İdman dünyasında qalmaqal — Məşhur gimnast 7 il təcavüzə məruz qaldığını etiraf etdi

İdman dünyasında qalmaqal
17:01
18.10.2017
401
İdman
A
2012-ci ildə London Olimpiya Oyunlarında gimnastikadan qızıl medal qazanan Mak Kayla Maroney həyatı ilə bağlı etiraflar edib.

"Ölkə.Az" xəbər verir ki, ABŞ komandasının üzvü olan çempion 7 il boyunca məşqçiləri tərəfindən təcavüzə məruz qaldığını açıqlayıb.

Maroney 13 yaşında ABŞ gimnastika komandasının həkimi Larri Nassar tərəfindən təcavüzə məruz qaldığını bildirib. 21 yaşlı idmançı deyib: "Uzunmüddətli uçuşlardan əvvəl yuxu dərmanı verdi və onun otel otağında oyandım Yaponiyada baş verən bu hadisədə məni müalicə etdiyini söylədi".

Uşaqbazlıq və cinsi istismar ittihamlarına görə həbs edilən Nassar haqqında məhkəmə 27 oktyabrda qərarını açıqlayacaq.

İdmançı bildirib ki, bənzər hadisələr bir çox ölkədə baş verir və qadınlar səslərini ucaltmalıdırlar.

Maroney bildirib ki, Larri bütün yarış və tədbirlərdən əvvəl fürsət taparaq ona təcavüz edib: "London olimpiya oyunlarından əvvəl də mənə təcavüz edib. Tokio dünya çempionatında isə ən ağır cinsi hücuma məruz qaldım. Topuğumdakı problemi həkimə göstərdim. Nassar isə mənə əli ilə təcavüz etdi".

Hikmət Həsənov
Ölkə.Az

ŞƏRH YAZ
0

“Qarabağ” dünyanın ən yaxşı 100 komandası arasında

“Qarabağ” dünyanın ən yaxşı 100 komandası arasında
17:59
Bu gün
26
İdman
A
Dünyanın ən yaxşı klublarının siyahısı açıqlanıb.

"Ölkə.Az" Apasport.az-a istinadən xəbər verir ki, Beynəlxalq Futbol Tarixi və Statistikaları Federasiyasının (İFFHS) tərtib etdiyi cədvəldə planetin ən yaxşı 402 komandası yer alıb.

2017-ci ilin yekunlarının əksini tapdığı siyahıda Azərbaycan 3 klubla təmsil olunub. Ən yaxşı təmsilçimiz “Qarabağ”dı.

Ağdam klubu 136 xalla planetin 93-cü komandasıdı. İlk “100-lük”dəki yeganə təmsilçimiz Çempionlar Liqasının qrupuna qədər irəliləsə də, 1 il əvvəlki ilə müqayisədə 39 pillə geriləyib. Bu, Qurban Qurbanovun yetirmələrinin ötən il Avropa Liqasının qrupunda daha çox xal yığması ilə bağlıdı.

“Qarabağ”dan başqa, dünyanın 2 klubu 136 xala malikdi. Təmsilçimizin şərikləri “Borussiya” (Mönhenqladbax, Almaniya) və “Paçuka” (Meksika) klublarıdı.

Ölkəmizin siyahıdakı 2-ci komandası “Zirə”di. Paytaxt klubu 72 xalla 296-cı yerə şərikdi. “Atletiko” (Bukaramanqa, Kolumbiya), “Kolon” (Argentina), “Renn” (Fransa) və “Melqar”la (Peru) eyni xala malik Ayxan Abbasovun yetirmələri fantastik sıçrayışla diqqət çəkib. Ötən il 761-ci olan bakılılar 465 pillə irəliləyib.

Hesabında 65 xal olan “Qəbələ” isə 353-cü pillənin şərikləri arasındadı. Roman Qriqorçukun yetirmələri “Əl-Naser” (Səudiyyə Ərəbistanı), “Arka” (Polşa), “Defensor” (Uruqvay), “Atromitos” (Yunanıstan), “Hapoel” (Hayfa, İsrail), “Əl-Vəhdət” (İordaniya) ilə eyni nəticəyə malikdi. Əyalət klubu bir il əvvəlki ilə müqayisədə 255 pillə geriləyib. Bu, komandanın ötənilki uğurunu təkrarlayıb Avropa Liqasının qrup mərhələsinə yüksələ bilməməsi ilə bağlıdı.

Qeyd edək ki, siyahıya İspaniya “Real”ı başçılıq edir – 328 xal. Braziliya “Qremio”su 286 xalla 2-ci, İngiltərə təmsilçisi “Mançester Yunayted”  284 xalla 3-cüdü.

ŞƏRH YAZ
0

Məmmədyarov şahmat üzrə superturnirin III turunda heç-heçə edib

Məmmədyarov şahmat üzrə superturnirin III turunda heç-heçə edib
01:33
Bu gün
165
İdman
A
Hollandiyanın Veyk-an-Zeye şəhərində keçirilən şahmat üzrə "Tata Steel Chess" superturnirində III tura yekun vurulub.

“Ölkə.Az” xəbər verir ki, yarışda Azərbaycanı təmsil edən Şəhriyar Məmmədyarov növbəti heç-heçəsini edib. 33 yaşlı qrossmeyster turnirdə ikinci heç-heçəsini rusiyalı Maksim Matlakovla edib.

Bu nəticədən sonra Məmmədyarov aktivindəki xalların sayını 2-yə çatdırıb və 3-4-cü yerlərdə qərarlaşıb. Turnirə 2,5 xal ilə Vişvanatan Anand (Hindistan) və Aniş Giri (Hollandiya) başçılıq edir.

Ölkə.Az

ŞƏRH YAZ
0
BAĞLA