III Buktreyler Festivalının nəticələri açıqlanıb

III Buktreyler Festivalının nəticələri açıqlanıb
22:36
02.05.2018
2574
Mədəniyyət
A
Mədəniyyət Nazirliyinin təşkilati dəstəyi, Beynəlxalq Muğam Mərkəzinin tərəfdaşlığı ilə keçirilən “Kitabı tanıdın, kitabla tanının” sloqanlı III Buktreyler Festivalının nəticəsi açıqlanıb.

"Ölkə.Az" APA-ya istinadla xəbər verir ki,  məlumatına görə, Beynəlxalq Muğam Mərkəzində təşkil olunan tədbirdə çıxış edən layihənin müəllifi və rəhbəri Ruslan Sabirli Buktreyler Festivalının 2016-cı ildən keçirildiyini bildirib.

O, qeyd edib ki, buktreyler kitabın məzmununu vizuallaşdırmaqla oxucular arasında təbliğinə istiqamətlənmiş, onun ən parlaq və tanınan anlarını özündə əks etdirən videoçarx və ya kitabın məzmunundan bəhs edən qısametrajlı filmlərdir. Buktreyleri ədəbiyyat, kino, reklam və internet texnologiyalarını özündə cəmləşdirən yeni incəsənət növü adlandırmaq olar.

“Libraff” kitab mağazaları şəbəkəsinin piar və marketinq direktoru Ülviyyə Allahverdiyeva, “Azercell” şirkətinin nümayəndəsi Sahilə İbrahimova, Azərbaycan Yazıçılar Birliyinin mətbuat xidmətinin rəhbəri Xəyal Rza çıxış edərək təmsil etdikləri qurumların festivala verdiyi dəstəkdən məmnun olduqlarını deyiblər.

Daha sonra qaliblərin adları açıqlanıb. Festivalda birinci yerə xalq yazıçısı Anarın seçilmiş əsərlərinə çəkdiyi treylerə görə Tural Kərimov layiq görülüb.

Qeyd edək ki, münsiflər heyətinə xalq yazıçısı Çingiz Abdullayev, xalq artisti Oqtay Mirqasımov, əməkdar mədəniyyət işçisi Yusif Şeyxov, əməkdar artistlər Mehriban Zəki, Murad Dadaşov daxildir.

Festivalın məqsədi kitab və mütaliənin cəmiyyətimizdə təbliği, kino sahəsində istedadlı və yaradıcı gənclərin üzə çıxarılması, buktreylerlərin incəsənət və biznesdə bir istiqamət kimi inkişafıdır.

Şərtlərə görə festivalda 1-ci, 2-ci (2 nəfər) və 3-cü (3 nəfər) yerin qalibləri müvafiq olaraq 1000, 800 (hərəsi) və 500 (hərəsi) manat məbləğində mükafatlandırılıb.

Ölkə.Az

ŞƏRH YAZ
0

Azərbaycanlı pianoçu Fransada təltif edildi — FOTO

Azərbaycanlı pianoçu Fransada təltif edildi
09:29
Bu gün
117
Mədəniyyət
A
Azərbaycanlı pianoçu Səidə Zülfüqarova Fransanın Karter-Su-Puasi şəhər meriyasının medalı ilə təltif edilib.

"Ölkə.Az" Report-a istinadən xəbər verir ki, S.Zülfüqarova Fransanın Karter-Su-Puasi şəhərinin 2019-cu ilin "fəxri qadın"ı medalına layiq görülüb.

Azərbaycanlı pianoçu bu medala öz peşə fəaliyyəti, şəhərin çıçəklənməsi, inkişafındakı rolu, qadınlar arasında nümayiş etdirdiyi yüksək fəallığı və nəhayət öz sənətinin ona açdığı imkanlardan istifadə edərək insanlar arasında sülhün bərqərar olması üçün göstərdiyi səylərinə görə layiq görülüb.

S.Zülfüqarova açıqlamasında bildirib ki, onda bu mövzuya həssaslıq doğma Vətəni Azərbaycanın bir parçası olan Qarabağın işğalı, bu münaqişənin sülh yolu ilə həlli və regionda sülhün birdəfəlik bərpa olunması üçün bəslədiyi ümid dolu istəyindən irəli gəlir.

Səidə Zülfüqarova Fransada Azərbaycanı öz yüksək peşəkarlığı, tükənməz enerjisi və Vətəninə bəslədiyi sonsuz məhəbbətilə layiqincə təmsil edən musiqiçilərimizdəndir. 

Ölkə.Az

ŞƏRH YAZ
0

Baloğlan Əşrəfovdan Firəngiz Əlizadəyə cavab: "Canım mənim, qaşım mənim..."

Baloğlan Əşrəfovdan Firəngiz Əlizadəyə cavab:
12:32
13.03.2019
10483
Mədəniyyət
A
Əməkdar artist Baloğlan Əşrəfov xalq artisti, Azərbaycan Bəstəkarlar İttifaqının sədri Firəngiz Əlizadənin "toy müğənnisi efirə çıxmamalıdır” fikrinə cavab verib.

B.Əşrəfov "Ölkə.Az"a açıqlamasında deyib:

"Firəngiz Əlizadəyə böyük hörmətim var, Allah onun canını salamat eləsin. Azərbaycanın bütün köhnə müğənniləri, tanıdığımız bütün klassik ifaçılar toylarda püxtələşib, toylarda oxuyublar. Toy istəniən ailə üçün gözəl hadisədir. Nazir də evlənir, icra başçısı da. Bəs bunların toylarını kim çalmalı, kim oxumalıdır? Müğənnilər məclislərə gedib evlənənlərə xeyir-dua verirlər, musiqilərini ifa edirlər. Axmağın biri bir axmaq mahnı oxuyubsa, hər kəsə qadağa qoymaq, eyni fikri şamil etmək olmaz axı".

Baloğlan Əşrəfov bildirib ki, hətta "Şöhrət" ordenli ifaçılarla da eyni məclislərdə olub:

"Son zamanlar ekranlarımızda oxunan mahnıların çoxunda bədii zövq korlanıb. Əlbəttə, jarqon ifadələr, məntiqə uyğun olmayan sözlərlə dolu mahnılar toylara da sirayət edib. Toydan sonra həmin ifanı ekrana çıxarmaqla mən də razı deyiləm. Allaha and olsun, toyda "Sənsiz" romansını da, xalq mahnılarımızı da oxumuşam. Yəqin ki, Firəngiz xanım həmin müsahibədə bəzi müğənniləri nəzərdə tutub. Mirzə Babayevlə toyda olmuşam. Halbuki Mirzə Babayev Azərbaycnaın ən gözəl ifaçılarından biri idi. Xalq artistləri, "Şöhrət" ordenli ifaçıların hamısı mənim yanımda toylarda olublar. İndi biz onları nə edək? Vaxtilə Bədii Şura bir sözə görə uzun müzakirələr aparırdı ki, bu söz efirdə səslənə bilməz. İndi efirə çıxarılan bəzi mahnılardan iyrənirəm. Gözünə dönüm, sevirəm səni, ürəyim mənim, canım mənim, qaşım mənim...bu sözlər ekran üçün deyil də. Yəqin ki, Firəngiz xanım bu tip mahnıları və belə mahnıları oxuyan ifaçıları nəzərdə tutub".

Qeyd edək ki, F.Əlizadə ONA-ya müsahibəsində bildirib ki,  müğənni təkcə toyda oxuyursa,  efirə çıxmamalıdır:

"Amma xalq artisti, əməkdar artistdirsə, onu biz konsert salonlarında görürüksə, o zaman efirə çıxmalıdır.   Xalq qəbul edirsə, toylarda qulaq assın, ciblərinə pul bassın. O müğənnilər televiziya kanallarında meydan sulamamalıdırlar". 

İntiqam VALEHOĞLU
Ölkə.Az

ŞƏRH YAZ
1
BAĞLA