III Dünya Müharibəsi baş verə bilər — Qorxunc proqnozlar

III Dünya Müharibəsi baş verə bilər
23:59
21.09.2017
428
Analitika
A
"Hər an fors major hadisələr baş verə bilər”

“ABŞ Şimali Koreya ilə razılığa gəlməyəcək. Əgər Şimali Koreya lideri Amerika ilə hesablaşmasa, onların dövlətini yer üzündən siləcəyik”.

Bu tipli müxtəlif sərt bəyanatlarla çıxış edən ABŞ prezidenti Donald Tramp iki ölkə arasındakı gərginliyi daha da artırmaqdadır. Ondan geri qalmayan Kim Çen In isə müxtəlif təhdid və təhqirlərlə Amerikaya hədə-qorxu gəlir. Bu azmış kii dəfələrlə nüvə başlıqlı raketləri sınaqdan keçirdən Şimali Koreya regionda hegemonluq edir.

Dünya siyasətçiləri hesab edirlər ki, əgər belə davam edərsə iki dövlət arasındakı münasibətlər hərbi istiqamətdə davam edəcək. Bu zaman Kim Çen In Cənubi Koreya, Yaponiya və Amerikanın tərəfdaş dövlətlərinı nüvə silahı ilə vuracağını bildirib. Siyasətçilər düşünürlər ki, belə olan təqdirdə 2 milyondan çox insanın ölümü ilə nəticələnə bilən III Dünya Müharibəsi baş verə bilər.

Azərbaycanlı siyasətçilər də, əgər belə davam edərsə III Dünya Müharibəsinin olacağını istisna etmirlər. Politoloq Fikrət Sadıqov “Ölkə.Az”a açıqlamasında bildirib ki, əgər ABŞ ilə Şimali Koreya arasında münasibətlər bu axarı ilə getsə və gərginlik bir az da artsa, III Dünya Müharibəsi qaçılmaz ola bilər. Onun sözlərinə görə, III Dünya Müharibəsi istisna olunmur.

“Belə bir təhlükə var. Burada iki qüvvə üzləşib. Bir tərəfdən Şimali Koreya, digər tərəfdən isə hegemon ABŞ və Tramp hökumətidir. Hər halda Amerika və onun rəhbərləri vəziyyəti təhlil etməlidirlər. Amerika Şimali Koreyaya qarşı güc tətbiq etməzdən əvvəl öz müttəfiqlərinin gələcəyi haqqında düşünməlidir. Cənubi Koreya, Yaponiya, Çin dövlətləri var. Bu müharibə nə qədər onların maraqlarına zərər vuracağı araşdırılmalıdır. Hazırda çox təhlükəli vəziyyət yaranıb. Problemləri hərbi yolla deyil, danışıq əsnasında, sülh yolu ilə həll etmək lazımdır. Belə vəziyyət çox uzana bilməz. Əgər gərginlik davam etsə, hər an fors major hadisələr baş verə bilər”, - deyə politoloq bildirib.

Fikrət Sadıqov deyir ki, Tramp hələlik Şimali Koreya rəhbərliyinə hədə-qorxu gəlir: “Tramp xəbərdarlıq şəkildə bəyanatlar verir. İnanmıram ki, dərhal belə bir hərbi əməliyyatlara başlasın. Şimali Koreyanın yanında müttəfiqləri var. Tramp Administrasiyası başa düşməlidir ki, Şimali Koreya lideri düşünülməmiş addımlar atacaq qədər ağılsız insandır. Bu səbəbdən də, regionda müharibə abu-havası bir çox dövlət üçün baha başa gələr”. 

Ziya Səccad
Ölkə.Az

ŞƏRH YAZ
0

Sabah dollar neçəyə olacaq?

Sabah dollar neçəyə  olacaq?
17:14
10.09.2018
329
Analitika
A
Sentyabrın 11-nə manatın məzənnəsi açıqlanıb.

Mərkəzi Bankdan "Ölkə.Az"a verilən məlumata görə, 11.09.2018-ci il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.

Qeyd edək ki, 2018-ci il sentyabrın 10-da da USD/AZN rəsmi məzənnəsi 1,7000 manat təşkil edib.

ŞƏRH YAZ
0

Ötən gecə cəbhə

Ötən gecə cəbhə
09:38
07.09.2018
343
Analitika
A
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 91 dəfə pozub.

Bu barədə "Ölkə.Az"a Azərbaycan Müdafiə Nazirliyinin mətbuat xidmətindən məlumat verilib.

Ermənistan Respublikası Noyemberyan rayonunun Şavarşavan kəndində, İcevan rayonunun Ayqeovit kəndində və adsız yüksəkliklərdə yerləşən mövqelərdən Qazax rayonunun Quşçu Ayrım, Cəfərli, Bala Cəfərli kəndlərində, Berd rayonunun Çinari kəndində yerləşən mövqelərdən Tovuz rayonunun Koxanəbi, Əsrik Cırdaxan kəndlərində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən mövqelərimiz atəşə tutulub.

Tərtər rayonunun işğal altında olan Göyarx, Çiləbürt, Ağdam rayonunun Nəmirli, Qaraqaşlı, Seyidli, Sarıcalı, Yusifcanlı, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Qaraxanbəyli, Qorqan, Kürdlər, Horadiz, Cəbrayıl rayonunun Nüzgar kəndləri yaxınlığında, həmçinin Goranboy, Tərtər, Xocavənd və Cəbrayıl rayonları ərazisindəki adsız yüksəkliklərdə yerləşən mövqelərdən də Azərbaycan ordusunun mövqeləri atəşə tutulub.

ŞƏRH YAZ
0
BAĞLA