İcra başçısı ilə stomatoloqlar arasında qarşıdurma

İcra başçısı ilə stomatoloqlar arasında qarşıdurma
17:00
19.03.2017
87
Ölkə
A
İki il öncə prezident İlham Əliyev “Sahibkarlıq sahəsində aparılan yoxlamaların dayandırılması haqqında” qanunun tətbiqi və yoxlamaların dövlət tənzimlənməsinə dair fərman verib.

Ölkə.Az xəbər verir ki, “Bizim Yol” qəzetinin yazdığına görə, 2015-ci il noyabrın 1-dən qüvvəyə minən qanunundan irəli gələn tələblərin pozulması hallarını aşkar etdikdə, bu barədə məlumatları Baş Prokurorluğa təqdim edilməli, bu qurum da qanununun və fərmanın tətbiqi nəticələri barədə üç ayda bir dəfə dövlət başçısına məlumat təqdim etməlidir.

Qanundan və bu fərmandan irəli gələn tələblərin pozulmasına dair məlumatların araşdırılmasını və aşkar olunmuş hüquq pozuntuları barədə müvafiq tədbirlərin görülməsini təmin edilməli, bu barədə prezidentə mütəmadi məlumat təqdim edilməlidir.

Prezidentin 2015-ci il 26 oktyabr tarixli digər fərmanı ilə “Sahibkarlıq sahəsində aparılan yoxlamaların dayandırılması haqqında” Azərbaycan Respublikasının Qanununa əsasən insanların həyat və sağlamlığına, dövlətin təhlükəsizliyinə və iqtisadi maraqlarına mühüm təhlükə yaradan hallar üzrə aparılmasına yol verilən yoxlamaların siyahısına əsasən sahibkarlıq fəaliyyəti ilə məşğul olan fiziki şəxslər, dövlət mülkiyyətində olmayan və paylarının (səhmlərinin) nəzarət zərfi dövlətə məxsus olmayan hüquqi şəxslər barəsində siyahısı aşağıda göstərilən yoxlamalar aparıla bilər.

Dərman vasitələrinin keyfiyyəti, təhlükəsizliyi qaydalarına riayət edilməsinin və sanitar-gigiyenik qaydalara riayət edilməsi Səhiyyə Nazirliyi tərəfindən yoxlanıla bilər.

Bərdə rayonunda fəaliyyət göstərən stomatoloq Bəhlul Abbaslı iddia edir ki, yerli icra hakimiyyəti tərəfindən sözügedən qanunundan və fərmandan irəli gələn tələblər pozulub. Onun sözlərinə görə, Bərdə rayonunun icra başçısının sərəncamı ilə stomatoloqların fəaliyyəti yoxlanılır. Həkim sərəncamın və yoxlamanın qeyri-qanuni olduğunu bildirir.

“Guya bir vətəndaş stomatoloqlardan şikayət edib. İcra başçısı da stomatloqların fəaliyyətinin yoxlanılması üçün bu ilin martın 9-da sərəncam verib. Yoxlamanın aparılması üçün komissiya yaradıblar.

Həkimləri yoxlamayacaq komissiyaya sədr olaraq humanitar şöbənin dini qurumlarla iş üzrə məsləhətçisi Eldəniz Səfərov təyin olunub. Komissiyanın nümayəndələri iki polis əməkdaşı və mülki geyimli şəxslərlə həkimlərin kabinetinə daxil olub, onları yerli icra hakimiyyətinə çağırıblar. Hamımızı bir yerə yığdılar. Bizdən “hörmət” istədilər”,-deyə Bəhlul Abbaslı bildirib.

O deyir ki, bu tələbə etiraz edən həkimlərin kabinetinin qapısını Respublika Gigiyena və Epidemiologiya Mərkəzinin möhürü ilə bağlayıblar: “Mərkəzin Bərdə rayon şöbəsinin inzibati binasına gedən ordan xəstə çıxar, amma guya bizim fəaliyyətimizdə nöqsan tapıb.

Keçirilən iclasda xəbərdar etdilər ki, bizi cəzalandırmaq üçün əllərində imkanlar çoxdur. Doğru deyirlər yerli icra orqanları Bərdə Rayon İcra Hakimiyyətindən asılıdır. Nə hava çalsa, ona da oyanacaqlar. Biz rüşvətə etiraz etdik deyə kabinetlərimizi bağladılar. Təkcə bizim deyil, rayonun diş xəstəliyindən əziyyət çəkənlərin də hüququnu pozdular.

Bir müddət sonra məcburiyyətdən bəzi həkimlər rüşvət tələbinə boyun əydi və onların kabinetinin qapısı açıldı. İcra hakimiyyətində yenidən iclas keçirib, həmin şəxslərə guya fəaliyyətini standartlara uyğunlaşdırılması üçün bir ay vaxt veriblər. Onlara “gedin yenidən lisenziya alın” deyiblər. Həmin iclasda bizi yenə hədələyiblər. Bizim barəmizdə ölçü götürəcəklərini deyiblər. Bir sözlə bizi gözümçıxdıya salıblar”.

Bəhlul Abbaslı iddia edir ki, Bərdə rayonda mərkəzi diş polikilinkada çalışan şəxslərin həkim diplomu yoxdur: “Orda həkim kimi çalışan şəxslər texniklər, onun-bunun əlinə baxıb öyrənənlərdir. Mən 1996-2001-ci illərdə Azərbaycan Tibb Universitetini stamotologiya fakültəsini bitirmiş, könülü hərbi xidmət keçmiş baş leytenantam. Təəssüf ki bizə dəyər verən yoxdur”.

İcra başçısı ilə stomatoloqlar arasında qarşıdurma
İcra başçısı ilə stomatoloqlar arasında qarşıdurma

 

ŞƏRH YAZ
0

Daha iki redaktorun məhkəməsi başladı — Qapalı iclas

Daha iki redaktorun məhkəməsi başladı
11:39
Bu gün
77
Ölkə
A
Bu gün Bakı Ağır Cinayətlər Məhkəməsində "Bizim dövr” qəzetinin baş redaktoru Surxay Əliyev və onun müavini Hikmət Nəcəflinin cinayət işi üzrə məhkəmə iclası davam etdirilib.

“Ölkə.Az”-ın xəbərinə görə, hakim Mahmud Ağalarovun sədrliyi ilə keçirilən iclasda məhkəmə istintaqı başlayıb. Prokuror ittiham aktını elan edib. Sonra vəkil Ceyhun Yusifov vəsatətlə çıxış edib. O, prosesin qapalı şəkildə keçirilməsini istəyib. Digər təqsirləndirilən şəxslər və onların vəkilləri də vəsatəti müdafiə ediblər. 

Müşavirədən sonra qərar elan edilib. Vəsatət qismən təmin edilib. Bəzi epizodlar üzrə proses qapalı keçiriləcək.

Qeyd edək ki, Dövlət Təhlükəsizliyi Xidməti (DTX) əməkdaşlarının keçirdiyi əməliyyat zamanı "Gündəlik Bakı" qəzetinin baş redaktoru Habil Vəliyev, “Bizim dövr” qəzetinin baş redaktoru S. Əliyev və onun müavini Hikmət Nəcəfli saxlanılıb. Qabaqcadan əlbir olan bir qrup şəxsin gizli qaydada informasiya alınması üçün nəzərdə tutulmuş texniki vasitələrdən istifadə etməklə qadınları digər şəxslərlə görüşdürüb münasibətlərinin gizli videoçəkilişlərini aparması, onları şantaj etməsi, habelə ayrı-ayrı şəxslər barəsində rüsvayedici və böhtan xarakterli məlumatları mütəmadi olaraq mətbu orqanlarında dərc etdirib bu fəaliyyətin dayandırılması müqabilində vətəndaşlardan külli miqdarda pul tələb edilməsi və alınması, bu üsulla müxtəlif idarə və təşkilatlarda çalışan şəxslərdən, sahibkarlardan dövri haqq toplanılması barədə daxil olmuş müraciətlər DTX-da araşdırılarkən Azərbaycan Respublikası ərazisində “reket” nəşrlər yaradıb, bu nəşrlərin jurnalistləri adı altında fəaliyyət göstərən bir qrup şəxs və onlarla şəbəkə halında əlbir olan digər şəxslərdən ibarət cinayətkar dəstənin silsilə cinayət əməlləri ifşa edilib, qanunsuz fəaliyyətlərinin qarşısı alınıb.

DTX tərəfindən aparılan araşdırmaların nəticələri üzrə hədə-qorxu ilə tələb etmə, əməliyyat-axtarış fəaliyyətini həyata keçirmək səlahiyyətinə malik olmayan şəxslər tərəfindən gizli qaydada informasiya alınması üçün nəzərdə tutulmuş texniki vasitələrdən istifadə etməklə belə tədbirlərin keçirilməsi faktları üzrə cinayət işi başlanılıb.

Bu iş üzrə təqsirləndirilən Sevinc Məmmədsalayeva ,Gülbəniz Əliyeva, İlahə Qasımova və Maarif Abbasov da var. Onlardan S. Məmmədsalayeva həbs olunub. Digərlərinin barəsində polisin nəzarətinə verilmə qətimkan tədbiri seçilib.

ŞƏRH YAZ
0

24 fevral Bakıda ikinci dəfə Satış Forumu keçiriləcək!

24 fevral Bakıda ikinci dəfə Satış Forumu keçiriləcək!
11:36
Bu gün
73
Ölkə
A
24 Fevral tarixində "Pullman" hoteldə Satış üzrə məsul şəxslərin, biznes sahiblərinin 2-ci forumu keçiriləcək.

Forumun məqsədi iqtisadi çətinlik dövründə biznesin inkişafı, satışın stimullaşdırılması, effektiv strategiya istiqamətlərinin müəyyən olunması və bu sahə üzrə ixtisaslaşan mütəxəssislərin müzakirəsi üçün platforma yaratmaqdır. 

"SAT Forum 2018" "SAT Group" və "FİL Agency" komandasıtərəfindənillikolaraqkeçirilir. 

Bu il 3 panel, moderator vəhərpaneldə 3 spikerolmaqla, toplam 10-dan çoxspikerinolmasıplanlaşdırılıb.
Forumdadəyişikliklərdövründə "FMCG", "Satışsistemi", "Satışalətləri", "Satışkomandası" kimipanellər olacaqdır.
Şüarımız “Sat ki satasan”dır. 

Nəzərinizə çatdıraq ki, Forumun biletləri 19 Yanvardan etibarən satışda olacaqdır. Biletləri Facebook səhifəsində onlayn sifariş göndərməklə və +994 55 455 56 44 nömrəsi ilə əlaqə saxlamaqla əldə edəbilərsiniz. Çatdırılma pulsuzdur. Biletin qiyməti: 30 AZN 

SAT Forum 2018-in keçirilməsinə dəstək olan tərəfdaşlarımız: 

Təşkilatçı: "SAT Group", "FİL Agency"
Kreativ tərəfdaş: "Leo Burnett"
Çap və Promo dəstəyi: "Antaris"
Texniki dəstək: "Azerizone"
Proqram tərəfdaşı: "Destec"
Dəstəkçilər: "Özsüt", "Lime Catering", "Facemark.az", "FMR TV", "Marketing AİR", "Digital AIR"

Daha ətraflı: 
http://satforum.az/ 
https://www.facebook.com/satforum.az/ 
+994 55 455 56 44

ŞƏRH YAZ
0
BAĞLA