İdlibdə xəstəxanaya havadan zərbə endirildi
Suriyanın İdlib şəhərində xəstəxana və kəndə havadan hücum edilib.
"Ölkə.Az" xəbər verir ki, insident İdlibin Kefer Teharim rayonunda və Duveyle kəndində baş verib. Xəstəxanaya və kəndə havadan endirilən zərbələr nəticəsində 15 nəfər həlak olub, 8 nəfər isə yaralanıb.
Hücum nəticəsində xəstəxananın qarşısındakı iki təcili tibbi yardım maşını istifadəyə yararsız hala düşüb. Xəstəxananın binasına da ciddi ziyan dəydiyi üçün xidmət göstərmir.
Xəstəxanada insan tələfatı qeydə alınmayıb. Raket zərbələrinə məruz qalan Duveyle kəndində 15 nəfər həlak olub, 8 nəfər isə yaralanıb.
Hava hücumunun kim tərəfindən həyata keçirildiyi dəqiqləşdirilməyib.
Hikmət
Ölkə.Az
