, müxtəlif təlimlərdə iştirak etmək və təcrübə keçmək üçün əvəzolunmaz şans qazanacaqlar.
 
Xatırladaq ki, Azercell Tələbə Təqaüdü 2020-də iştirak üçün müraciətlərin qəbulu artıq açıqdır və son qəbul tarixi oktyabr ayının 16-dır. Təqaüd proqramı üzrə müraciət etmək üçün müvafiq elektron müraciət ərizəsi doldurulduqdan sonra, tələbə bileti və qiymət kitabçasının (transkript) skan versiyaları ilə birlikdə telebe@azercell.com e-mail ünvanına göndərilməlidir. 
 
Yeni dərs ilində Azercell təqaüdçüsü adını qazanmaq fürsətini qaçırma!
 
 
Daha ətraflı məlumat üçün news@mcs.az ünvanına müraciət edə bilərsiniz
ŞƏRH YAZ
0

İşdən haqsız qovulan 82 nəfərin hüququ bərpa olundu — 108513 AZN ödənildi

İşdən haqsız qovulan 82 nəfərin hüququ bərpa olundu
10:58
Bu gün
249
Ölkə
A
Dövlət Əmək Müfəttişliyi Xidməti işdən qanunsuz şəkildə azad edilmiş 82 nəfəri əvvəlki işlərinə bərpa etdirib.

Bu barədə Əmək və Əhalinin Sosial Müdafiəsi Nazirliyindən "Ölkə.Az"a məlumat verilib.

Verilən məlumata görə, qurum tərəfindən gecikdirilmiş 108513 manat əmək haqqı, zərərə görə ödənc və s. işçilərə ödənilməsi də təmin edilib.

Belə ki, Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti 2019-cu ilin 9 ayı ərzində vətəndaş müraciətlərinin araşdırılması zamanı 82 işçinin əmək müqavilələrinə qanunvericiliyin tələbləri pozulmaqla xitam verildiyini müəyyən edib.

Görülən tədbirlər nəticəsində həmin şəxslər əvvəlki işlərinə bərpa ediliblər.

Vətəndaş müraciətləri ilə əlaqədar Xidmətin yanvar-sentyabr aylarında apardığı araşdırmalar zamanı, həmçinin işəgötürənlər tərəfindən 108513 manat sosial xarakterli ödənişlərin işçilərə ödənilməsinin gecikdirildiyi müəyyən edilib.

Görülən tədbirlər nəticəsində 93 faizi əməkhaqlarından, qalan hissəsi isə kompensasiyalardan, zərərə görə ödənclərdən və s. ibarət olan həmin vəsaitin işəgötürənlər tərəfindən işçilərə ödənilməsi təmin olunub.

ŞƏRH YAZ
0
BAĞLA