İki güləşçimiz Avropa çempionu oldu

İki güləşçimiz Avropa çempionu oldu
00:54
09.06.2019
803
İdman
A
İspaniyanın Pontevedra şəhərində gənc güləşçilər arasında Avropa çempionatı davam edir.

“Ölkə.Az” xəbər verir ki, Azərbaycan yığması qitə birinciliyində daha iki medal qazanıb. Sərbəst güləşçilərimizdən ikisi çempion tituluna yiyələniblər.

Təmsilçilərimizdən Turan Bayramov (65 kq) 1/8 finalda güclü rəqiblə üz-üzə gəlib. Yeniyetmələr arasında dünya, Avropa və olimpiya çempionumuz Gürcüstan idmançısına minimal fərqlə qalib gəlib. Pəhləvanımız daha sonra Fransa təmsilçisini üstələyərək yarımfinala yüksəlib. Gəncə güləş məktəbinin yetirməsi yarımfinalda Moldova güləşçisinin də öhdəsindən gələrək, finala vəsiqə qazanıb. Həlledici qarşılaşmada Rusiya təmsilçisiylə üz-üzə gələn Turan sonuncu xal prinsipinə əsasən qalib gələrək, Avropa çempionu olub.

Abubakr Abakarov qitə birinciliyini uğurla bitirib. 79 kq çəki dərəcəsində çıxış edən təmsilçimizə startda Belarus güləşçisini məğlub etmək üçün cəmi 1 dəqiqə 30 saniyə kifayət edib. Yığmamızın üzvü Litva idmançısını da vaxtından əvvəl məyus edərək adını yarımfinala yazdırıb. Bu mərhələdə eston rəqibinə də göz açmağa imkan verməyərək vaxtından əvvəl qələbə qazanıb və finala yüksələn ikinci sərbəst güləşçimiz olub. Həlledici qarşılaşmada Rusiya güləşçisini də üstələyən Abubakr Avropa çempionu tituluna yiyələnib.

Qeyd edək ki, yarışda sabah sərbəst güləşçilərimiz daha 1 qızıl və 3 bürünc medal üçün qüvvələrini sınayacaqlar.

Daha öncə isə yunan-Roma güləşçilərimizdən Əsgər Əlizadə (60 kq) 2-ci, Zaur Əliyev (55 kq) 3-cü olub.

Ölkə.Az

ŞƏRH YAZ
0

Hacı Əliyev əsəbiləşib özündən çıxdı — Hakimlərə hücum etdi - VİDEO

Hacı Əliyev əsəbiləşib özündən çıxdı
11:38
Bu gün
1303
İdman
A
Qazaxıstanın paytaxtı Nur-Sultandakı dümya çempionatında Azərbaycanı təmsil edən sərbəst güləşçimiz Hacı Əliyevin ilk görüşdə məğlub olması barədə xəbər vermişdik.

"Ölkə.Az" baku.ws-ə istinadən xəbər verir ki, 65 kq çəki dərəcəsində yer alan üçqat dünya çempionumuz rusiyalı Hacımurad Rəşidov məğlubiyyətini haqsız sayb.

İlk hissədə Əliyev hesabda geri düşsə də, ikinci yarıda vəziyyəti öz xeyrinə dəyişib - 2:1. Lakin sona doğru Rəşidov önə çıxıb - 3:2. Bununla belə, Əliyev daha 2 fəndlə önə çıxıb. Lakin Rusiya tərəfi etirazından sonra videotəkrara baxılıb. Nəticədə Əliyevin 2 xalı sildirilib. Hakimlərin qərarı ilə azərbaycanlı pəhləvan uduzdurulub - 2:4. 

Qərardan narazı qalan Əliyev qırmızı vərəqəni hakimlərə tərəf atıb. Güləşçimiz daha sonra hakimlərin üzərinə getmək istəyib. İşə yerli polis qarışıb. Yalnız bundan sonra üçqat dünya çempionu çölə çıxıb.

Hakimlər qırmızı vərəqə göstərərək onu yarışdan kənarlaşdırıblar.

Ölkə.Az

ŞƏRH YAZ
0

Hacı Əliyev ilk görüşündə məğlub oldu — FOTO

Hacı Əliyev ilk görüşündə məğlub oldu
11:12
Bu gün
777
İdman
A
Qazaxıstanın paytaxtı Nursultandakı dünya çempionatında Azərbaycanı təmsil edən sərbəst güləşçi Hacı Əliyev ilk görüşünə çıxıb.

"Ölkə.Az" xəbər verir ki, 65 kq çəki dərəcəsində mübarizə aparan pəhləvanımız təsnifat mərhələsində rusiyalı Hacımurad Rəşidovla qarşılaşıb. 

İlk hissədə Əliyev hesabda geri düşsə.də, ikinci yarıda vəziyyəti öz xeyrinə dəyişib - 2:1. Lakin sona doğru Rəşidov önə çıxıb - 3:2. Bununla belə, Əliyev daha 2 fəndlə önə çıxıb. Lakin Rusiya tərəfi etiraz edərək, Əliyevin 2 xalını sildirib. Nəticədə hakimlərin qərarı ilə azərbaycanlı pəhləvan uduzdurulub - 2:4. 

Qərardan narazı qalan Əliyev qırmızı vərəqəni hakimlərə tərəf göstərib.  (baku.ws)

Ölkə.Az

ŞƏRH YAZ
1
BAĞLA