İdman gimnastlarımız Dünya Kubokunda çıxış ediblər

İdman gimnastlarımız Dünya Kubokunda çıxış ediblər
11:52
25.03.2019
362
İdman
A
Dohada (Qətər) idman gimnastikası üzrə Dünya Kuboku keçirilib.

Azərbaycan Gimnastika Federasiyasından "Ölkə.Az"a verilən məlumata görə, Tokio Olimpiya Oyunlarına təsnifat xarakterli ilin sonuncu kubokunda Azərbaycanın qadın və kişi təmsilçiləri də mübarizə aparıblar.

Gimnastlarımızdan ən yaxşı nəticə isə qadın idmançımız Marina Nekrasovaya aid olub. Belə ki, dayaqlı tullanma hərəkətlərində Marina 6-cı yerdən finala vəsiqə qazanıb. Yekun mərhələdə isə hakimlərdən 13.216 xal alan gimnastımız, yarışları 8-cı yerdə başa vurub.

Ölkə.Az

ŞƏRH YAZ
0

"Qarabağ" qələbə qazanaraq liderliyini qoruyub

00:43
Bu gün
59
İdman
A
Futbol üzrə Azərbaycan Premyer Liqasında XXV turun daha bir oyunu keçirilib.

"Ölkə.Az" "Report"-a istinadən xəbər verir ki, turnir cədvəlində ilk pillədə qərarlaşan "Qarabağ" autsayder "Keşlə"ni qəbul edib. Qarşılaşma Ağdam təmsilçisinin 3:0 hesablı qələbəsi ilə yekunlaşıb.

Görüşdə ilk qolu 18-ci dəqiqədə Simeon Slavçev vurub. Qoldan sonra "Keşlə"nin baş məşqçisi Tərlan Əhmədov hakimlərə etirazını bildirib. O, rəqib oyunçuların qaydanı pozduğunu iddia etsə də, FIFA referisi Əliyar Ağayev məşqçini texniki zonadan uzaqlaşdırıb. 59-cu dəqiqədə isə Riçard Almeyda penaltidən fərqlənməklə fərqi iki topa çatdırıb. 75-ci dəqiqədə Abdullah Zubir rəqibi üçüncü dəfə məyus edib.

Bu nəticədən sonra xallarının sayını 57-ə çatdıran "Qarabağ" 1-ci pillədəki mövqeyini qoruyub. "Keşlə" isə 20 xalla sonuncu - 8-ci yerdə qalıb.

Qeyd edək ki, günün digər oyununda "Səbail" səfərdə "Sumqayıt"ı məğlub edib - 2:1. Tura sabah keçiriləcək "Qəbələ" - "Zirə" və "Sabah" - "Neftçi" matçları ilə yekun vurulacaq.

Ölkə.Az

ŞƏRH YAZ
0

"Qəbələ" futbol klubuna yeni prezident təyin olunub

21:55
18.04.2019
2503
İdman
A
"Qəbələ" İdman Klubunun prezidenti vəzifəsinə yeni təyinat olub.

"Ölkə.Az" bildirir ki, Tale Heydərovun bir müddət əvvəl istefasından sonra klubun prezidenti vəzifəsini Fariz Nəcəfov icra edəcək.

2008-ci ildən klubda vitse-prezident kimi fəaliyyət göstərən Fariz Nəcəfov təyinatla bağlı bunları deyib:

"Qəbələ" İdman Klubunun prezidenti olmaq mənim üçün böyük şərəfdir. Mən Tale Heydərovun başladığı və uzun illər ərzində yüksək səviyyəyə qaldırdığı işi layiqli şəkildə davam etdirməyə çalışacaq, akademiyamızda gələcəyin çempionlarının yetişməsi üçün əlimdən gələni edəcəyəm".

Fariz Nəcəfovun prezident postuna təyin olunması ilə bağlı Tale Heydərov bunları deyib: "Mənim üçün getmək zamanı gəlmişdi və Fariz Nəcəfovun yeni prezident olmağını açıqlamaqdan məmnunluq duyuram. 13 il ərzində klubun inkişafını görmək möhtəşəm idi və buna görə bir daha klubun kollektivinə, futbolçulara və azarkeşlərə təşəkkür edirəm - bilirəm ki, onlar daha da irəli gedəcəklər".

Ölkə.Az

ŞƏRH YAZ
0
BAĞLA