KORONAVİRUSA YOLUXANLARIN SAYI - CANLI STATİSTİKA

Azərbaycanda əməkhaqqı kartlarının yoxlanılmasına başlanıldı

Azərbaycanda əməkhaqqı kartlarının yoxlanılmasına başlanıldı
14:38
23.05.2020
6800
Ölkə
A
Prezident İlham Əliyevin təşəbbüsü və tapşırığı ilə icra olunan ödənişli ictimai işlər proqramı sosial müdafiəyə ehtiyacı olan və işə düzəlməkdə çətinlik çəkən şəxslərin məşğulluğuna dəstək verilməsində mühüm rola malikdir.

Əmək və Əhalinin Sosial Müdafiəsi Nazirliyindən "Ölkə.Az"a verilən məlumata görə, proqramın icrasında şəffaflığın və güclü nəzarətin təmin olunması barədə dövlət başçısının göstərişinə uyğun olaraq, Əmək və Əhalinin Sosial Müdafiəsi Nazirliyi tərəfindən müvafiq tədbirlər görülür. Nazirliyin tabeliyindəki “DOST İş Mərkəzi” işsiz və işaxtaran şəxslərin ictimai işlərə qəbulu, əmək haqlarının ödənişi, yerlərdə ictimai işlərin təşkili ilə bağlı vəziyyətin qiymətləndirilməsi məqsədilə monitorinqləri davam etdirir.

Rayon (şəhər) icra hakimiyyətləri tərəfindən təqdim edilmiş işsiz şəxslərin siyahıları əsasında həmin şəxslər ictimai işlərə (abadlaşdırma, yaşıllaşdırma, təmizlik, ictimai yerlərə qulluq, hazırkı dövrdə dezinfeksiya və s.) cəlb olunur, onlarla “DOST İş Mərkəzi” arasında əmək müqaviləsi bağlanır. Hər bir işçi üçün əməkhaqqı kartı sifariş olunur və kartı yalnız şəxs şəxsiyyət vəsiqəsini təqdim etməklə bankdan götürür.

İcra hakimiyyətləri, onların tabeliyindəki icraçı qurumlarla (kommunal təsərrüfat idarə və birlikləri) “DOST İş Mərkəzi” arasında bağlanmış Sazişə əsasən, işçilərin nizam-intizamına və gündəlik fəaliyyətinə icraçı qurumlar birbaşa cavabdehlik daşıyır. Hər ayın sonu onların təqdim etdiyi davamiyyət cədvəllərinə əsasən ictimai işçilərin əməkhaqqları onların kartlarına köçürülür.

Ötən il “DOST İş Mərkəzi” tərəfindən 25 faizi Bakıda, qalanları bölgələrdə olmaqla 38 min haqqı ödənilən ictimai iş yeri yaradılıb. Həyata keçirilmiş monitorinq, nəzarət və digər tədbirlər nəticəsində 38 min ictimai iş yerindən əlavə 9 min şəxsin də məşğulluğu təmin olunub, bununla yanaşı 25,7 mln. manat büdcə vəsaitinə qənaət edilib.

2020-ci ildə isə pandemiya ilə əlaqədar məşğulluğa dəstək məqsədilə Prezident İlham Əliyevin tapşırığına əsasən, bu iş yerlərinin sayının 90 minə çatdırılması işləri aparılır. Artıq 61 mindən çox belə iş yeri yaradılıb.

“DOST İş Mərkəzi” tərəfindən ictimai iş yerlərində keçirilən monitorinqlər zamanı ötən il 5 mindən çox, bu il isə 1100-dən çox ictimai işçinin iş yerində olmadığı aşkar edilib. Onların ümumiyyətlə işə cıxmadıqları barədə şübhələr yarandığı üçün müəyyən olunan faktlar rəsmiləşdirilərək aidiyyəti üzrə təqdim edilib.

Nazirliyin digər fəaliyyət sahələri üzrə olduğu kimi, ödənişli ictimai işlərin təşkili ilə bağlı da ictimai aşkarlığın və bu sahədə ictimai nəzarətin təmin olunması üçün ictimai işçilərin şəhər və rayonlar üzrə adlı siyahıları qurumun rəsmi internet səhifəsində açıqlanıb və mütəmadi yenilənir.

ŞƏRH YAZ
0

“Müəllimlər heç zaman alışmadıqları və görmədikləri işi gördülər” — Millkət vəkili

“Müəllimlər heç zaman alışmadıqları və görmədikləri işi gördülər”
13:14
Bu gün
649
Ölkə
A
“Pandemiya dövründə ən böyük fədəkarlığı müəllim və həkimlər etdilər”.

“Ölkə.Az” xəbər verir ki, bunu Milli Məclisin bu gün keçirilən iclasında deputat Etibar Əliyev deyib.

Onun sözlərinə görə, həkimlər hər zaman gördükləri işlərə pandemiya dövründə  daha məsuliyyətlə yanaşaraq fəaliyyət göstərdilər:

“Ancaq müəllimlər heç zaman alışmadıqları və görmədikləri işi gördülər. Pandemiya dövründə müəllimlər ilk dəfə distant təhsili həyata keçirməklə təhsilin müxtəlif pillələrində şagirdlərə, tələbələrə təhsil verdilər”.

Deputat qeyd edib ki, müəllimlərin pandemiya dövründəki əməyi həqiqətən də bir fədakarlıq kimi dəyərləndirmək lazımdır:

“Çünki bu ilk dəfə idi ki, praktikada ilk dəfə tətbiq olunurdu. Buna baxmayaraq müəllimlərimiz bu işin öhdəsindən layiqincə gəldilər”.

Mürtəza

Ölkə.Az

ŞƏRH YAZ
0

Bataqlıqda köməksiz qalan azyaşlı xilas edildi — FOTO

Bataqlıqda köməksiz qalan azyaşlı xilas edildi
12:34
Bu gün
850
Ölkə
A
Türyançay çayının Qəbələ rayonunun Savalan kəndi ərazisindən keçən hissəsində, çay yatağındakı bataqlıq ərazidə 100 baş xırdabuynuzlu heyvanla birlikdə köməksiz qalan azyaşlı və heyvan sürüsü çıxarılaraq, aidiyyəti üzrə təhvil verilib.

“Ölkə.Az” xəbər verir ki, bununla bağlı Fövqəladə Hallar Nazirliyinin saytında məlumat yayılıb.

Fotolar oxu.az-a məxsusdur.

ŞƏRH YAZ
0
BAĞLA